Zẹkaraia 2:1 - Edo Bible (E Baibol Ẹdo) Version 1996

¹ Vbe umian ọvbehe, I keghi bẹghe okpia ọkpa ne ọ rhie ọkpọ ne a ya mwa emwi mwẹ obọ.

Zẹkaraia 2:1 ပူးပေါင်းရင်းမြစ်များ

Aizaia 54:16

“Mẹ ọ re ọ yi ogun ne ọ hie erhẹn ya dunmwu emwi igbinna. Mẹ ọ re ọ vbe yi ovbiyokuo ne ọ ya nene emwi igbinna gbe ọmwa.

Jerimaia 31:39

Ebẹn uwu ghi ke evba nii vbe orrie kpao ya sẹ oke ọghe Garẹb kevbe ya sẹ e Goa.

Jerimaia 48:25

A dunmwu ẹtin e Moab sẹ otọ nẹ, a fuẹn iwegbe ẹre ua nẹ. Mẹ ne Nọyaẹnmwa ọ re ọ taa ẹe.”

Ezikiẹl 40:3

Ọ si mwẹ sikẹ ọre, I keghi ya bẹghe ọmwa ne ọ fi wainwain vbe ẹrọnmwọ, ọ keghi rhie emwi ne a ya mwa emwi ne a ya eto ovbiohuẹ ru mwẹ obọ, kẹe kevbe ọkpọ ne a ya mwa emwi, ọ keghi mudia ye ọkpẹn onurho ẹvbo.

Ezikiẹl 40:5

Emwi ne I bẹghe kegha re Ọgua Osa, a keghi gbe ekẹn lẹga ẹre. Ọmwa nii keghi rhie ọkpọ ne ọ ya mwa emwi ne ọ re ibata igbe vbe utanmwẹ, ọ keghi mwa ekẹn ne a gbe nii. Ọ keghi gha re ibata igbe vbe uyomwẹ kevbe igbe vbene ọ mwẹ imi sẹ.

Ezikiẹl 47:3

Ọmwa nii keghi ya erhan ne ọ ya mwa emwi mwaa ibata eha iyeva irrọvbe urieha (560) ghe odẹ nẹ ẹzẹ lẹghe vbe odẹ ahọ, ọna wẹ ne I ya owẹ fian ẹzẹ nii rra vbe evba. Urhuawẹ ọkpa ọre ẹzẹ nii sẹ mwẹ re vbe evba.

Ezikiẹl 47:4

Ọ keghi vbe mwaa ibata eha iyeva irrọvbe urieha (560) ọvbehe, amẹ nii keghi sẹ mwẹ igbọn vbe evba ọ keghi vbe sikẹ ototọ mwaa ibata eha iyeva irrọvbe urieha (560) amẹ nii keghi sẹ mwẹ ẹkun.

Daniẹl 7:7

Ehe ne I na ye ghe ẹre nii aranmwẹ ne ogienẹ keghi ladian ọ wa mwẹ ẹtin ne ọ mu ọmwa ohan, ọ gbe orrirri. Akọn ematọn ẹnrẹn ne lẹulẹu, ọ re ọ ya piẹn emwi ne ọ miẹn gbe, ọ ghi ya owẹ mama iran ginna otọ. Ọ keghi mwẹ igho igbe ne ọ ya lughaẹn ne avbe aranmwẹ nekpa.

Zẹkaraia 1:16

Rhunmwuda ọnii, mẹ dọlegbe gha die Jerusalẹm nian, ne I do rhie itohan mwẹ ma ẹvbo nii. A ghi rhie Ọgua Osa mwẹ ye ihe, a gha vbe dọlegbe gbe ekẹn ẹvbo nii.”

Zẹkaraia 1:18

Vbe umian ọvbehe, I keghi bẹghe igho enẹ ọghe ẹkhuia ẹmila.

Arhie Maan 11:1

Iyeke ọnii, iran keghi rhie erhan ne a ya mwa emwi yọ mwẹ obọ, iran tama mwẹ wẹẹ, “Gha khian ya mwa Ọgua Osa ọghe Osanobua kevbe Ogiukpo ni rrọọ, u ghi vbe ka avbe emwa ni ga vbe uwu Ọgua Osa nii.

Arhie Maan 21:15

Odibosa ne ọ gun mwẹ guan keghi mwẹ ọkpọ igoru ne a ya mwa emwi ne ọ ra ya mwa ẹvbo nii, kevbe ekẹn ọnrẹn, kevbe onurho ẹre.