Zẹkaraia 4:2 - Edo Bible (E Baibol Ẹdo) Version 1996

² Rẹn keghi nọ mwẹ wẹẹ, “De emwi ne u bẹghe yi?” Mẹ keghi wanniẹn wẹẹ, “Erhan ne a mu ukpa yan ne a ye igoru ru. Ọkpan ne a sa ofigbọn yi rre odukhunmwu ẹnrẹn. Ukpa ihinrọn rre uhunmwu ọmukpa na, ukpa ọkpọkpa mwẹ uvun ihinrọn ne a rhie oru la.

Zẹkaraia 4:2 ပူးပေါင်းရင်းမြစ်များ

I Krọnikol 28:15

Ne a gha ya ru ukpa kevbe avbe erhan ọmukpa.

II Krọnikol 13:11

Ota vbe owiẹ hia ọ re iran ya giẹn eturari ne ẹẹn, deba avbe aranmwẹ ne a ya zọ ese ne a wa giẹn ikun ẹnrẹn hia a. Iran ghi viọ ebrẹd imuohan rre, a ghi viọ ẹre ye uhunmwu eteburu ne awua i ye. Otota, iran ghi gha rhu avbe ukpa ni rre avbe erhan ọmukpa ọghe igoru. Emwi ne Nọyaẹnmwa khare ọre ima ru sokpan, wa hee ẹe ye otọ nẹ.

II Krọnikol 4:7

Iran keghi ru erhan ọmukpa igoru igbe zẹ vbe ne a ka ya ru ẹe dee yi kevbe eteburu igbe. Iran keghi viọ ẹre ye ọgua nọkhua vbe uwu Ọgua Osa, erhan ọmukpa isẹn kevbe eteburu isẹn vbe obọ na kevbe obọ nọkpa. Iran kevbe ru ọkpan igoru iyisẹn.

Asan-Ibo 12:6

Ọgiọrọ esiliva nii ghi buun, urhukpa igoru nii ghi de, ọ ghi guọghọ ua, okun ne ọ rre uhae ghi fian, ovbi ẹluba amẹ ghi rẹnkhẹn uan.

Jerimaia 24:3

Ẹre Nọyaẹnmwa na nọ mwẹ mwẹ, “Jerimaia, vbe ua bẹghe yi?” Mẹ keghi wanniẹn wẹẹ, “Ohọ, ni maa ni rrọọ wa maa ẹsẹse, ni i maa ni rrọọ i zẹdẹ ma, ẹ i gia re.”

Jerimaia 52:19

Iran keghi vbe viọ avbe emwi hia ne a ye esiliva kevbe igoru ru, avbe ọkpan negiẹrẹ, avbe uyẹngbe ne a wan erhẹn yi, avbe ọkpan na a da esagiẹn emwi ne a ya zọ ese yi, avbe emwi ne a ya hẹ emuẹn avbe erhan ọmukpa, avbe ọkpan eturari, kevbe avbe ọkpan ne a ya hihiẹ ayọn imuohan kua.

Emọs 7:8

Rẹn keghi nọ mwẹ wẹẹ, “Emọs de emwi ne u bẹghe yi?” Mẹ keghi wanniẹn wẹẹ, “Emwi ne a ya mwa egbekẹn.” Rẹn keghi kha wẹẹ, “Te I ya ọna kha wẹ te emwa mwẹ ye vbe egbekẹn ne ẹ i rre uviẹn. Mẹ i ghi ra fi ekhọe werriẹ ọvbehe, te I gha rri iran oya.

Zẹkaraia 5:2

Odibosa nii keghi nọ mwẹ emwi ne I bẹghe. Mẹ keghi wanniẹn wẹẹ, “Ebe ne a kiri ne ọ tin la odukhunmwu khian. Utanmwẹ ọnrẹn re ibata ọgban vbe ne uvbẹmwẹ ọnrẹn na re ibata ekesugie.”

Arhie Maan 1:12

Me keghi khiẹn akhọe ya ghe ọmwa ne ọ gun mwẹ guan. I keghi ya bẹghe erhan ọmukpa igoru ihinrọn.

Arhie Maan 1:20

Ọnọna ọrọre oro emwi ne a yae kha ighẹ orhọnmwẹ ihinrọn, ne u bẹghe vbe obọ erha ọmwa mwẹ, ke ẹe kevbe avbe erhan ọmukpa igoru ihinrọn nii, avbe orhọnmwẹ ihinrọn ni, ọrọre avbe odibosa avbe esọsi ihinrọn nii, avbe erhan ọmukpa ọrọre avbe esọsi ihinrọn nii.

Arhie Maan 4:5

Awanwan avan nukhunmwu kegha yanyan ladian ke uwu ẹkete nii rre, deba owogho kevbe avan nukhunmwu ni vannọ yan egbe. Ukpekhọe ne a rhu, kegha baa vbe odaro ẹkete nii, ena keghi re orhiọn ihinrọn ọghe Osanobua.