Zẹkaraia 4:6 - Edo Bible (E Baibol Ẹdo) Version 1996

⁶ Odibosa nii keghi tama mwẹ ne I ta uhunmwu ne Nọyaẹnmwa gie gie Zerubabẹl na ma rẹn wẹẹ, “U gha khọnmiotọ, sokpan, ẹ i re vbe ekpa ẹtin ivbiyokuo ra ẹtin ọghe obọ ruẹ sokpan, orhiọn mwẹ.

Zẹkaraia 4:6 ပူးပေါင်းရင်းမြစ်များ

Gẹnẹsis 41:16

E Josẹf keghi wanniẹn wẹẹ, “Ẹ i re imẹ Umogun, Osanobua gha rhie ewanniẹn esi ne ọba.”

I Ọba 19:12

Igbohiotọ ghi vbe fo nẹ, erhẹn keghi suẹn. Sokpan e Nọyaẹnmwa ma vbe gha rre uwu erhẹn nii. Vbe iyeke erhẹn nii, ovbi urhu ne rọkhọọ na guan ladian.

II Krọnikol 14:11

Asa keghi na erhunmwu ghe Nọyaẹnmwa ne Osanobua ẹre wẹẹ, “U gha sẹtin rhie iyobọ ne ivbiyokuo ne ọ ma wegbe zẹ vbe ne u gha vbe sẹtin rhie iyobọ ne ne ọ wegbe. Ye ima obọ nian Nọyaẹnmwa rhunmwuda, wẹ ọre ima mu ẹtin yan, eni ruẹn ọ re ima ya ladian ne a do gu ivbiyokuo ọrhẹnrhẹn na gbinna. E Nọyaẹnmwa, wẹ ọrọre Osanobua mwa, ọmwa ne ọ gha kha ighẹ obọ irẹn gha ke ukhunmwu ne uwẹ ẹ i rrọ.”

Ẹzra 2:2

Avbe ọkaolotu iran kegha re Zerubabẹl, e Jọsua, Nehimaia, Seraia, Rilaia, e Modekai, e Bilsian, e Mispa, e Bigvai, e Rehum kevbe Baana. Eni avbe uniẹn ivbi Izrẹl, deba eni emwa nii, kevbe dọmwadẹ uniẹn ni ke iwe rre.

Ẹzra 3:10

Ugbẹn vbe iran ghi suẹn gha gbe ẹyotọ Ọgua Osa nii, avbe ohẹn ni viọ ẹwu iran yọ keghi viọ okpe, iran na mudia ye ihẹ iran, avbe Livai ne ivbi uniẹn Asaf kevbe viọ ukusẹ, iran na mudia ye evba. Iran keghi rho e Nọyaẹnmwa zẹ vbene a mwamwa ẹẹn ye otọ ke ẹghẹ e Devid ne ọba gha dee.

Ẹzra 5:2

Ugbẹn vbe Zerubabẹl ne ovbi e Sitiẹl kevbe Jọsua ne ovbi e Jehozadak ghi họn ẹmwẹ ne iran ta, iran keghi suẹn gha dọlegbe bọ Ọgua Osa ne ọ rre Jerusalẹm avbe akhasẹ eva ni keghi yi iran obọ.

Psalm 33:16

Ẹi re rhunmwuda iyokuo ẹre ne ọ wegbe, ọ re ọba na khọnmiotọ, ẹi re ekpa ẹtin obọ ẹre ọ re ovbiyokuo ya khọnmiotọ.

Asan-Ibo 9:11

I keghi vbe miẹn emwi okpa ọvbehe vbe agbọn na wẹ, ẹ i re iran ni rhulẹ sẹẹ ọ re ọ mu okaro vbe ulẹ, ẹ i vbe re iran ni din sẹ ọ re ọ khọn miotọ vbe okuo. Avbe umẹwaẹn i mobọ sẹtin khuan okhuan unu iran, emwa ni fu ẹro i mobọ vbe sẹtin fe, emwa ni guẹ sẹẹ i mobọ sẹ ukpo ni yo. A i miẹn ọmwa ne emwi i beghe.

Aizaia 30:1

E Nọyaẹnmwa guaan nẹ wẹẹ, “Ọghe iran ni khaemwisẹ yan Igipt fo nẹ rhunmwuda, iran sọtẹ mwẹ. Uviẹn ne I ma vin ọ re iran lele. Iran ghi vbe ya gha gu emwa ke ọta ne I i ma kue yi, iran ghi gha kun orukhọ yan orukhọ.

Aizaia 32:15

Sokpan, Osanobua gha dọlegbe rhie orhiọn rẹn gie ima. Avbe otọ ni te fafaa gha dọlegbe gha maa emwiokọ, ugbo ghi vbe gha maa emwiokọ ẹsẹsẹmwẹse.

Aizaia 34:16

Gualọ uwu ebe ọghe emwi ne a yi ni rrọọ ọghe Nọyaẹnmwa ne uwa ghe vbene ọ kha hẹ. Ọkpa ne ai ra miẹn vbe uwu avbe emwi ne a yi na i rrọọ, ọkpa ne ẹi ra vbe gha mwẹ ogieva, ẹ i rrọọ. E Nọyaẹnmwa tae nẹ ne ọ gha ye vberriọ, rẹn ọ re ọ ra tobọ ẹre si iran koko.

Aizaia 59:19

Ke ahọ ya sẹ orrie emwa hia gha mu ohan rẹn kẹeke ẹtin ẹnrẹn nọkhua. Ọ gha rre zẹ vbe ẹzẹ ne ọ lẹ ogbigbi, zẹ vbe okpẹhoho.

Daniẹl 2:34

Ugbẹn vbe u ghi wa ghe ẹre, okuta nọkhua ọkpa keghi kpẹngiẹn vbe uhunmwu oke ne ọ yo, vbene ọmwarhọkpa ma na vbe ya obọ kan rẹn, ọ keghi degbe atataowẹ ọmwa ne a maẹn na ne ọ re azẹguagua ematọn kevbe ekẹn, ọ keghi rẹnkhẹẹn ọẹn ruan.

Hozia 1:7

Sokpan, I gha ho ẹmwẹ ivbi Juda. Mẹ ne Nọyaẹnmwa ne Osanobua iran gha miẹn iran fan, sokpan ẹ i re okuo I ra ya ru ẹe, ẹ i re umozo, uhanbọ kevbe ifẹnmwẹ, ẹ i re vbekpa ẹsin kevbe emwa ni hin ẹsin.”

Hagai 1:1

Vbe ukpo ne ogieva ne Dariọs ya gha re ọgbaisi e Pẹsia, vbe ikpẹdẹ ne okaro ọghe uki ne ogiehan, e Nọyaẹnmwa keghi giee Hagai ne akhasẹ uhunmwu rre, ọmwa ne a giee uhunmwu na gie kegha re e gọvina ọghe Juda ighe e Zerubabẹl ne ovbi Siatiẹl, kevbe ogiohẹn ighe Jọsua ne ovbi e Jehozadak.

Hagai 2:21

gie Zerubabẹl ne gọvina e Juda wẹẹ, “I ra mu ẹrinmwi vbe agbọn rueghe.

Zẹkaraia 6:12

Tama rẹn wẹ e Nọyaẹnmwa ne Oghodua khare wẹẹ, ‘Agbọn gha maa ọmwa ne a tie ẹre Abọ vbe ehe ne ọ ye ọ gha vbe dọlọ Ọgua Osa e Nọyaẹnmwa họ.

Nọmbas 27:16

“E Nọyaẹnmwa ne Osanobua, ehe ne arrọọ hia ke rre, lahọ zẹ ọmwa ne ọ gha sẹtin su emwa na.

Ẹfisọs 6:17

U ghi rhan obọ miẹn imiẹnfan ya ru ẹrhu ematọn, kevbe ẹmwẹ Osanobua zẹ vbe umozo ne nene Orhiọn rhie nuẹn.

I Pita 1:12

Osanobua keghi rhie maa avbe akhasẹ na wẹ iwinna iran i re ọghe ẹmwẹ ọmaa ne egbe iran, sokpan ọ maa ne egbe uwa, vbe ẹghẹ ne iran na guan kan ẹmwẹ ẹmwata na ne uwa họn nẹ nian. Avbe odibo Iyẹn Ne ọ maa nii, ya ẹtin Orhiọn Ne Ọ Huanrẹn ne a gie ke ẹrinmwi rre gha guan, iran ta ẹmwẹ ẹmwata na ma uwa. Avbe ẹmwata na keghi re egbe ne avbe odibo Osa tobọ iran gha ho ne iran rẹn emwi ne a ya ẹe kha.

I Samuẹl 14:6

E Jonatan keghi khama igbama nii wẹẹ, “Gie ima fian ẹẹn rra gha rrie agọ avbe Filistin ne enigẹbọ na. Ọ gha kẹe, e Nọyaẹnmwa gha yi ma obọ, ọ gha ru vberriọ, emwi ọkpa ne ọ gha wẹ ne ima ghẹ khọnmiotọ i rrọ, vbe ne ọ khọnrẹn wẹ ne ima ru ibozẹghẹ sẹ.”

I Samuẹl 17:47

Emwa ni rre emwa hia ghi rẹn wẹ, ọ gha miẹn emwa rẹn fan, ẹ i vbe miẹn umozo kevbe asoro nẹ ọ ke ru ẹe. Rẹn ọ re ọ khọn miotọ vbe okuo, te ọ ra viọ uwa hia ye ẹtin ima obọ.”