Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Zẹkaraia 4:14 - Edo Bible (E Baibol Ẹdo) Version 1996

14 Ẹre irẹn ghi na kha wẹẹ, “Iran na ọrọre avbe ikpia eva ne Osanobua zẹe, ọ na vbe nọnọ ori ye iran uhunmwu ne iran gha ga irẹn, ne e Nọyaẹnmwa ne ọ yan otọ agbọn hia.”

အခန်းကိုကြည့်ပါ။ ကော်ပီ




Zẹkaraia 4:14
28 ပူးပေါင်းရင်းမြစ်များ  

Akhasẹ ọkpa ne a tie ẹre Elaija ne ovbi e Tisbi ne Giliad ke tama Ehab wẹẹ, “Vbe eni e Nọyaẹnmwa ne Osanobua Izrẹl ne imẹ ga, I tama ruẹn nian wẹ amẹ i ghi ra rhọ, evbu i ra ghi vbe tuo ọ te ya sẹ ukpo eha vbe ẹ i re te I fi ẹmwẹ na werriẹ ta.”


Ugbẹn vbe Zerubabẹl ne ovbi e Sitiẹl kevbe Jọsua ne ovbi e Jehozadak ghi họn ẹmwẹ ne iran ta, iran keghi suẹn gha dọlegbe bọ Ọgua Osa ne ọ rre Jerusalẹm avbe akhasẹ eva ni keghi yi iran obọ.


E Nọyaẹnmwa vẹe ye urhu nẹ, ẹ i ra vbe fi ẹe werriẹ wẹẹ, “Ohẹn wẹ ra gha khin ẹdẹdẹmwẹdẹ vbe uniẹn ne a na rri ohẹn ọghe Mẹlkizẹdẹk.”


Ọ keghi kha wẹẹ, “Mẹ rhie ọba mwẹ ye ẹkete nẹ, vbe Zaiọn ne oke mwẹ ne ọ huanrẹn.”


I ya Devid ne ọguọmwadia mwẹ rri ọba nẹ, vbe ekpa ne I na sa ori ne ọ huanrẹn ye ọre uhunmwu.


U ghi rhie ofigbọn ne a nọnọ ye ọmwa uhunmwu, u ghi tue ẹre yọ ẹre uhunmwu ne u ya zọe ye ughaẹn.


U ghi nọnọ ori ye iran uhunmwu, zẹ vbene u vbe ya nọnọ ori ye erha iran uhunmwu nii iran gha ga mwẹ zẹ vbe ohẹn Odẹ vberriọ iran gha re ohẹn rhinrin vbe ẹghẹ ne ọ dee.”


Danmwehọ ihuan ne I ra so ma ruẹn, ihuan ọghe ọse mwẹ kevbe ogba azara ẹre: Ọse mwẹ kegha mwẹ ogba azara vbe oke ne ọ maa emwiokọ ẹsẹse.


Te Ayi ne ọ yii uẹ ra yevbe ọdafọn ọn, e Nọyaẹnmwa ne Oghodua ọre a tie ẹre. Osanobua nọhuanrẹn ọghe Izrẹl gha miẹn ruẹn fan, rẹn ọ re ọ khaemwisẹ yan otọ agbọn hia.


Zẹ vbe oduma ne ọ ke uwa ẹgbo Ẹzẹ Jọdan ladian la uwu oha ne aranmwẹ na rria ne ọ bii nunuunu, I gha rre ne ivbi Idọm ye ugbugbe lẹ hin ẹvbo iran rre. Ẹghẹ nii, ọkaolotu ne imẹ zẹe ghi ghi do gha khaemwisẹ yan avbe uhunmwu ẹvbo. De ọmwa ne a gha ya gie mwẹ yi? De ọmwa ne ohan gha gie ẹe si mwẹ evẹn? De ogie ne ohan gha gie ẹe gbe odan ghe mwẹ?


