Zẹkaraia 14:20 - Edo Bible (E Baibol Ẹdo) Version 1996

²⁰ Ọ gha sẹ ẹghẹ nii, ya sẹ egbe ẹgogo ne a gba ginna ẹsin ne a hin khian, te a ra gbẹn yọ wẹẹ, “A ya ẹe ne Nọyaẹnmwa.” Avbe uwawa ne a ya le evbare vbe Ọgua Osa, te ehia ra gha re emwi nihuanrẹn zẹ vbene iran ye ighe avbe ọkpan ne a viọ ye odaro Ogiukpo.

Zẹkaraia 14:20 ပူးပေါင်းရင်းမြစ်များ

I Ọba 7:50

avbe ukpu igoru, emwi ne a ya dọ ukpa yọ, avbe ọkpan, uyẹngbe eturari kevbe egbẹnghẹngbẹnghẹn ne a ya wan erhẹn, olode ni rre ẹkhu Ehe Ne ọ Huan Sẹẹ Ehia kevbe ẹgun ne ọ ke Ọgua Osa.

Psalm 110:3

Ẹdẹ ne u gha gu avbe eghian ruẹn gbinna, emwa ruẹn gha tobọ iran la igbinna, zẹ vbe evbu owiẹ vbirrivbirri avbe igbama ruẹn gha bu ruẹ gha die uhunmwu oke ne ọ huanrẹn ni.

Ẹksọdọs 25:29

U ghi ru avbe ọkpan, ukpu, uru kevbe agbada ne a gha ya gha ru izọhẹ ọghe ayọn. Ena hia, igoru ne ama gua ọre a gha ya ruẹ.

Ẹksọdọs 37:16

Ọ keghi vbe ya igoru ne a ma gua ru avbe ọkpan viọ ye eteburu nii, deba avbe ukpu, uru kevbe ọkpan nekhua ne a ya gha ru izọhẹ emwi ne a wọn.

Ẹksọdọs 39:30

Iran keghi ya igoru ne a ma gua ru emwi ne a ya te owa, ama ne ọ huanrẹn ọ ghe a ya fiohan, iran keghi gbẹn yan rẹn zẹ vbene a gbẹn yan ama ase wẹẹ, “A ya ẹe fi ohan ne Nọyaẹnmwa.”

Aizaia 23:18

A ghi ya igho ne ọ miẹn vbe ẹki fi ohan ne Nọyaẹnmwa. Ẹ i ra vbe viọ ẹre hin rre, sokpan, avbe emwa ni ga e Nọyaẹnmwa gha ya igho nii dẹlẹ evbare kevbe ukpọn ne iran gha lo.

Aizaia 52:1

Jerusalẹm, wegbe ne u vbe dọlegbe gha kpolo! Ẹvbo nọhuanrẹn ọghe Osanobua, ya ose yọ egbe ruẹ ẹwu. Avbe ni ma yayi i ghi dọlegbe fi owẹ la onurho ruẹ ọvbehe.

Jerimaia 31:40

“Iya nii hia fẹẹrẹ, ehe ne a mu orinmwi yi, kevbe ne a mu iku yi kevbe avbe oha hia ni rre vbe a gberra ẹzẹ Kidrọn rhinrin ya sẹ Onurho Ẹsin vbe odẹ ahọ, ehia ghi gha re ne ọ huanrẹn mẹ. A i ghi dọlegbe siẹn ẹvbo nii sotọ ra ne a guọghọe rua ọvbehe.”

Ezikiẹl 45:1

A ghẹ ghi ghae otọe nii nẹ wẹ ne a mu ne dọmwadẹ ẹwae vbọ, a ghi ya ọkpa vbọ fi ohan ne Nọyaẹnmwa. Ọ ghi gha re ibiriki igbe vbe utanmwẹ kevbe ibiriki erẹnrẹn vbe uvbẹmwẹ. Ehe ne ọ sẹe ehe ne ọ rhanmwẹ hia ghi wa gha re nọhuanrẹn.

Levitikọs 6:28

Uwawa ne a rhirhi ya le ẹe, a ghi gbe ẹe rua sokpan deghẹ ẹgere nọ, a ghi khiakhia ẹe, a ghi ye amẹ rria ẹre.

Levitikọs 8:9

Ọ keghi mu ukugba uhunmwu yọ ọre uhunmwu, ọ keghi vbe mu emwi itegbe igoru ne a gbẹnnẹ emwi yi ya fi ohan ne Nọyaẹnmwa, ye ọre odaro zẹ vbene Nọyaẹnmwa tama rẹn.

Obedaia 1:17

“Sokpan, eso gha lẹ fe vbe Oke Zaiọn ọ ghi gha re ehe nọhuanrẹn. Ivbi uniẹn e Jekọb gha dọlegbe yan otọe ne ọ re ọghe obọ iran.

Zẹfanaia 2:11

E Nọyaẹnmwa gha runran iran. Ọ gha ye avbe ẹbọ ni rre agbọn khian kẹkan fẹẹrẹ, ẹghẹ nii, avbe uhunmwu ẹvbo ghi do gha ga ẹe, dọmwadẹ ọghọe vbe ẹvbo ẹre.

Zẹkaraia 14:19

Ọna ọ re ọ khian gha re oya ne Igipt gha re kevbe avbe ẹvbo nekpa, a deghẹ iran ma ru emwiukpo Ibuagọ.

Zẹkaraia 8:3

I gha dọlegbe gha die Jerusalẹm ne ẹvbo mwẹ nọhuanrẹn ne I do yin ẹnrẹn. A gha rