Zẹkaraia 2:5 - Edo Bible (E Baibol Ẹdo) Version 1996

⁵ E Nọyaẹnmwa tobọ ẹre tae nẹ wẹ te irẹn ra gha re ekẹn erhẹn lẹga ẹvbo nii ne irẹn gha degue ẹre, kevbe wẹ tẹ irẹn ra gha rre evba ke irẹn kevbe uyi irẹn hia.”

Zẹkaraia 2:5 ပူးပေါင်းရင်းမြစ်များ

Psalm 125:2

Zẹ vbene oke lẹga Jerusalẹm, erriọ Nọyaẹnmwa lẹga emwa rẹn banbanna kevbe ẹdẹdẹmwẹdẹ.

Psalm 3:3

Sokpan, wẹ, Nọyaẹnmwa ọrọre asa mwẹ, vbe ẹghẹ ẹbe kevbe ẹghẹ hia. Wẹ ọ re ọ rhie akhọnmiotọ mẹ. U keghi vbe rhie orhiọn yọ mwẹ iwu.

Psalm 46:5

Osanobua rre ẹvbo nii, a i vbe fuọn ruan ẹdẹdẹmwẹdẹ; ọ gha rre do yọre obọ vbe owiẹ vbirrivbirri.

Psalm 48:12

Wa ne emwa Osanobua wa khian lẹga e Zaiọn, ne uwa ka inu owa ọkhẹ ni rrọọ.

Psalm 48:3

Osanobua rhiema nẹ wẹ rẹn sẹe ne a lẹ gbinna vbe uwu ehe ne a gbe odin lẹga ọghe ẹvbo nọkhua nii.

Psalm 85:9

Vbe ẹmwata rẹn mu egbe, ne ọ miẹn iran ni ya ọghọ ne ẹẹn fan, aguọmwarrọ ne ọ miẹn ọmwa fan ọghọe gha gui ima yin otọe mwa.

Aizaia 12:6

Wa gie emwa ni rre Zaiọn hia gha wee ne iran gha so ihuan Osanobua nọhuanrẹn ọghe Izrẹl wa kpolo ehe ne emwa rẹn ye ọ re irẹn vbe ye.”

Aizaia 31:9

Ọgbaisi iran gha ya ohan lẹ fua. Ohan gha vbe mu avbe ọkaokuo iran sẹrriọ wẹ iran gha lẹ sẹ afiala okuo iran rae ye okuo.” E Nọyaẹnmwa guan nẹ. E Nọyaẹnmwa ne a ga vbe Jerusalẹm kevbe ne erhẹn ne a ya zọ ese ne ẹẹn, baa vbe evba.

Aizaia 32:18

Emwa Osanobua gha fe vbe obọ ukpokpo, owa iran ghi gha re ne ọfumwegbe ye kevbe ne ẹ i mwẹ ẹbe.

Aizaia 33:21

E Nọyaẹnmwa gha rhie uyi ẹre ma ima. Ma ghi do yin ọkpẹn avbe ẹzẹ nekhua kevbe negiẹrẹ ni vbẹe, sokpan avbe okọ ni gbinna i ra gua vbe avbe ẹzẹ nii.

Aizaia 4:5

Ẹghẹ nii, e Nọyaẹnmwa gha gie okuku amẹ vbe ẹghẹ avan, kevbe ighogho deba erhẹn ne ọ baa vbe ẹghẹ asọn gie Oke Zaiọn kevbe emwa ni si koko ye evba. Uyi ọghe Osanobua gha rhuẹ yan rẹn, ọ ghi degue ẹvbo nii hia.

Jerimaia 31:39

Ebẹn uwu ghi ke evba nii vbe orrie kpao ya sẹ oke ọghe Garẹb kevbe ya sẹ e Goa.

Ezikiẹl 38:14

Rhunmwuda ọnii, e Nọyaẹnmwa ne Udazi keghi gie mwẹ ne I ya tama e Gọg vbene irẹn tama rẹn hẹ wẹẹ, “Banbanna nian, ivbi Izrẹl ne emwa mwẹ gha rrọ vbe ne ẹkun na sẹ iran otọ, wẹ gha wa guakpao,

Ezikiẹl 42:20

Ekẹn nii keghi lẹga ehe ne ọ re ibata iyeva yan uri enẹ vbe igienenẹ. Ekẹn ni keghi wannọ ehe ne ọ huanrẹn hin ehe ne ọma huan rre.

Ezikiẹl 47:3

Ọmwa nii keghi ya erhan ne ọ ya mwa emwi mwaa ibata eha iyeva irrọvbe urieha (560) ghe odẹ nẹ ẹzẹ lẹghe vbe odẹ ahọ, ọna wẹ ne I ya owẹ fian ẹzẹ nii rra vbe evba. Urhuawẹ ọkpa ọre ẹzẹ nii sẹ mwẹ re vbe evba.

Zẹkaraia 1:16

Rhunmwuda ọnii, mẹ dọlegbe gha die Jerusalẹm nian, ne I do rhie itohan mwẹ ma ẹvbo nii. A ghi rhie Ọgua Osa mwẹ ye ihe, a gha vbe dọlegbe gbe ekẹn ẹvbo nii.”

Zẹkaraia 2:10

E Nọyaẹnmwa khare wẹẹ, “Wa gha so ihuan oghọghọ, ivbi e Jerusalẹm! Mẹ dee do gu uwa yin.”

Zẹkaraia 2:11

Ọ gha sẹ ẹghẹ nii, uhunmwu ẹvbo nibun gha bu e Nọyaẹnmwa rre iran ghi khian emwa rẹn. Rẹn gha yin ehe ne uwa ye, wa gha vbe rẹn wẹ rẹn ọ re ọ gie mwẹ bu uwa gha dee.

Zẹkaraia 9:14

E Nọyaẹnmwa gha ya egbe ladian vbe uwu ẹbu emwa rẹn; ọ gha fi uhanbọ ẹre zẹ vbe ayan.

Zẹkaraia 9:8

I gha tobọ mwẹ gha gbe aro ghe ẹvbo mwẹ, I i ghi ra vbe gie ivbiyokuo gha la ẹe gberra. I i ghi ra kue ne emwa dan gha wọ emwa mwẹ uhunmwu ọvbehe. I miẹn vbene emwa mwẹ he rri oya sẹhẹ.”

Iyẹn ne ọ Maan Ọghe Luk 2:32

Uwanmwẹ ne ọ gha ma avbe ni ma yayi odẹ ruẹ, ne ọ gha vbe rhie uyi ne avbe Izrẹl emwa ruẹn.”

Arhie Maan 21:23

Ẹvbo ni i mwẹ emwi ne ọ ya owẹn ru ra uki ne ọ gha baa vbọ rhunmwuda, uyi ọghe Osanobua ọre ọ viọ asan yọ. Oteghe Ohuan nii ọre ọ vbe re ukpa ne ọ rrọọ.