Zẹkaraia 5:2 - Edo Bible (E Baibol Ẹdo) Version 1996

² Odibosa nii keghi nọ mwẹ emwi ne I bẹghe. Mẹ keghi wanniẹn wẹẹ, “Ebe ne a kiri ne ọ tin la odukhunmwu khian. Utanmwẹ ọnrẹn re ibata ọgban vbe ne uvbẹmwẹ ọnrẹn na re ibata ekesugie.”

Zẹkaraia 5:2 ပူးပေါင်းရင်းမြစ်များ

Jerimaia 36:2

“Rhie ebe ohian, ne u gbẹnnẹ emwi hia ne I he tama ruẹn vbekpa e Juda, Izrẹl, kevbe avbe uhunmwu ẹvbo hia nekpa yọ. Wa gbẹnnẹ emwi hia ne I he tama ruẹn yọ, ke ẹghẹ ne I na ka wa gha guẹ guan, ẹghẹ ne Josaia na gha re ọba do sẹ ẹdẹ ne ẹre na.

Emọs 7:8

Rẹn keghi nọ mwẹ wẹẹ, “Emọs de emwi ne u bẹghe yi?” Mẹ keghi wanniẹn wẹẹ, “Emwi ne a ya mwa egbekẹn.” Rẹn keghi kha wẹẹ, “Te I ya ọna kha wẹ te emwa mwẹ ye vbe egbekẹn ne ẹ i rre uviẹn. Mẹ i ghi ra fi ekhọe werriẹ ọvbehe, te I gha rri iran oya.

Zẹfanaia 1:14

Ẹdẹ nọkhua ọghe Nọyaẹnmwa sikẹ otọ nẹ, ọ wa sẹẹ otọ fo, ọ wa dee ẹgiẹgiẹ! Ẹdẹ ne ẹdẹrriọ gha wa rriara, rhunmwuda, ovbiyokuo ne ọ wegbe sẹ gha rhie urhu hoho ua ẹdẹrriọ vbe ẹtin a ghi fo ẹe!

Zẹkaraia 4:2

Rẹn keghi nọ mwẹ wẹẹ, “De emwi ne u bẹghe yi?” Mẹ keghi wanniẹn wẹẹ, “Erhan ne a mu ukpa yan ne a ye igoru ru. Ọkpan ne a sa ofigbọn yi rre odukhunmwu ẹnrẹn. Ukpa ihinrọn rre uhunmwu ọmukpa na, ukpa ọkpọkpa mwẹ uvun ihinrọn ne a rhie oru la.

II Pita 2:3

Vbe uwu uzuanmwẹ iran, avbe emamwaemwi ohoghe na ghi gha ya okha ne iran tobọ iran ya rre, miẹn uwa emwi. Ọ kpẹre ne Ne ọ bu ohiẹn iran ghi mu egbe ye otọ. Ne ọ ra fuẹn iran uan i vbe vbiẹ hiehiere.

Arhie Maan 18:5

Rhunmwuda, a si orukhọ ẹre gbo o yo sẹ iso, Osanobua keghi ya emwi dan ne ọ ru hia rre.