Zẹkaraia 2:11 - Edo Bible (E Baibol Ẹdo) Version 1996

¹¹ Ọ gha sẹ ẹghẹ nii, uhunmwu ẹvbo nibun gha bu e Nọyaẹnmwa rre iran ghi khian emwa rẹn. Rẹn gha yin ehe ne uwa ye, wa gha vbe rẹn wẹ rẹn ọ re ọ gie mwẹ bu uwa gha dee.

Zẹkaraia 2:11 ပူးပေါင်းရင်းမြစ်များ

Psalm 72:17

Ai ghẹ mianmian eni ọba ẹdẹ te otiti ẹre gha tọ zẹvbe owẹn, te agbọn ẹvbo hia gha tian rẹn, te iran gha wẹ ne Osanobua fiangbe iran ne iran vbe gha gualọ ọyẹnmwẹ ne ọba.

Ẹksọdọs 12:49

Erriọ vbe nọ ne ivbi Izrẹl ne a biẹlẹe vbe owa kevbe orhunmwuyẹn ne ọ yin uwa ẹvbo.”

Aizaia 45:14

E Nọyaẹnmwa kha ma Izrẹl wẹẹ, “Ẹfe Igipt kevbe Sudan gha khian ọwuẹ emwa ni taẹn ni rre Siẹba gha khian eviẹn ruẹn; iran gha lele uẹ vbe a ye eghan gbalọ iran, iran gha ghughẹrre nuẹn iran ghi miẹnkue wẹẹ, ‘Osanobua deba ruẹ rẹn ọkpa kẹkan ọrọre Osanobua.

Aizaia 48:16

“Banbanna nian, wa sikẹ mwẹ ne uwa họn ẹmwẹ ne I guan. Ke omuhẹn gha dee, te iwa ta ẹmwẹ mwẹ vbe azagba I keghi vbe gha ru ẹe ne ẹmwẹ mwẹ sẹ.” (Banbanna nian, e Nọyaẹnmwa ne Udazi rhie ẹtin ẹnrẹn mẹ nẹ, ọ na gie mwẹ.)

Aizaia 52:10

E Nọyaẹnmwa gha lo ẹtin ẹnrẹn nọhuanrẹn ọ gha miẹn rẹn fan agbọn na hia gha vbe miẹn ọẹn.

Aizaia 52:11

Wa ghẹ mwẹ wa ma kpao vbe Babilọn wa ni viọ emwi ne a ya ga vbe ọgua Osa mwẹ, wa ghẹ ye obọ kan emwi awua wa gie egbe uwa gha re nọhuanrẹn, ne uwa kpao.

Aizaia 66:19

iran ghi vbe rẹn wẹ mẹ ọ re ọ rri iran oya. Sokpan, I gha sẹ eso rae vbọ, I ghi viọ iran gha rrie ẹvbo urria, iran ni ma he họn otiti mwẹ ra ne iran miẹn ukpọlọmwẹ kevbe ẹtin mwẹ. Avbe e Spen, e Libya kevbe Lidia ne emwa ni guara fi uhanbọ, kevbe gha rrie Tubal kevbe Gris. Iran gha ya na iyẹn ukpọlọmwẹ mwẹ ma avbe uhunmwu ẹvbo na.

Jerimaia 16:19

E Nọyaẹnmwa, wẹ ọrọre ọmwa ne ọ degue mwẹ kevbe ne ọ rhie ẹtin mẹ wẹ ọ re ọ yọmwẹ obọ vbe ọghe ibaro. Avbe uhunmwu ẹvbo gha ke ufomwẹ agbọn bu ruẹ rre do kha wẹẹ, “Avbe erha ima odede i mwẹ emwi rhọkpa gberra ẹbọ ohoghe, emwirhọkpa i rrọọ gberra amazẹ ne ẹ i mwẹ asa.

Jerimaia 50:8

“Wa ne ivbi Izrẹl, wa lẹ hin e Babilọn rre! Wa kpao hin ẹvbo nii rre! Wa gha re emwa ne okaro ne ọ ka gha kpao.

Ezikiẹl 33:33

Sokpan, avbe ẹmwẹ ne u ta gha do sunu nẹ, ẹ i mwẹ iran ma sẹ o, iran gha rẹn wẹ akhasẹ ọ re ọ gha gu iran rre ẹvbo.”