Ọ keghi ya Errọn ma ohẹn vbe ne ọ na sa eso vbe ori ne a sa ye ọmwa uhunmwu ye ọre uhunmwu.


E Nọyaẹnmwa khare wẹẹ, “Wa ne ivbi e Jerusalẹm, wa ya rri avbe eghian uwa oya. I gha ya uwa wegbe zẹ vbe ẹkhuia ne ọ mwẹ igho ematọn kevbe ibata owẹ oze. Wa gha dunmwu avbe okpẹvbo nibun sẹ otọ, avbe ẹfe ne iran ye ghe ẹe rua si koko, wa ghi viọ iran gunmwẹ, mẹ ne ọ re Nọyaẹnmwa ọghe otagbọn hia.”


Rẹn ọrọre ne ọ ra bọ ẹe, ọ ghi vbe miẹn uyi ne ọ khẹke ọha, rẹn gha vbe gha khaemwisẹ yan avbe emwa rẹn. Ohẹn gha mudia ke ẹkete ẹre, iran ghi vbe gha winna kugbe vbe ọfumwegbe kevbe akugbe ne ọ rriẹe.’


Rẹn keghi wanniẹn wẹẹ, “Avbe ẹhoho enenẹ ena khin, te iran wa da ke akharha e Nọyaẹnmwa ọghe otọ agbọn hia dee na.”


Odibosa nii wanniẹn tama rẹn wẹẹ, “Mẹ ọrọre Gebriẹl, odaro Osanobua ọre I mudia yi, rẹn ọre ọ gie mwẹ ne I do na iyẹn oghọghọ na ma ruẹn.


E Nọyaẹnmwa keghi zẹ emwa ẹwae Livai, vbe uhunmwu oke nii, ne iran gha gbe aro ghe Ẹkpẹti Ile, kevbe ne iran vbe ga irẹn zẹ vbe ohẹn, kevbe ne iran vbe gha ya eni irẹn fiangbe emwa. Iwinna iran ọ re avbe emwi na ye khin.


Ẹkpẹti Ile ọghe Nọyaẹnmwa uhunmwu otọ agbọn hia ra ke odaro ne uwa ya fian Ẹzẹ Jọdan rra.


Avbe ohẹn ni mu Ẹkpẹti Ile ọghe Nọyaẹnmwa uhunmwu otọ agbọn hia gha viọ owẹ iran ye uwu amẹ nii, ẹzẹ Jọdan ghi dobọ ulẹmwẹ yi, amẹ ni lẹ ke uhunmwu Ẹzẹ dee ghi hẹnhẹn ye ihọkpa.”


Avbe osẹe eva na ọrọre avbe erhan ohọ kevbe ukpa eva ni mudia vbe odaro e Nọyan agbọn.


Ẹre Samuẹl na mu ovbi ẹluba ori, ọ na hihiẹe yan e Sọl uhunmwu, ọ mu ẹre unu hiẹnhiẹn, ọ wẹẹ, “E Nọyaẹnmwa nọnọ ori yan ruẹn, ne u gha re ne ọ khaemwisẹ yan emwa Izrẹl ne emwa rẹn. U gha khaemwisẹ yan avbe emwa rẹn, u ghi fannọ iran ye otọ hin obọ iran ne eghian iran hia rre. Emwi ne a gha ya yi ama yọ wẹ te Nọyaẹnmwa gele zẹ ruẹ ne u gha khaemwisẹ yan iran ne emwa rẹn ọ re ọna khin.


E Nọyaẹnmwa keghi tama e Samuẹl wẹẹ, “Inu ẹghẹ u ra khiẹ e Sọl la yi? Mẹ rhie ẹre hin ọba Izrẹl rre nẹ. Gualọ ẹvbi ọliv eso rhie mwẹ obọ. I gha gie uẹ gha rrie ọghe Jese ne ọ rre Bẹtlẹhẹm, rhunmwuda, I zẹ ọkpa vbe uwu ivbi ẹre nẹ ne ọ rriọba.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