Zẹkaraia 2:8 - Edo Bible (E Baibol Ẹdo) Version 1996

⁸ Ọmwaikọmwa ne ọ fi uwa emwi, emwi ne ọre eghẹnghẹn mẹ, ọre ọ fi ẹre emwi.” Rhunmwuda ọnii, e Nọyaẹnmwa ne Oghodua keghi gie mwẹ uhunmwu na bu avbe uhunmwu ẹvbo ni fu emwa rẹn emwi viọ gha rrie wẹẹ,

Zẹkaraia 2:8 ပူးပေါင်းရင်းမြစ်များ

Gẹnẹsis 20:6

Osanobua keghi wanniẹn vbe nene imina wẹẹ, “Ẹn, I rẹnrẹn wẹ ẹko ata u ya ru emwi na, rhunmwuda ọnii ọre I ma na guẹ rukhọ ghe mwẹ, vbene I ma na guẹ yobọ kan rẹn.

II Ọba 24:2

E Nọyaẹnmwa keghi gie otu ni gbalọ abẹkpẹn vbe ivbi e Babilọn gha dee, e Siria, Moab kevbe Amọn, ne iran do dunmwu e Juda a, zẹ vbene Nọyaẹnmwa la unu avbe akhasẹ ta ẹe wẹ rẹn gha ru ẹe.

Psalm 17:8

Degue mwẹ, zẹ vbene u gha ru aro ruẹ, rhie mwẹ lẹre, ye aghọnghọn ifuẹn ruẹn.

Itan 7:2

Ru vbene I khare, u gha di agbọn ya. Rhiegba ye ẹmwẹ ne u gha ru vbene I ma ruẹn re, zẹ vbene u rhiegbe ye ẹmwẹ wẹ ne emwi i ghẹ degbe uẹ aro.

Aizaia 49:19

“Iran rẹnkhẹn ẹvbo ruẹ ua, ọ keghi dihoi rua sokpan, banbanna nian, ẹi ghi kpọlọ sẹ ne ọ gha gua iran ni dee nẹ iran do di ẹe ya iran ni ya a khian itowa, a gha viọ iran khian rrei nuẹn ẹsẹse.

Jerimaia 12:14

E Nọyaẹnmwa khare wẹẹ, “I mwẹ ẹmwẹ ne I gha tama avbe ẹdogbo Izrẹl, emwa ni rhia rua a ighẹ otọ ne I mu ne ivbi Izrẹl, ne emwa mwẹ. I gha viọ emwa nii hin ẹvbo iran rre zẹ vbene a vbokho ovbi erhan, I ghi vbe miẹn e Juda fan vbe obọ iran.

Jerimaia 27:7

Te uhunmwu ẹvbo hia ra gae, iran ghi ga ovbi ẹre, iran ghi vbe ga eyẹ ọre ọ te do sẹ ẹghẹ ne uhunmwu ẹvbo ọghọe gha ya de. Ẹghẹ nii, uhunmwu ẹvbo ọghọe ghi gha gae avbe uhunmwu ẹvbo ni mwẹ ẹtin kevbe avbe ọba nekhua.

Ezikiẹl 25:12

E Nọyaẹnmwa ne Udazi khare wẹẹ, “Ivbi Idom wa rria ivbi e Juda ikhi dan, irria ikhi Ọ re ọ ghi ya ivbi Idọm khian ne ọ rriabe kpee vbotọ.

Ezikiẹl 25:15

E Nọyaẹnmwa ne Udazi khare wẹẹ, “Ivbi e Filistin rria emwa ne iran gba re eghian egbe dee ẹdẹ ikhi dan, iran kevbe ye ohu ne ọ mu iran fuẹn iran an.

Ezikiẹl 26:2

“Ovbi ọmwa, ghe emwi ne ivbi e Taia wee ba. Iran gha go kha wẹ a guọghọ e Jerusalẹm nẹ! Ẹtin ẹki ne ọ te do fo. Ẹ i ghi gu ima suan ọvbehe!

Ezikiẹl 26:20

I gha gie uwa gha rrie ẹvbo emwa ni wulo nẹ ne uwa ya deba avbe emwa ni ka gha rrọ ẹkpo nẹdẹ. I gha ru ẹe ne uwa gha rre agbọn ne ọ rre uwu otọ nii, vbe ehe ne avbe itowa etẹbitẹ nii ye ne uwa vbe avbe emwa ni wulo nẹ gba gha muobọ. Rhunmwuda, a i ghi ra dọlegbe yin uwẹ ne uwẹ ye rhie ihe ruẹ vbe uwu ẹbu avbe emwa ni ma he wu.

