Zẹkaraia 3:9 - Edo Bible (E Baibol Ẹdo) Version 1996

⁹ I ra mu okuta ne ọ mwẹ aro ihinrọn ye odaro Jọsua. I gha gbẹn emwi yọ, I gha viọ orukhọ otọe na kua vbe ikpẹdẹ ọkpa kẹkan.

Zẹkaraia 3:9 ပူးပေါင်းရင်းမြစ်များ

I Ọba 1:20

Umogun, emwa Izrẹl hia wa khẹ ruẹ ne u tama iran ọmwa ne ọ gha rriọba lele uẹ.

II Krọnikol 16:9

Te Nọyaẹnmwa wa rhie aro sẹ otọ vbe agbọn na hia ne ọ miẹn ehe na rhie ẹtin ne iran ne ekhọe ẹre mudia ẹse vbe ehe ne ọ ye. Emwi ukọnmwẹ ọ re u wa ru ni rhunmwuda ọnii nian, ke eban kpao, okuọ ọ re u ghi ra gha khọn ẹghẹ hia.”

Psalm 103:12

Zẹ vbe ne ahọ rrei ne orrie, erriọ rẹn vbe mu orukhọ mwa khian rrei ne ima.

Psalm 118:22

Okuta ne iran ni bọ owa he ighe ẹ i maa, keghi werriegbe do khian amamiẹn a i ru ne ọ rrọọ.

Ẹksọdọs 28:11

U ghi ye ifuẹro ọsivie kevbe owinna, ya gbẹnnẹ eni ivbi e Jekọb ne iweva ye okuta ẹrọnmwọ eveva nii. U ghi mama okuta ẹrọnmwọ nii mu uhanhan igoru.

Ẹksọdọs 28:21

Eni ivbi e Jekọb iweva ghi gha rre ọkpọkpa vbe avbe okuta na. Ọna ghi do mudia ye ihe ẹwae ivbi Izrẹl.

Ẹksọdọs 28:36

“U ghi ya igoru ne a ma gua ru emwi itegbe ọkpa, wa ghi gbẹn yọ wẹẹ, ‘Te a ya fi ohan ne Nọyaẹnmwa.’

Aizaia 28:16

Vbe ne Nọyaẹnmwa ne Udazi ghi kha hẹ ọ re ọna khin nian, “I ra mu ẹyotọ ọkpa ne ọ deziẹn kevbe ne ọ wegbe ye Zaiọn. I ra vbe mu okuta ẹyotọ ọkpa ne ọ wegbe yọ, a keghi gbẹnnẹ ẹmwẹ vbenian yan rẹn, ‘Iyayi ne ọ deziẹn, te ọ vbe ziengbe.’

Jerimaia 31:34

Ọkpa ne ọ ghe ghi gha ma ovbi ẹvbo ẹre emwi wẹ ne ọ rẹn e Nọyaẹnmwa i ghi rrọọ, rhunmwuda iran hia gha rẹn mwẹ kevbe egbe ne ọ kpọlọ sẹẹ ya sẹ egbe ne ọ kanmwa sẹẹ. I gha ya orukhọ iran bọ iran, a i ghi vbe ye abakuru iran rre ọvbehe. Mẹ ne Nọyaẹnmwa taa ẹe nẹ.”

Jerimaia 50:20

Ọ gha sẹ ẹghẹ nii, a i ghi ra miẹn orukhọ vbe Izrẹl, ra uyinmwẹ dan vbe Juda rhunmwuda, I gha ya orukhọ bọ avbe emwa ni fi yi vbọ. Mẹ ne Nọyaẹnmwa taa ẹe nẹ.”

Zẹkaraia 13:1

E Nọyaẹnmwa ne Oghodua khare wẹẹ, “Ọ gha sẹ ẹghẹ ne a kha na, a gha kie uhunmwu ẹzẹ ọkpa a, nẹ ọ khue ivbi uniẹn e Devid kevbe ivbi e Jerusalẹm huan hin orukhọ iran kevbe ẹbọ ne a gho rre.

Zẹkaraia 3:4

Odibosa nii keghi tama avbe ikuekẹn ne ọkpọmwa rẹn wẹẹ, “Wa bannọ avbe ukpọn ni gbiruẹn ne okpia na hẹ ye egbe.” Rẹn keghi vbe tama e Jọsua wẹẹ, “I viọ orukhọ ruẹ hin rre nẹ, I gha viọ ukpọn ọgbọn ne uẹn ne u hẹ ye egbe.”

