Zẹkaraia 6:14 - Edo Bible (E Baibol Ẹdo) Version 1996

¹⁴ Ẹdẹ ni gha rre nẹ a ya gbe ayere vbe Ọgua Osa e Nọyaẹnmwa vbe eni e Heldai, Tobaija, Jedaia, kevbe Josaia.”

Zẹkaraia 6:14 ပူးပေါင်းရင်းမြစ်များ

II Ọba 25:18

Usun emwa ne Nebuzaradan vbe munọ ẹre oghunmwu ba ẹre kegha re Seraia ne Ogie Ohẹn, e Zẹfanaia ne ohẹn ne ọ zẹ diake ẹe, deba arhin eha kpataki ni rre ukpo vbe Ọgua Osa.

Ẹksọdọs 12:14

Ẹdẹ na ghi gha re ẹdẹ ne a gha yerre ne uwa. Wa ghi gha ru emwi ukpo ẹre ne I ya ye emwi ne imẹ ne Nọyaẹnmwa ru rre. Wa ghi gha ru ẹe ke orre ya sẹ orre zẹ vbe emwiukpo ẹdẹdẹmwẹdẹ.

Ẹksọdọs 28:12

U ghi sikan iran mu abọ ne ọ la izabọ ọghe adaghọ nii ne a ya gha ye eni ivbi Izrẹl rre. Erriọ ọre Errọn gha na gha dada eni iran khian vbe izabọ ẹre, erriọ ọre imẹ ne Nọyaẹnmwa gha na gha ye iran rre ẹghẹ hia.

Ẹksọdọs 28:29

“Errọn gha la uwu ehe ne ọ Huanrẹn nii, ọ ghi gbẹnnẹ eni ivbi Izrẹl ye uhanhan ukpọn ẹwẹe ne imẹ ne Nọyaẹnmwa miẹn ehe na gha ye iran ne emwa mwẹ rre vbe ẹghẹ hia.

Zẹkaraia 6:10

Ọ wẹẹ, “Viọ emwi ihaoko ọghe iran ni rre iwe ighe Heldai, Tobaija kevbe Jedaia, ne uwa gha rrie owa e Josaia ne ovbi e Zẹfanaia ọwarọkpa. Emwa na hia ke iwe rre nẹ ke Babilọn gha dee.

Zẹkaraia 6:11

Ya avbe igoru kevbe esiliva ne iran viọ rre ru ẹde ne u mu ẹẹn yan e Jọsua ne ovbi e Jehozadak uhunmwu.

Nọmbas 16:40

Ọna kegha re ne ivbi Izrẹl gha miẹn wan wẹ ọmwa ne ẹ i re ovbi uniẹn ọghe Errọn ne ọ ghẹ gha rrie aka do gha giẹn eturari vbe odaro e Nọyaẹnmwa, ne a ghẹ vbe fuẹn ọnrẹn uan zẹ vbe Kora kevbe irogho ẹre. A keghi ru emwi na hia zẹ vbene Nọyaẹnmwa gie Mosis ne ọ tama Eliaza.

Nọmbas 31:54

Ẹre Mosis kevbe Eliaza na viọ avbe igoru nii gha rrie Owa Ukpọn Ile ne Nọyaẹnmwa miẹn ehe na gha degue ivbi Izrẹl.

Matiu 26:13

Wa yi ẹre ẹro, ehe ne a rhirhi na kporhu iyẹn ne ọ maa na vbe uhunmwu otọe agbọn hia, a gha vbe gha ta emwi ne ọ ru na ya ye ẹre rre.”

Iyẹn ne ọ Maan Ọghe Mak 14:9

Ne I tama uwa nian, eheikehe ne a gha na kpe orhu iyẹn ne ọ maa na vbe uhunmwu otọ agbọn hia, a gha vbe na iyẹn emwi ne ọ ru na ne a ya gha ye ẹre rre.”

Iwinna 10:4

Rẹn keghi tọn aro ye odibosa ni egbe rhunmwuda ighẹ ohan mu ẹn, ọ wẹẹ, “Vbe ọ khin nọwanrẹn?” Odibosa nii wanniẹn wẹẹ, “Osanobua rhan obọ miẹn erhunmwu kevbe iwinna itohan ruẹn nẹ, ọ kevbe ye ruẹ rre.

Jọsua 4:7

Wa ghi tama iran wẹ ẹghẹ ne Ẹkpẹti Ile ọghe Nọyaẹnmwa na fian Ẹzẹ Jọdan rra, amẹ ọnrẹn keghi dobọ ulẹmwẹ yi. Avbe okuta na ghi gha re ama ayere ne ivbi Izrẹl ẹdẹdẹmwẹdẹ.”

I Samuẹl 2:30

Mẹ ne Nọyaẹnmwa ne Osanobua ọghe Izrẹl ọ re ọ yan rẹn vbe ẹghẹ ne ọ gberra wẹ ẹwae ruẹ kevbe ẹgbẹe ruẹ, gha ga mwẹ zẹ vbe ohẹn ẹdẹdẹmwẹdẹ sokpan, banbanna nian, I khare wẹ I i ghi mwẹ obọ vbọ sokpan, I gha daa ne iran ni daa mẹ, sokpan, iran ni zan mwẹ, I gha fa iran an.