Zẹkaraia 5:6 - Edo Bible (E Baibol Ẹdo) Version 1996

⁶ Mẹ keghi nọ wẹẹ, “De emwi ne ọ khin?” Rẹn keghi wanniẹn wẹẹ, “Okhuae nọ, ọ vbe mudia ye ihe orukhọ otọe na hia.”

Zẹkaraia 5:6 ပူးပေါင်းရင်းမြစ်များ

Levitikọs 19:36

Wa gha lo uwan ẹmwata, ukhuamwẹ ẹmwata ke omwa ẹmwata. Mẹ ọre Nọyaẹnmwa Osanobua rua, te I dẹ uwa ke otọ Igipt gha dee.

Emọs 8:4

Wa danmwehọ ẹmwẹ na, wa ni ya owẹ rrilo ne ẹ i mwẹ ginna otọ, ne uwa na vbe ho ne uwa fuẹn avbe ivbiogue ni rre ẹvbo hinrre.

Emọs 8:5

Wa ghi gha tama egbe wẹẹ, “Ma gha sẹtin mudia ne irhiẹdẹ fo nẹ ma keghi ya gha khiẹnnẹ avbe ọka ima? De ẹghẹ ne Ẹdẹ Ikẹtin ra ya gberra yi ne ima miẹn ehe na suẹn emwi gha khiẹn? Ẹghẹ nii, ma ghi fian yan emwi hia, ma ghi gha ya omwa ne ọ ma gba mwa emwi, ma ghi mu esike ye vbene ọ gha ya mu emwa ni gu ima dẹlẹ emwi ru.

Emọs 8:6

“Ma sẹtin khiẹn ọka ne ẹ i maa aghanghan. Ma gha gualọ ovbiogue ne ọ ma sẹtin ha osa ne ọ rre ọre urhu, egbe igho ne a ya dẹ e esanda eva kẹkan, ma ghi dẹ ọe ya ru ọviẹn.”

Maika 6:10

Ẹfe ne a la odẹ dan miẹn rre uwu owa emwa dan. Iran ya omwa ne ọ ta ohoghe mwa emwi, emwi ne ọ wa sọnnọ mwẹ.

Zẹfanaia 1:9

I gha rri iran hia oya ighẹ iran ni ru ugamwẹ zẹ vbe ivbi ẹbọ, iran ni rha, ni vbe do izigha ne a miẹn ehe na ye emwi ne a fu hẹ vuọn owa arowa iran; deba erẹrẹ kevbe uyinmwẹ ne ọ wegbe.

Zẹkaraia 5:7

Okhuae na mwẹ ugue ne a ye oze ru. Zẹ vbene I wa ghe ẹre nii, a keghi tọn ugue ẹre mu, okhuo ọkpa kegha rre uwu ẹre, ọ tota!