Ezikiẹl 35:5

“Oghian ne ẹ i mwẹ erọkhọrọkhọ ọ re uwa gha khin Izrẹl re, wa keghi gie emwa gha lọkọ emwa rẹn vbe ẹghẹ odekun ẹrhia; ẹghẹ ne a na rria ẹre ikhi ọfovbotọ ye orukhọ ne ọ ru.

Ezikiẹl 36:11

I gha ru ẹ ne emwa nagbọn kevbe avbe ẹmila gha muan yọ. Wa gha bun sẹẹ vbene uwa te ka ye yi, wa gha vbe biẹlẹ emọ nibun. I gha gie uwa yin evba nii vbene uwa te ka gha ye yi, I ghi vbe ru ẹe ne agbọn ma uwa sẹẹ vbene uwa ka ye yi. Ẹghẹ nii, wa gha rẹn wẹ mẹ ọrọre Nọyaẹnmwa.

Ezikiẹl 38:11

U gha kha wẹ u ra mu okuo la ẹvbo ne ẹ i mwẹ ẹtin, ehe ne emwa hia na rrọ vbe ọfumwegbe kevbe ne ẹkun na sotọ vbe avbe ẹvbo ne a ma gbe ekẹn ga vbe ne ẹ i na mwẹ ne ọ gbinna ne ẹẹn.

Ezikiẹl 38:14

Rhunmwuda ọnii, e Nọyaẹnmwa ne Udazi keghi gie mwẹ ne I ya tama e Gọg vbene irẹn tama rẹn hẹ wẹẹ, “Banbanna nian, ivbi Izrẹl ne emwa mwẹ gha rrọ vbe ne ẹkun na sẹ iran otọ, wẹ gha wa guakpao,

Emọs 1:11

E Nọyaẹnmwa khare wẹẹ, “Te ivbi Idọm wa gha ru orukhọ yan egbe yan egbe, rhunmwuda ọnii, I gha wa rri iran oya. Iran keghi gha ru ọbafi ivbi Izrẹl ne etẹn iran, iran ma ghi vbe mwẹ itohan hiehie ghe iran. Ohu iran i zẹdẹ mwẹ erọkhọrọkhọ, ẹ i vbe fo iran vbe ekhọe.

Emọs 1:13

E Nọyaẹnmwa khare wẹẹ, “Te ivbi Amọn wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Vbe okuo ne iran khọn ba ẹmwẹ otọ, uhin ighe te iran gha va ẹkpoliyẹkẹ ẹko vbe Giliad.

Emọs 1:9

E Nọyaẹnmwa khare wẹẹ, “Te ivbi e Taia wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Iran wa viọ emwa hia ni rre ẹvbo ohoho kpao gha rrie iwe vbe Idọm, ọ ma ghi ye ebe ọseagbakhin ne iran gha rhie obọ yi.

Maika 4:11

Uhunmwu ẹvbo si koko, ne iran mu okuo gie uwa. Iran wẹẹ, “Te a gha dunmwu e Jerusalẹm sẹ otọ. Ma gha ya ẹvbo na khian itowa!”

Maika 5:6

Iran gha ya emwi igbinna khọn Asiria mu otọ, otọe nii ne ọ re ọghe Nimrọd, iran gha vbe fannọ ima ye otọ vbe obọ ivbi Asiria vbe iran a mu okuo la otọe ẹvbo mwa.

Maika 7:10

Ẹghẹ nii, avbe eghian mwa gha miẹn ọẹn, efaa ghi rruan avbe eghian nii ni ye ima gbe ogie wẹẹ, “E Nọyaẹnmwa ne Osanobua uwa vboo?” Aro mwa gha sẹ ọe vbe a gha khọn miẹn iran otọ, a gha ya owẹ rrilo iran mu otọ zẹ vbe ọrho vbe adesẹ ore.

Habakọk 2:17

U tọn ẹgbo Lebanọn gbe otọ nẹ, banbanna nian a gha vbe tọn uwẹ gbe otọ, u gbele aranmwẹ ọnrẹn nẹ, banbanna nian, te avbe aranmwẹ ọnrẹn ghi ra runran uwẹ. Ena gha sunu rhunmwuda izigha ne u dee kevbe uyinmwẹ ika ne u yin ghe emwa ne agbọn na kevbe avbe okpẹvbo ni rrọọ.

