Zẹkaraia 14:9 - Edo Bible (E Baibol Ẹdo) Version 1996

⁹ Ẹghẹ nii e Nọyaẹnmwa ghi gha re ọba yan otọ agbọn hia, emwa hia gha ga ẹe zẹ vbe Osanobua, iran ghi vbe gha ya eni ọkpa tie ẹre.

Zẹkaraia 14:9 ပူးပေါင်းရင်းမြစ်များ

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

Psalm 67:4

Gie agbọn ẹvbo hia gha ghọghọ, ne iran vbe gha so ihuan ọyẹnmwẹ rhunmwuda, wẹ ya ẹmwata bu ohiẹn emwa hia, u keghi vbe dia uhunmwu ẹvbo hia, ni rre agbọn na ye odẹ.

Psalm 72:17

Ai ghẹ mianmian eni ọba ẹdẹ te otiti ẹre gha tọ zẹvbe owẹn, te agbọn ẹvbo hia gha tian rẹn, te iran gha wẹ ne Osanobua fiangbe iran ne iran vbe gha gualọ ọyẹnmwẹ ne ọba.

Psalm 86:9

Uhunmwu ẹvbo ne uwẹ he yi hia, gha rre do ya uhunmwu rhanmwẹ otọ nuẹn iran gha rho ukpọlọmwẹ ruẹn.

Psalm 97:1

E Nọyaẹnmwa ọrọre Ọba! Agbọn wa gha ghọghọ! Wa gha ghọghọ, wa ne otọe ne amẹ lẹga, ni rre uwu okun!

Aizaia 45:21

Wa larre, wa do ta ne unu uwa vbe iko, wa tama iran ne a gu ẹzọ ne iran mu iro vba egbe. Gha ọ ta emwi ne ọ gha he kue sunu yotọ ke ẹkpo nii gha dee? Ẹre mẹ ne Nọyaẹnmwa nọ, mẹ ne Osanobua ne ọ miẹn emwa rẹn fan? Osa ọvbehe i rrọọ.

Aizaia 54:5

Te Ayi ne ọ yii uẹ ra yevbe ọdafọn ọn, e Nọyaẹnmwa ne Oghodua ọre a tie ẹre. Osanobua nọhuanrẹn ọghe Izrẹl gha miẹn ruẹn fan, rẹn ọ re ọ khaemwisẹ yan otọ agbọn hia.

Jerimaia 23:6

Ẹghẹ ne ọ gha ya vbe ọba, ivbi e Juda gha rrọọ vbe a i mwẹ ẹbe, ivbi Izrẹl ghi vbe gha rrọọ vbe ọfumwegbe, a gha vbe gha tie ẹre, ‘E Nọyaẹnmwa ne Imiẹnfan Mwa.’

Daniẹl 7:27

A gha mu ẹtin kevbe ukpọlọmwẹ ọghe avbe otọe arriọba agbọn hia ne emwa Osanobua ne ọ Sẹehia. Ẹtin ọba ne iran mwẹ i vbe fo ẹdẹ. Avbe iran ni khaemwisẹ vbe otọ agbọn hia gha ga, iran ghi vbe gha họn ẹmwẹ iran.”

Emọs 9:12

Rhunmwuda ọnii, ivbi Izrẹl gha khọn mu ehe ne ọ ghi te kẹe vbe Idọm, kevbe avbe uhunmwu ẹvbo hia ni ka re ọghomwẹ dee yi vbe ẹghẹ ọkpa,” erriọ e Nọyaẹnmwa ne ọ ra gie emwi na sunu khare.

Obedaia 1:21

Emwa ni khọnmiotọ vbe Jerusalẹm gha khọn mu Idọm, iran ghi vbe gha kha yan rẹn. E Nọyaẹnmwa tobọ ẹre ọre ọ khian gha re ọba.”

Maika 5:4

Ọ gha rre, ẹtin ne ọ ke ehe ne Nọyaẹnmwa ye rre ọre ọ ra ya gha khaemwisẹ yan emwa rẹn, deba orrirri ọba ọghe Nọyaẹnmwa Osanobua tobọ ẹre. Emwa rẹn gha rrọ vbe a i mwẹ ebe rhunmwuda, otọ agbọn hia gha miẹn ukpọlọmwẹ ọnrẹn kue.

Habakọk 2:14

Sokpan, urẹnmwẹ uyi Osanobua gha vuọn agbọn na hia zẹ vbene amẹ vuọn okun.

Zẹfanaia 3:9

“Ẹghẹ nii, I gha fi avbe emwa ni rre uhunmwu ẹvbo werriẹ, iran ghi do gha na erhunmwu ghe imẹ ọkpa, vbene iran i ghi na na ghe ẹbọ ọvbehe. Iran hia gha vbe gha họn ẹmwẹ mẹ.

Zẹkaraia 9:9

Wa gha ghọghọ, wa gha ghọghọ ivbi e Zaiọn! Wa gha wee ne oghọghọ, wa ne ivbi e Jerusalẹm! Wa ghe ighẹ ọba uwa dee! Ọ dee vbe ọmwa ne ọ ru rho obọ, ọ vbe khọnmiotọ. Sokpan, ọmẹhẹ ne ọ hin ekẹtẹkẹtẹ ne kherhe, ne sọguọsọguọ rẹn khin.

Malakai 1:14

Emwi ọ gha rruan ne ọ mu ọmwa ru, ne ọ ye aranmwẹ nọ ma maa zọ ese ghe mwẹ, vbe aranmwẹ esiesi ne ọ yan rẹn wẹ rẹn gha mu gunmwẹ rre uwu oghẹn ọnrẹn! Rhunmwuda, ọba nọkhua ọre imẹ, khin, te emwa ni rre uhunmwu ẹvbo hia mu ohan mwẹ.”

Matiu 1:23

“Nene uvbi gha hanmwa, ọ gha vbe biẹ ọmọ okpia ọkpa, a ghi he ẹre Imanuẹl.” Emwi ne a ya ọnii kha ọrọre “Osanobua rrọọ yaba mwẹ.”

Matiu 28:19

Wa bu emwa hia gha rrie ehe hia ne uwa ya gha ya iran khian erhuanegbe mwẹ, wa gha samẹ ne iran vbe Eni ọghe Erha, kevbe Ọmọ kevbe ọghe Orhiọn Ne Ọ Huanrẹn.

Diuteronomi 6:4

“Izrẹl, ye ọna rre! E Nọyaẹnmwa, awẹ e Nọyaẹnmwa ọkpa kẹkan ọrọre Osanobua mwa.

Arhie Maan 11:15

Odibosa ne ogihinrọn keghi fian okpe ọghọe re, a keghi họn urhu ni vannọ vbe ẹrinmwi kha wẹẹ, “Ẹtin ne a ya khaemwisẹ yan agbọn na, Nọyaẹnmwa kevbe Mẹzaia ẹre, ọre ọ ghi yan rẹn nian, ọ gha vbe gha khaemwisẹ ẹdẹ kevbe ẹdẹdẹmwẹdẹ.”

I Samuẹl 2:10

A gha fuẹn eghian e Nọyaẹnmwa, ọ gha van yan iran ke ẹrinmwi rre, e Nọyaẹnmwa gha bu ohiẹn agbọn; ọ gha rhie ẹtin ne ọba ẹre, ọ gha rhie akhọnmiotọ ne ọba ne ọ hannọ zẹ.”