Iyẹn ne ọ Maan Ọghe Jọn 1:29

Ẹdẹ ghi gbe, Jọn keghi miẹn Jesu vbe ọ bu irẹn dee, ọ na kha wẹẹ, “Wa ghe oteghe ohuan Osanobua ne ọ viọ orukhọ agbọn gha rrie!

Iyẹn ne ọ Maan Ọghe Jọn 6:27

Wa ghẹ miẹn ẹsọn ye evbare ne ọ sẹtin rhia, sokpan emwi ne ọ kere ne uwa miẹn ẹsọn yi ọrọre evbare ne ọ sẹtin gha rrọọ ya sẹ agbọn etẹbitẹ. Ovbi Ọmwa gha rhie evbare na ne uwa rhunmwuda Osanobua ne Erha ye obọ yọ ọre nẹ.”

Iwinna 4:11

Jesu na ọre ebe ta ẹmwẹ ọnrẹn wẹẹ, “ ‘Okuta ne uwa ni bọ owa wẹ, ẹ i maa do khian okuta a ma miẹn a i ru.’

Ebe ne Pọl gbẹẹn gie emwa Rom 9:33

Ne ebe ta ẹmwẹ ọnrẹn wẹẹ: “Ghe, I mu okuta ne ọ rrua ọmwa owẹ ọkpa ye Zaiọn okuta nọkhua ne ọ gha rrua iran gbe otọ. Sokpan ọmwa ne ọ mu ẹtin ya rẹn, ẹ i ra gbe I ma rẹn.”

II Kọrinti 1:22

Ọ na tobọ ẹre rhie ama ọghe mẹ ọre ọ yan rẹn ọghọe, ye ima egbe, ọ keghi vbe rhie Orhiọn Ne Ọ Huanrẹn ye ima ekhọe ne aro mwa ya dae wẹ, ẹmwata nọ ighẹ emwi ne ọ ra hẹ ne ima.

II Kọrinti 3:3

Aro dae wẹ, Kristi tobọ ẹre ọre ọ gbẹn ebe na, ọ na rhie ẹre ne ima rhie rre. Ẹ i re ne a ye ẹmu gbẹnnẹ ye uhanhan okuta, sokpan ekhọe emwa ne agbọn ọre a ya Orhiọn Osanobua ne ọ rrọọ gbẹnnẹ ọẹn yi.

II Timoti 2:19

Sokpan, a i sẹtin mu ẹyotọ ne gbain ne Osanobua gbe rueghe, a keghi gbẹnnẹ avbe ẹmwẹ na yan rẹn wẹẹ, “Nọyaẹnmwa rẹn iran ni re ọghọe” kevbe wẹẹ, “ọmwaikọmwa ne ọ ghi tie egbe ẹre ọghe Nọyaẹnmwa nẹ, te ọ kere ne ọ zobọ vbe emwi dan ne a ru.”

Hibru 7:27

Rẹn i yevbe avbe igie ohẹn nekpa, ẹ i vbe ka zọ ese ye orukhọ obọ ẹre nẹ ẹdẹgbegbe, zẹ vbe emwi ne ẹ i mwẹ a ma ru, ọ keghi do zọ ye ọghe emwa nekpa. Ọ zẹ ese nẹ uhukpa nii, ne emwa hia, vbe ẹghẹ ne ọ na ye egbe ẹre zọ ese.

I Jọn 2:2

Rhunmwuda Kristi tobọ ẹre ọrọre ne a rhunmwuda ẹre ya orukhọ mwa bọ mwa, ẹ i vbe re orukhọ ọghomwa ọkpa, sokpan orukhọ emwa hia.

Arhie Maan 5:6

I keghi bẹghe Oteghe Ohuan ọkpa, ọ mudia ye adesẹneva ọghe ẹkete, emwi ne a yi ni ma he wu enẹ nii, kevbe avbe ediọn, keghi lẹga ẹre. Oteghe Ohuan nii keghi ye vbe ne a miẹn wẹ a gbe ẹe ua nẹ. Ọ kegha mwẹ igho ihinrọn kevbe aro ihinrọn, ena kegha re orhiọn ihinrọn ọghe Osanobua, ne a gie nẹ, gha rrie otọ agbọn hia.