Habakọk 2:8

Ẹ i re avbiẹ emwa ẹvbo nibun ọ re uwa he fu ẹre emwi viọ sokpan, banbanna nian, iran ni miẹn uhunmwu vbọ gha vbe do fu uwa emwi viọ rhunmwuda izigha ne uwa de kevbe rhunmwuda uyinmwẹ ika ne uwa yin ghe agbọn kevbe avbe okpẹvbo ni rrọ.

Zẹfanaia 2:8

E Nọyaẹnmwa ne Oghodua khare wẹẹ, “I họẹn vbe ivbi e Moab kevbe Amọn zan emwa mwẹ iran keghi vbe tie ihen ne iran, iran keghi vbe rhuọ wẹ iran gha miẹn iran otọ iran.

Zẹkaraia 2:11

Ọ gha sẹ ẹghẹ nii, uhunmwu ẹvbo nibun gha bu e Nọyaẹnmwa rre iran ghi khian emwa rẹn. Rẹn gha yin ehe ne uwa ye, wa gha vbe rẹn wẹ rẹn ọ re ọ gie mwẹ bu uwa gha dee.

Zẹkaraia 2:9

“E Nọyaẹnmwa tobọ ẹre gha gu uwa gbinna, avbe emwa ni te ka gha re eguọmwadia uwa yi gha fu uwa emwi viọ.” Ọna ghẹ ghi sunu nẹ, emwa hia gha rẹn wẹ e Nọyaẹnmwa ọ re ọ gie mwẹ.

Zẹkaraia 8:5

Ibiẹka ikpia kevbe ibiẹka ikhuo ni zọmọ ghi dọlegbe vuọn ore ẹvbo.

Malakai 3:1

E Nọyaẹnmwa ne Oghodua zẹ wanniẹn wẹẹ, “I gha gie ukọ mwẹ ne ọ do dọlọ odẹ yi ye otọ khẹ mwẹ. Ẹghẹ nii, e Nọyaẹnmwa ne uwa mudia khẹ gha wa ya egbe ladian vbe udomwurri vbe uwu Ọgua Osa. Ukọ ne uwa rhie aro ye odẹ gha khẹ gha rre do mu ẹmwẹ ile mwẹ so.”

Matiu 25:40

Ọba ghi wanniẹn wẹẹ, ‘Ne I tama uwa, ẹghẹikẹghẹ ne uwa ya ru egbe emwi vberriọ ne ne ọ kanmwa sẹ vbe uwu iran ne etẹn mwẹ na, wa ruẹe mẹ nẹ.’

Matiu 25:45

Ọba ghi wanniẹn tama iran wẹẹ, ‘Ne I tama uwa, ẹghẹ ne uwa ma na ru ẹe ne ọkpa vbe uwu iran ne a i mobọ ka yọ ni, mẹ ọre uwa ma ru iyobọ na.’

Iyẹn ne ọ Maan Ọghe Jọn 14:26

Nọyọmwaobọ nii, Orhiọn Ne Ọ Huanrẹn ne Evbavba ye eni mwẹ gie rre gha ma uwa emwi hia, ọ ghi ye uwa ẹmwẹ ne I he tama uwa hia rre.

Iyẹn ne ọ Maan Ọghe Jọn 17:18

Zẹ vbene uwẹ gie mwẹ gha die agbọn, erriọ mẹ vbe gie iran gha rrie agbọn.

Iwinna 9:4

Rẹn keghi de gbe otọ, ọ keghi họn vbe urhu ọkpa tama rẹn wẹẹ, “Sọl, Sọl, vbọzẹ ne u na zọ mwẹ owẹ?”

Diuteronomi 32:10

“Ọ keghi vbe miẹn vbe iran hẹ yo hẹ rre vbe uwu ato, ato ne emwa i ye ne ẹhoho kpolo, ọ degue iran, ọ na gbe aro ghe iran zẹ vbe ne ọ gha ru egbe irẹn.

II Tẹsalonaika 1:6

Rhunmwuda, ẹ i mwẹ Osanobua ma ru vbene ọ ke yi, ọ gha hihiẹ usẹ yan iran ni sẹ uwa usẹ ẹghẹ na.

I Jọn 4:14

Ma miẹn ọẹn nẹ, ma keghi vbe tama emwa ọvbehe wẹ, Evbavba gie Ovbi ẹre gha dee ne ọ do gha re Ọmiọnmwafan agbọn.