Zẹkaraia 4:9 - Edo Bible (E Baibol Ẹdo) Version 1996

⁹ Ọ wẹẹ, “E Zerubabẹl gbe ẹyotọ Ọgua Osa nẹ, te ọ ra bọ ẹe fo. Ọna ghẹghi sunu, emwa mwẹ gha rẹn wẹ mẹ ọ re ọ giọ gie uwẹ bu iran gha dee.

Zẹkaraia 4:9 ပူးပေါင်းရင်းမြစ်များ

Ẹzra 5:16

Ẹre Siẹsbaza na do gbe ẹyotọ ẹre, te a ghi bọe khian kevbe ẹghẹ nii gha dee do sẹ wanwan na, sokpan a ma he ye bọe fo.’

Aizaia 48:16

“Banbanna nian, wa sikẹ mwẹ ne uwa họn ẹmwẹ ne I guan. Ke omuhẹn gha dee, te iwa ta ẹmwẹ mwẹ vbe azagba I keghi vbe gha ru ẹe ne ẹmwẹ mwẹ sẹ.” (Banbanna nian, e Nọyaẹnmwa ne Udazi rhie ẹtin ẹnrẹn mẹ nẹ, ọ na gie mwẹ.)

Hagai 2:18

Ẹdẹnẹrẹ na ọrọre ikpẹdẹeneyan-ugie ọghe uki ne ogihinrin, ẹdẹ ne a gbe ẹyotọ Ọgua Osa ni fo. Wa ghi ye emwi ne ọ ra gha sunu ke ẹghẹ na kpao ẹro.

Zẹkaraia 1:16

Rhunmwuda ọnii, mẹ dọlegbe gha die Jerusalẹm nian, ne I do rhie itohan mwẹ ma ẹvbo nii. A ghi rhie Ọgua Osa mwẹ ye ihe, a gha vbe dọlegbe gbe ekẹn ẹvbo nii.”

Zẹkaraia 2:11

Ọ gha sẹ ẹghẹ nii, uhunmwu ẹvbo nibun gha bu e Nọyaẹnmwa rre iran ghi khian emwa rẹn. Rẹn gha yin ehe ne uwa ye, wa gha vbe rẹn wẹ rẹn ọ re ọ gie mwẹ bu uwa gha dee.

Zẹkaraia 2:13

Wa gbẹdọ, wa ne emwa hian fẹẹrẹ, vbe ehe ne Nọyaẹnmwa ye, rhunmwuda, rẹn ke ehe nọhuanrẹn ne irẹn dia dee.

Zẹkaraia 4:8

A keghi vbe gie uhunmwu ọvbehe ke ehe ne Nọyaẹnmwa ye gunmwẹ.

Zẹkaraia 6:15

Emwa ni rre urria gha rre, iran ghi do ru iyobọ ye ubọmwẹ Ọgua Osa e Nọyaẹnmwa. A ghẹ ghi dọlọ ẹe bọọ nẹ, wa gha rẹn wẹ e Nọyaẹnmwa ne Oghodua ọre ọ gie mwẹ bu uwa gha dee. Ena hia gha wa sunu fẹẹrẹ a deghẹ wa họn ẹmwẹ ne Nọyaẹnmwa Osanobua rua tama uwa, wa na vbe ya ẹe ru emwi.

Matiu 16:18

Mẹ tama ruẹn nian okuta ọre uwẹ khin Pita, okuta na ọre I gha bọ esọsi mwẹ yan. Uwu tobọ ọre i ra sẹtin khọnmiotọ vbe uhunmwu ẹnrẹn ẹdẹdẹmwẹdẹ.

Iyẹn ne ọ Maan Ọghe Jọn 17:21

I rinmwian ne iran hia gha re ọkpa. Evbavba, gie iran gha rre uwu ima ne agbọn miẹn ehe na yayi ighẹ wẹ ọre ọ gele gie mwẹ.

Iyẹn ne ọ Maan Ọghe Jọn 3:17

Rhunmwuda Osanobua ma gie Ovbi ẹre ne ọ do gha re ne ọ bu ohiẹn agbọn, sokpan ne ọ do gha re ne ọ miẹn agbọn fan.

Hibru 12:2

Wa gie ima rhie aro da Jesu, ọmwa ne iyayi mwa ya iyeke-kọ ke omuhẹn ọnrẹn ya sẹ ufomwẹ ọnrẹn. Rẹn ma rhunmwuda ugbugbe zẹ obọ vbọ, sokpan rhunmwuda oghọghọ ne ọ diakhẹ ọre, ọ ma zẹdẹ mu ẹmwẹ efaa ne ọ rre ne a wu vbe uhunmwu ugbugbe ro. Banbanna nian, ọ tota vbe obọ erha ọmwa ọghe ẹkete Osanobua.