Zẹkaraia 7:12 - Edo Bible (E Baibol Ẹdo) Version 1996

¹² iran keghi ye ekhọe iran wegbe zẹ vbe okuta nọkhua. Rhunmwuda ne iran ma na zẹye emwi ne I la obọ avbe akhasẹ ni rrọ vbe ẹghẹ ne ọ kpẹre ma iran re, ohu keghi mu mwẹ ẹsẹse.

Zẹkaraia 7:12 ပူးပေါင်းရင်းမြစ်များ

II Krọnikol 36:13

E Zedekaia keghi sọtẹ e Nebukiadneza ne ọba ne ọ ka ya ẹe vẹn Osanobua nẹ wẹ rẹn gha ya ẹkoata gha ga ẹe. Ọ keghi wa ya izevbudu he ne ọ roiro fi ekhọe werriẹ, ne ọ bu e Nọyaẹnmwa ne Osanobua Izrẹl gha dee.

II Krọnikol 36:16

Sokpan, iran kegha ya emwa ne Osanobua gie ẹre uhunmwu gbogiẹ, iran ma zẹ ye ẹmwẹ ne iran ta, iran na vbe gha giẹ avbe akhasẹ ọre, rhinrin a ke do miẹn wẹ ohu Osanobua ghe emwa rẹn kpọlọ sẹrriọ wẹ, emwi ne a gha ya rhanmwẹ ọẹn re, ẹ i ghi rrọ.

Job 9:4

Osanobua wan ẹsẹse, ọ vbe mwẹ ẹtin, ọmwa ne ọ gha sẹtin mu aro da ẹre irrọ.

Psalm 50:17

Wa wẹ wa i kue ne I dia uwa, wa he iyi mwẹ ye otọ.

Ẹksọdọs 7:13

Ọba keghi yin ehọ, ọ ma zẹ ye Mosis kevbe Errọn re zẹ vbene Nọyaẹnmwa khare.

Aizaia 46:12

“Wa danmwehọ mwẹ, wa ni ze vbe ẹkoko udu ni ro wẹ akhọnmiotọ wa rrei ẹsẹse.

Aizaia 48:4

I rẹnrẹn ighẹ wa gha rhie ma ighẹ wa zevbudu wa na ye gbain vbe ematọn, kevbe ne ẹ i vbe vbokho zẹ vbe ẹgere.

Aizaia 6:10

Rẹn keghi vbe tama mwẹ wẹẹ, “Gie ekhọe iran ne emwa na gbin, gie ehọ iran yin, ne aro iran vbe rhu. Ne iran ghẹ bẹghe ra ne iran họn, ra ne iran rẹn emwi ne a yae kha. Ọ gha gie iran ru, iran sẹtin fiwerriẹ bu mwẹ gha dee, mẹ ghi mu iran egbe rran.”

Aizaia 65:12

Vbene uwa hi hẹ nọ wẹ ne uwa wulo uwu ekpain ekpain, rhunmwuda, wa ma khuẹnniẹn vbe I tie uwa, wa ma danmwehọ vbe I guan. Wa na wẹ te uwa ra he uhunmwu yọmwẹ obọ ne uwa gha ru emwi dan.

Jerimaia 17:1

E Nọyaẹnmwa keghi kha wẹẹ, “Ivbi e Juda, ukeke ematọn ọ re a ya gbẹnnẹ orukhọ uwa yotọ, emwi ne ọ mwẹ ukpe ọghe ẹdaimọn ọ re a ya gbẹnnẹ ọẹn ye uwa ẹkoko udu, a keghi kaa ẹre ye efẹn Ogiukpo uwa.

Jerimaia 17:23

Avbe erha iran odede ma họn ẹmwẹ mẹ ra ne iran zẹ yọ mwẹ re. Sokpan iran keghi ze vbe udu, iran ma họn ẹmwẹ mẹ amawẹ ne iran ruẹ emwi vbe ehe ne I ye.

Jerimaia 26:19

E Hẹzekaia kevbe ivbi e Juda ma gbe Maika ua sokpan, e Hẹzekaia keghi gha mwẹ e Nọyaẹnmwa ọghọ, ọ na gha ho ne ọ miẹn aro nọ maa vbe obọ ẹre. E Nọyaẹnmwa keghi fi ekhọe werriẹ vbekpa ọkhọ ne ọ te wẹ ne ọ rruan iran. Ghe nian, ma ra ye obọ ima si ọkhọ rri egbe ima uhunmwu.”

Jerimaia 42:21

Banbanna nian, I tama uwa nẹ sokpan, wa wa fieghe uhunmwu ye emwi hia ne Nọyaẹnmwa ne Osanobua ima giee mwẹ wẹ ne I tama uwa.

