Zẹkaraia 14:7 - Edo Bible (E Baibol Ẹdo) Version 1996

⁷ Amawẹ amẹ ne ọ rhọ vbe evbu, ra ebiebi ke ebiebi, uwanmwẹ ẹdẹ ghi gha rrọ uhin vbe a rhe gha rre asọn. E Nọyaẹnmwa ọkpa ọ re ọ rẹn ẹghẹ ne emwi na hia gha ya sunu.

Zẹkaraia 14:7 ပူးပေါင်းရင်းမြစ်များ

Psalm 37:18

E Nọyaẹnmwa ọ re ọ gbearoghe iran ni họn ẹmwẹ ne ẹẹn, iran ọ re ọ khian yan otọe nii ẹdẹdẹmwẹdẹ.

Aizaia 11:9

A i ra miẹn emwi dan okpa ra emwi ne ọ kuan ọmwa egbe vbe Zaiọn, ne oke nọhuanrẹn ọghe Osanobua. A rẹn e Nọyaẹnmwa gha vuọn otọe nii zẹ vbene amẹ vuọn okun.

Aizaia 24:23

Uki gha so ebiebi, ovẹn I ghi vbe yunmwu, rhunmwuda, e Nọyaẹnmwa ne Oghodua ọ re ọ ra gha re ọba. Ọ gha rriọba vbe oke Zaiọn vbe Jerusalẹm, avbe ọkaolotu emwa gha miẹn uyi ẹre.

Aizaia 30:26

Uki ghi gha baa vbe owẹn, owẹn ghi rhie ukhukhu ihinrọn ba egbe vbene ọ ya yunmwu de yi, vbene a miẹn wẹ ne ọ gha te yunmwu vbe ikpẹdẹ ihinrọn ọ re ọ ghi wa rhie ye ikpẹdẹ okpa kẹkan. Ọna gha sunu, vbe ẹghẹ ne Nọyaẹnmwa gha na gbalọ, ọ ghi kpee rrie ighe ẹwẹn ne ọ te fian emwa rẹn re.

Aizaia 45:21

Wa larre, wa do ta ne unu uwa vbe iko, wa tama iran ne a gu ẹzọ ne iran mu iro vba egbe. Gha ọ ta emwi ne ọ gha he kue sunu yotọ ke ẹkpo nii gha dee? Ẹre mẹ ne Nọyaẹnmwa nọ, mẹ ne Osanobua ne ọ miẹn emwa rẹn fan? Osa ọvbehe i rrọọ.

Aizaia 58:10

Adeghẹ wa rhie evbare ne ọmwa ne ohanmwẹ gbe, wa na gie ẹko vuọn iran ne ẹ i mwẹ, ẹghẹ nii, ebiebi ni lẹga uwa gha khian uwanmwẹ ogiavan.

Aizaia 9:7

Te ẹtin arriọba ẹre ra gha muan yọ, ọfumwegbe ọ re otọe arriọba ẹre ra gha ye vbe ẹghẹ hia te irẹn ra rriọba zẹvbe ọmwa ne ọ rriọba lele Devid ne Ọba ẹmwata kevbe uhunmwu ẹmwẹ ọ re irẹn ra ya gha mwẹ ẹtin; ke ẹghẹ na kpao ya sẹ ufomwẹ agbọn. E Nọyaẹnmwa ne Oghodua tae nẹ ighe erriọ rẹn ra ru ehia.

Jerimaia 30:7

Ẹdẹ ohan wa dee; a i miẹn ẹdẹ ne a ya gie ẹre, ẹghẹ akhiẹ nọ ne emwa mwẹ, sokpan iran gha miẹn uhunmwu vbọ.”

Daniẹl 12:4

Ọ keghi tama mwẹ wẹẹ, “Banbanna, e Daniẹl, gue ebe nii ne u gbae rhie hin rre ọ te ya sẹ ufomwẹ agbọn. Vbe uwu ẹghẹ na nian, emwa nibun gha wa mu ẹghẹ iran rhia, iran ghi gha hia ne iran rẹn otọ emwi ni sunu khian.”

Hozia 3:5

Sokpan, ẹghẹ dee ne ivbi Izrẹl gha na dọlegbe bu e Nọyaẹnmwa ne Osanobua iran gha dee, iran gha vbe bu ovbi uniẹn e Devid rre zẹvbe ọba iran. Ẹghẹ nii, iran gha mu ohan e Nọyaẹnmwa, iran ghi vbe miẹn emwi ọhẹ vbe obọ ẹre.

Emọs 8:9

Ẹghẹ dee ne I gha na ru ẹe ne owẹn defua vbe ogiavan, otọ agbọn ghi so ebiebi vbe ogiavan ogioghogho. Mẹ ne Nọyaẹnmwa ne Udazi ọre ọ taa ẹe. I gha ya emwiukpo ne uwa ru khian irorinmwi, I ghi fi ihuan ọyẹnmwẹ ne uwa so werriẹ khian ugomwẹ akhiẹ.