Maika 4:2

Avbe emwa iran ghi gha kha wẹẹ, “Wa gie ima hin oke Nọyaẹnmwa gha rrie Ọgua Osa, Osanobua Izrẹl. Rhunmwuda, ọ gha ma ima emwi ne ọ ho ne ima ru, ma gha lele urodẹ ne irẹn zẹe, rhunmwuda, e Jerusalẹm ọ re iruẹmwi e Nọyaẹnmwa ke rre; e Zaiọn ọ re ọ ke guan gie emwa irẹn.”

Zẹkaraia 1:16

Rhunmwuda ọnii, mẹ dọlegbe gha die Jerusalẹm nian, ne I do rhie itohan mwẹ ma ẹvbo nii. A ghi rhie Ọgua Osa mwẹ ye ihe, a gha vbe dọlegbe gbe ekẹn ẹvbo nii.”

Zẹkaraia 2:5

E Nọyaẹnmwa tobọ ẹre tae nẹ wẹ te irẹn ra gha re ekẹn erhẹn lẹga ẹvbo nii ne irẹn gha degue ẹre, kevbe wẹ tẹ irẹn ra gha rre evba ke irẹn kevbe uyi irẹn hia.”

Zẹkaraia 3:10

Ọ gha sẹ ẹdẹ ne a kha na, dọmwadẹ ọghọe vbe uwu uwa gha gie na tie emwa ẹdogbo ẹre ne ọ do gu ẹe ghae vbe oghọghọ ọfumwegbe kevbe ẹkun ne ọ sẹ otọ, vbe ehe ne ọ na ye ogba azara kevbe erhan ohọ gba ogba ga egbe.”

Zẹkaraia 8:3

I gha dọlegbe gha die Jerusalẹm ne ẹvbo mwẹ nọhuanrẹn ne I do yin ẹnrẹn. A gha rẹn ọnrẹn ye ẹvbo ne ọ mudia ẹse, a ghi vbe gha tie oke Nọyaẹnmwa ne Oghodua oke nọhuanrẹn.

Zẹkaraia 8:8

I ghi vbe viọ iran ke odẹ ahọ kevbe orrie rre ne iran do gha rre Jerusalẹm. Iran ghi gha re emwa mwẹ mẹ ghi vbe gha re Osanobua iran. I ghi gha khaemwisẹ yan iran vbe ọghọ kevbe ute.

Malakai 1:11

Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Iyẹn ne ọ Maan Ọghe Luk 2:32

Uwanmwẹ ne ọ gha ma avbe ni ma yayi odẹ ruẹ, ne ọ gha vbe rhie uyi ne avbe Izrẹl emwa ruẹn.”

Iyẹn ne ọ Maan Ọghe Jọn 17:21

I rinmwian ne iran hia gha re ọkpa. Evbavba, gie iran gha rre uwu ima ne agbọn miẹn ehe na yayi ighẹ wẹ ọre ọ gele gie mwẹ.

Iyẹn ne ọ Maan Ọghe Jọn 17:23

Mẹ vbe uwu iran, wẹ vbe uwu imẹ, ne iran miẹn ehe na wa gha re ọkpa, ne agbọn miẹn ehe na rẹn ighẹ wẹ ọre ọ gele gie mwẹ, kevbe wẹ zẹ vbene u ho ẹmwẹ mwẹ, erriọ ọre u vbe ho ẹmwẹ iran.

Iyẹn ne ọ Maan Ọghe Jọn 17:25

Erha ne ẹ i bu eku, agbọn na ma rẹn ruẹn, sokpan mẹ rẹn ruẹn, iran na vbe rẹn ighẹ, wẹ ọre ọ gele gie mwẹ.

Iwinna 28:28

E Pọl keghi rhie tẹe wẹẹ: “Wa ghi rẹn nian wẹ a rhie ẹmwẹ imiẹnfan Osanobua bu iran ne ẹ i re Ju gha khian, iran gha miẹn họn.” [

Arhie Maan 11:15

Odibosa ne ogihinrọn keghi fian okpe ọghọe re, a keghi họn urhu ni vannọ vbe ẹrinmwi kha wẹẹ, “Ẹtin ne a ya khaemwisẹ yan agbọn na, Nọyaẹnmwa kevbe Mẹzaia ẹre, ọre ọ ghi yan rẹn nian, ọ gha vbe gha khaemwisẹ ẹdẹ kevbe ẹdẹdẹmwẹdẹ.”