Jerimaia 5:3

Vbe ẹmwata, emwi ne Nọyaẹnmwa gualọ ọrọre ayekhọe ga. Ọ fi uwa emwi sokpan wa ma zẹ yọ, ọ rẹnkhẹẹn uwa, sokpan, wa ma ye mwẹ ẹwaẹn wa keghi yin ehọ, wa ma vbe zobọ vbe orukhọ ne uwa ru.

Jerimaia 7:20

Rhunmwuda ọnii, mẹ ne Nọyaẹnmwa ne Udazi gha gie ohu mwẹ ne ọ mwẹ ọghae hihiẹn yan Ọgua Osa na. I gha hihiẹ ọe yan emwa nagbọn kevbe avbe aranmwẹ oha, uhin ya sẹ egbe erhan kevbe emwiokọ. Te ohu mwẹ ra ye vbe erhẹn na i miẹn ọmwa ne ọ gha sẹtin dọ ẹre yọ.

Ezikiẹl 11:19

I gha rhie orhiọn kevbe ekhọe ọgbọn ne iran. I gha miẹn iran ekhọe okuta ni zevbudu nii, I ghi rhie orhiọn ne ọ họn ẹmwẹ ne iran.

Ezikiẹl 14:5

Avbe ẹbọ nii ni ye ivbi Izrẹl fi iyeke gbe mwẹ, sokpan, I yayi wẹ ewanniẹn ne I gha rhie ne iran gha ya iran dọlegbe bu mwẹ rre.

Ezikiẹl 2:4

Iran ze vbe ẹkoko udu, iran i vbe ya ọghọ mẹ, rhunmwuda ọnii, I ra giọ ne u ya tama iran vbene imẹ ne Nọyaẹnmwa ne Udazi kha hẹ.

Ezikiẹl 36:26

I gha rhie ẹko kevbe ekhọe ọgbọn ne uwa I gha miẹn uwa ekhọe okuta uwa ne ọ zevbudu nii, I ghi rhie ekhọe ne ọ họn ẹmwẹ ne uwa.

Zẹkaraia 1:2

E Nọyaẹnmwa ne Oghodua keghi gie Zẹkaraia ne ọ tama emwa nii wẹẹ, “Ohu avbe erha uwa odede wa kakabọ mu imẹ ne Nọyaẹnmwa,

Zẹkaraia 7:7

Uhunmwu ne Nọyaẹnmwa vbe gie avbe akhasẹ ni karo ọ re ọna khin vbe ẹghẹ ne Jerusalẹm na gha rre atẹ vbe ne ẹvbo na vuọn rẹn, ne ẹvbo na vbe vuọn avbe ore nekhua ni lẹga ẹre, kevbe isoko ni rre odẹ ekẹn vbe ototọ oke.

Matiu 13:15

Rhunmwuda ekhọe iran gbin nẹ, iran kan emwi khiẹ ehọ, iran mimi aro gbua. Ne iran ghẹ ya ye aro iran dẹghe, ne ọ ghẹ ya la iran ehọ, ne iran ghẹ ya rẹn otọ ẹre ne iran ghẹ ya fiwerriẹ ne imẹ do ya bọ iran erriọ Osanobua khare.’

Iyẹn ne ọ Maan Ọghe Mak 4:12

Na miẹn ehe na miẹn wẹẹ: “ ‘Vbe ne iran gha ghe sẹ, iran i bẹghe! Vbene iran gha danmwehọ sẹ, iran i rẹn otọ ẹre, ne iran ghẹ ya fi ekhọe werriẹ bu Osanobua, rẹn ghi vbe do ya bọ iran.’ ”

Iyẹn ne ọ Maan Ọghe Luk 8:12

Emwiokọ ni dele ye adesẹ odẹ ọrọre iran ni te họn, sokpan esu keghi do rhie ẹmwẹ ni hin iran ekhọe rre, ne iran ghẹ miẹn ehe na yayi ne a miẹn iran fan.

Iwinna 28:27

Rhunmwuda ekhọe iran i rẹn emwi, iran vbe kan igban khiọ ehọ, iran na mimi aro gbua, ne aro iran ghẹ ya dẹ ghe, ne ehọ iran ghẹ ya họn, ne Ọ ghẹ ya la iran ekhọe, iran ghi do fiwerriẹ bu mwẹ gha dee mẹ ghi do mu iran egbe rran. Erriọ Osanobua khare.’ ”

II Pita 1:21

Rhunmwuda, ẹmwẹ avbe akhasẹ hia, ọkpa i rrọọ ne a tae zẹ vbe iho ọghe ọmwa kẹkan, sokpan te a gha dia ọmwa khian vbe ekpa Orhiọn Ne ọ huanrẹn, vbe uwu ehe ne iran na ta ẹmwẹ ne ọ ke ehe ne Osanobua ye rre.