Zẹkaraia 3:7 - Edo Bible (E Baibol Ẹdo) Version 1996

⁷ e Nọyaẹnmwa khare wẹẹ, “U gha ye uhi mwẹ ru emwi, u na vbe gha ru iwinna ne I wa ne uẹn, ẹghẹ nii, u ghi gha re ọmwa ne ọ gbearoghe Ọgua Osa mwẹ kevbe ehe ne ọ lẹga ẹre rhinrin, mẹ gha vbe họn erhunmwu ruẹn, zẹ vbene I họn erhunmwu avbe odibosa ni rre ehe ne imẹ ye.

Zẹkaraia 3:7 ပူးပေါင်းရင်းမြစ်များ

Gẹnẹsis 26:5

I gha fiangbuẹ rhunmwuda Ebraham họn ẹmwẹ mẹ, ọ kevbe rhie uhi mwẹ hia mwẹ.”

I Ọba 2:3

ne u gha ru avbe emwi ne Nọyaẹnmwa ne Osanobua ruẹ tama ruẹn ne u ru. U ghi gha ya uhi ẹre kevbe ilele ẹre ru emwi zẹ vbe ne a gbẹnnẹ ọẹn ye uhi e Mosis ne emwi hia ne u ru miẹn ehe na gha dinna odẹ nuẹn vbe ehe ne u rhirhi mu uhunmwu da.

I Ọba 3:14

A deghẹ u ghi vbe ya ẹmwẹ mwẹ ru emwi, u na rhie uhi kevbe ilele mwẹ mwẹ, zẹ vbene Devid ne erha a ru, I ghi rhie utọmwẹ ba ruẹ re.”

I Krọnikol 23:32

A keghi vbe fian ẹre okhuo ne iran, ne iran gha gbe aro ghe Owa Ukpọn ne a ya rẹn ighẹ e Nọyaẹnmwa rre evba kevbe Ọgua Osa, kevbe ne iran vbe gha yi etẹn iran obọ ighẹ avbe ohẹn ni re ivbi uniẹn Errọn, vbe ẹghẹ ugamwẹ vbe Ọgua Osa.

Aizaia 62:9

Sokpan, wẹ ne ọ kọe, ne ọ vbe rhọ ọka nii ẹre ọ gha vbe rri ebrẹd ẹre, u ghi rho e Nọyaẹnmwa, wẹ ne ọ gbearoghe ne u na kọlọ azara nii ọ re ọ gha vbe da ayọn ẹnrẹn vbe ore Ọgua Osa mwẹ.”

Ezikiẹl 44:8

Iran ma gbearoghe ilele itaemwi ni rre Ọgua Osa mwẹ, sokpan, iran keghi viọ avbe erriọvbe yọ ne iran gha gbearoghe ẹre.

Ezikiẹl 48:11

Ako nọhuanrẹn na ghi gha re ọghe avbe ohẹn ni re ivbi uniẹn e Zadọk. Ekhọekekhọe ọ re iran ya ga mwẹ, iran ma deba ivbi Izrẹl nekpa ya gha ru emwi dan zẹ vbe ne ivbi ẹwae e Livai nekpa ru.

Levitikọs 10:3

Ẹre Mosis na tama Errọn wẹẹ, “Emwi ne Nọyaẹnmwa gha kha ẹghẹ nii ọre ọ na khin vbe ẹghẹ ne ọ na kha wẹẹ, ‘Iran hia nii ga mwẹ, ọ kere ne iran gha da ne uhuanmwẹ mwẹ, I gha rhie uyi mwẹ ma emwa mwẹ.’ ” Sokpan Errọn ma guan ẹmwẹ rhọkpa.

Levitikọs 8:35

Wa ghi wa gha rre onurho Owa Ukpọn ile nii asọn kevbe avan la ikpẹdẹ ihinrọn, wa ghi gha ru vbene Nọyaẹnmwa khare, deghẹ wa ma ru vberriọ, wa gha wulo.” Emwi ne Nọyaẹnmwa tama mwẹ ọre ọna khin.

Zẹkaraia 3:6

Ẹre odibosa nii na tama e Jọsua wẹ,

Zẹkaraia 4:14

Ẹre irẹn ghi na kha wẹẹ, “Iran na ọrọre avbe ikpia eva ne Osanobua zẹe, ọ na vbe nọnọ ori ye iran uhunmwu ne iran gha ga irẹn, ne e Nọyaẹnmwa ne ọ yan otọ agbọn hia.”

Zẹkaraia 6:15

Emwa ni rre urria gha rre, iran ghi do ru iyobọ ye ubọmwẹ Ọgua Osa e Nọyaẹnmwa. A ghẹ ghi dọlọ ẹe bọọ nẹ, wa gha rẹn wẹ e Nọyaẹnmwa ne Oghodua ọre ọ gie mwẹ bu uwa gha dee. Ena hia gha wa sunu fẹẹrẹ a deghẹ wa họn ẹmwẹ ne Nọyaẹnmwa Osanobua rua tama uwa, wa na vbe ya ẹe ru emwi.

Zẹkaraia 6:5

Rẹn keghi wanniẹn wẹẹ, “Avbe ẹhoho enenẹ ena khin, te iran wa da ke akharha e Nọyaẹnmwa ọghe otọ agbọn hia dee na.”

Matiu 19:28

Jesu keghi tama iran wẹẹ, Ne I tama uwa, ẹghẹ ne Ovbi Ọmwa gha na tota ye ẹkete uyi ẹre vbe Agbọn Ọgbọn ne ọ dee, wa ne iweva ni lele mwẹ na, gha vbe tota ye ẹkete, wa ghi vbe gha bu ohiẹn ẹwae iweva ne ọ rre Izrẹl.

Iyẹn ne ọ Maan Ọghe Luk 22:30

Wa gha gun mwẹ re, wa ghi vbe gun mwẹ da vbe uhunmwu eteburu mwẹ vbe Arriọba mwẹ, wa gha vbe tota ye ẹkete gha bu ohiẹn ẹwae iweva ne ọ re Izrẹl.

Iyẹn ne ọ Maan Ọghe Jọn 14:2

Ughugha bun vbe owa Erha mwẹ, Mẹ ra ya te ẹre ye otọ khẹ uwa. Akpawẹ ẹ i re erriọ ye, mẹ i ghẹ tama uwa vberriọ.

Arhie Maan 3:21

Iran ni khọnmiotọ, I gha rhie asẹ ne iran, ne iran tota ke mwẹ vbe ẹkete mwẹ, zẹe vbene imẹ khọnmiotọ, ne I na vbe tota ke Erha mwẹ nian vbe ẹkete ẹre.