Zẹkaraia 5:11 - Edo Bible (E Baibol Ẹdo) Version 1996

¹¹ Rẹn wanniẹn wẹẹ, “E Babilọn nọ, te iran ra ya bọ aro ẹre ye odọ. Iran ghẹ ghi bọ ẹe fo nẹ iran ghi mu okhuae ni yọ, iran ghi gha gho ẹre.”

Zẹkaraia 5:11 ပူးပေါင်းရင်းမြစ်များ

Gẹnẹsis 10:10

Usun ẹvbo ne ọ kagha khaemwisẹ yan kegha re Babilọn, Frẹk kevbe Akad, iran eheha kegha rre otọe Sina.

Gẹnẹsis 11:2

Ugbẹn vbe iran ghi si laghe odẹ ọlarre ovẹn, iran keghi do sẹ ehe ne ọ rriẹe ọkpa vbe otọ Babilọn, iran keghi yakọ vbe evba, iran na yin ẹnrẹn.

Gẹnẹsis 14:1

Avbe ọba enẹ, Amrafẹl ne ọba ọghe Babilonia, Ariọk ne ọba Elasa, Kiedolaoma ọba ọghe Ẹlam kevbe Tidal ne ọba ọghe Goim.

Aizaia 11:11

Ọ gha sẹ ẹdẹ nẹdẹrriọ, e Nọyaẹnmwa gha dọlegbe lo ẹtin ẹnrẹn, ọ ghi viọ iran gha die owa ighẹ avbe emwa rẹn ni ghi dekẹe vbe Asiria kevbe Igipt, vbe otọe Patros, e Sudan, Ẹlam, e Babilọn kevbe Hamat, deba ni rre avbe eghute kevbe avbe otọe ne amẹ lẹga vbe okun.

Jerimaia 29:28

Ọ kere ne a kie ẹre ukpe ọ re rhunmwuda, ọ tama emwa ni rre Babilọn wẹ iran gha wa kpẹẹ vbe imu vbe evba, rhunmwuda ọnii ne iran bọlọ owa ne iran vbe gbe ẹkun sotọ, ne iran mu ugbo, ne iran vbe gha rhọ emwiokọ ni rrọ re.”

Daniẹl 1:2

E Nọyaẹnmwa keghi gie ẹe khọn mu e Jehoiakim, ọ na vbe viọ emwi eso vbe uwu emwighobioye ni rre Ọgua Osa ọ keghi viọ emwa eso oghunmwu gha rrie aro ẹbọ ọghọe vbe Babilọn, ọ keghi vbe viọ avbe emwi ne ọ viọ vbe okuo eso ye uwu aza aro ẹbọ.

Hozia 3:4

Erriọ wa nọ zẹe, ivbi Izrẹl gha vbe gha rrọọ vbe ẹghẹ ne ọ taẹn vbene iran i ra na gha mwẹ ọba ra ọkaolotu vbene ese ne a zọ i ra na vbe gha rrọọ, ra orre okuta itaemwi, vbene amazẹ ra ukhurhẹ ne a ya fi iha i na rrọọ.

Zẹkaraia 5:10

Mẹ keghi nọ odibosa ni wẹẹ, “Vbe iran mu ẹẹn rrie?”

Iyẹn ne ọ Maan Ọghe Luk 21:24

A gha ya umozo gbele iran eso ua, a ghi viọ iran eso oghunmwu gha rrie agbọn ẹvbo hia, iran ni ma yayi ghi gha gbe ọgọlọbọ vbe adesẹ ore Jerusalẹm rhinrin ẹghẹ iran te vbe do gba.

Diuteronomi 28:59

A deghẹ wa ma ru vberriọ, ọ gha gie emianmwẹ ne ẹ i mwẹ ukhunmwu gie uwa kevbe avbe ivbi uwa ke ẹe kevbe egboghogbogho ne ọ mu ohuan ne ẹ i gie a dayi.