Zẹkaraia 6:7 - Edo Bible (E Baibol Ẹdo) Version 1996

⁷ Avbe ẹsin nii gbẹnnẹ ekẹnnẹkẹnnẹ ghi wa ladian, ọ ke wa gha fi iran egbe wẹ iran ra ya rhuan otọ agbọn ghe. Odibosa nii keghi tama iran wẹẹ, “Wa gha khian ya rhuan otọ agbọn ghe,” iran keghi gele ru vberriọ.

Zẹkaraia 6:7 ပူးပေါင်းရင်းမြစ်များ

Gẹnẹsis 13:17

Wanwanna nian, mu egbe ne u khian la otọe nii ga a, rhunmwuda, te I ra mu ehia nuẹn.”

II Krọnikol 16:9

Te Nọyaẹnmwa wa rhie aro sẹ otọ vbe agbọn na hia ne ọ miẹn ehe na rhie ẹtin ne iran ne ekhọe ẹre mudia ẹse vbe ehe ne ọ ye. Emwi ukọnmwẹ ọ re u wa ru ni rhunmwuda ọnii nian, ke eban kpao, okuọ ọ re u ghi ra gha khọn ẹghẹ hia.”

Daniẹl 7:19

I keghi gha ho ne I ye rẹn sayọ vbe ekpa aranmwẹ ne ogienẹ ne ọ lughaẹn ne nekpa, aranmwẹ ne ọ mu ohan nii, ọ ya ihiẹn oze ẹre, kevbe akọn ematọn ẹnrẹn piẹn emwi ne obọ ẹre vbare, ọ ghi ya owẹ mama ẹẹn ginna otọ.

Daniẹl 7:24

Avbe igho igbe nii keghi re avbe ọba igbe ni gha rriọba vbe otọe arriọba nii. Iyekọnii, ọba ọvbehe gha vbe ladian, ọ gha wa lughaẹn ne nekpa hia ni kagha rre, ọ gha munọ avbe ọba eha gbotọ.

Zẹkaraia 1:10

Te Nọyaẹnmwa gie iran ne iran ya rhuan otọe agbọn ghe.”

Nọmbas 21:4

Ivbi Izrẹl keghi la odẹ Ẹzẹ Irunmwu kpahin oke Họ rre, ne iran miẹn ehe na fian oha ye Idọm obọ gberra. Sokpan iran ghi sẹ odẹ, emwa ma ghi sẹtin zin egbe.