Matiu 24:36

“Sokpan, ọmwa ọkpa ne ọ rẹn ẹdẹ ra ẹghẹ ne emwi na gha ya sẹ, ẹ i rrọọ, avbe odibosa ni rre ẹrinmwi, ra Ọmọ tobọ ẹre, ne ọ rẹn ọnrẹn, ẹ i rrọọ, gberra Evbavba Ọkpa.

Iyẹn ne ọ Maan Ọghe Mak 13:32

“Sokpan ọmwa ne ọ rẹn ikpẹdẹ ra ẹghẹ ne emwi na gha ya sunu dandaandan, ẹ i rrọọ, avbe odibosa ni rre ẹrinmwi, kevbe Ọmọ ma rẹn ọnrẹn vbe ọ gberra Evbavba ọkpa.

Iwinna 1:7

Jesu tama iran wẹẹ, “Ẹghẹ ne ọ khian gha khin, kevbe emwi ne ọ gha sunu, ẹtin Erha mwẹ mwamwa ẹn nẹ, ọ ma kan uwa hiehiere ne uwa rẹn ẹghẹ ne ọ khian gha khin.

Iwinna 15:18

Erriọ Nọyaẹnmwa, ne ọta ẹe nẹkpo i mwẹ arria gha dee khare.’ ”

Iwinna 17:26

Ke uwu ọmwa ọkpa rre, ọre ọ na yi emwi otọ ughughan ne iran gha rre otọ agbọn hia. ke odaro emwi hia, rẹn ọre ọ tobọ ẹre mwa ẹghẹ ne iran gha ya gha rrọ, ọ keghi ye uwu yi ehe ne iran gha ye vbọ.

Iwinna 17:31

Rhunmwuda ọ bu ẹdẹ ọkpa ye otọ nẹ ne irẹn gha wẹ ne ọmwa ne irẹn hannọ zẹ nẹ, bu ohiẹn agbọn na hia vbe ne a i na bu eku. rẹn keghi vbe gie aro emwa da ọ na vbe ekpa ne ọna huẹn ọmwa ne a kha na kpaegbe vbe idin orinmwi!”

I Tẹsalonaika 5:2

Rhunmwuda, wa tobọ uwa rẹnrẹn wẹ, zẹ vbene oyi rre vbe asọn ọre Ẹdẹ Nọyaẹnmwa khian rre.

Arhie Maan 11:15

Odibosa ne ogihinrọn keghi fian okpe ọghọe re, a keghi họn urhu ni vannọ vbe ẹrinmwi kha wẹẹ, “Ẹtin ne a ya khaemwisẹ yan agbọn na, Nọyaẹnmwa kevbe Mẹzaia ẹre, ọre ọ ghi yan rẹn nian, ọ gha vbe gha khaemwisẹ ẹdẹ kevbe ẹdẹdẹmwẹdẹ.”

Arhie Maan 14:6

Ẹghẹ Nii ọre I na bẹghe odibosa ọkpa, ọ wa tin khian vbe odukhunmwu gba an, irẹn kevbe Iyẹn Ne ọ maa ọghe ẹdẹdẹmwẹdẹ, ne ọ ra na ma emwa ne agbọn, kevbe dọmwadẹ uhunmwu ẹvbo kevbe ẹwae, kevbe ẹvbo ne azẹ kevbe emwa.

Arhie Maan 21:23

Ẹvbo ni i mwẹ emwi ne ọ ya owẹn ru ra uki ne ọ gha baa vbọ rhunmwuda, uyi ọghe Osanobua ọre ọ viọ asan yọ. Oteghe Ohuan nii ọre ọ vbe re ukpa ne ọ rrọọ.

Arhie Maan 21:25

Te a khian gha kie urho ẹvbo ni ye otọ vbe ẹdẹ hia, a i ra khui ẹre, rhunmwuda a i ra miẹn asọn vbe evba.

Arhie Maan 21:3

I keghi họn vbe urhu ọkpa wa datu ke uwu ẹkete rre wẹẹ, “Banbanna nian, owa Osanobua rre ehe ne emwa ne agbọn ye. Rẹn gha gu iran yin, iran ghi vbe gha re emwa rẹn. Osanobua tobọ ẹre gha gu iran yin, rẹn ghi vbe gha re Osanobua iran.

Arhie Maan 22:5

Asọn i ghi khian gha rrọọ ọvbehe, iran i ghi khian vbe gha gualọ ukpa ra ovẹn ne ọ yunmwu, rhunmwuda Nọyaẹnmwa ọre ọ khian gha re uwanmwẹ iran, iran gha khaemwisẹ zẹ vbe ọha ẹdẹ kevbe ẹdẹdẹmwẹdẹ.