Zẹkaraia 3:3 - Edo Bible (E Baibol Ẹdo) Version 1996

³ E Jọsua mudia vbe evba, ke ẹe kevbe ukpọn ne ọ gbe iruẹn ne ọ hẹ ye egbe.

Zẹkaraia 3:3 ပူးပေါင်းရင်းမြစ်များ

Ẹzra 5:2

Ugbẹn vbe Zerubabẹl ne ovbi e Sitiẹl kevbe Jọsua ne ovbi e Jehozadak ghi họn ẹmwẹ ne iran ta, iran keghi suẹn gha dọlegbe bọ Ọgua Osa ne ọ rre Jerusalẹm avbe akhasẹ eva ni keghi yi iran obọ.

Ẹzra 9:15

E Nọyaẹnmwa Osanobua Izrẹl, ọmwa ẹmwata ọ re uwẹ khin, u kevbe gie ima miẹn uhunmwu. Ma miẹn orukhọ mwa kue ma ruẹn, ma ma ghi vbe kei ne ọ gha rrie ehe ne uwẹ ye.”

Aizaia 4:4

E Nọyaẹnmwa gha ya ẹtin ẹnrẹn bu ohiẹn, ọ ghi vbe kpe ẹe huan hin rre ighe orukhọ uhunmwu ẹvbo na, kevbe esagiẹn ne a gbe yotọ vbọ.

Aizaia 64:5

Wẹ miẹn iran ne emwi ne ọgbae ne a ru yẹ yi, iran ni yerre vbene u wẹ ho ne iran gha yin hẹ. Ohu mwa te gha mu ẹẹn, sokpan, ma keghi ye gha ru orukhọ yan, vbene ohu ni ya mu ẹẹn sẹ, orukhọ ọre ima ye ru kẹ ẹkpo nẹdẹ ni gha dee.

Aizaia 64:6

Te ima hia wa vuọn ne orukhọ, uhin ighẹ uyinmwẹ ne ọ ghi maa sẹẹ, iku kevbe ẹkẹkhẹrhẹ nọ. Rhunmwuda orukhọ mwa, te ima ghi yevbe ebe ne ọ kakae ne ẹhoho hohoo kua.

Daniẹl 9:18

Họn ọghomwa Osanobua, tọn aro mu ghe mwa, ne u miẹn usẹ ne ọ sẹ mwa, kevbe oya ne a re vbe ẹvbo ne a tie ginna eni ruẹn. Ma na erhunmwu ghe ruẹ rhunmwuda ọmwa itohan ọ re uwẹ khin ighe ẹ i re rhunmwuda ighe ma yin ẹse.

Jems 2:2

Gie a kha wẹ okpia ne ọ fee ọkpa, ne ọ rhie oroka igoru ye obọ la uwu iko uwa, ighẹ okpia ovbiogue ne ọ silo osọnmwẹ ukpọn ye egbe na vbe rre,

Ebe ne Jud gbẹẹn 1:23

Wa ghi miẹn iran fan vbe ekpa ne uwa gha na sanmwẹ iran ke uwu ọgẹn erhẹn ladian. Wa vbe gha mwẹ itohan ne a rhie ohan ba ghe emwa ọvbehe, sokpan wa gie ukpọn ne ẹkun iran, ne orriarria orukhọ iran ya iruẹn yi, gha sọnnọ uwa.

Arhie Maan 19:8

A fan obọ ẹre nẹẹn nẹ, ne ọ ya ukpọn eto ovbiohuẹ ne ọ huanrẹn kevbe ne ọ fi wainwain haan.” (Ukpọn eto ovbiohuẹ ọrọre uyinmwẹ ẹmwata ọghe emwa Osanobua.)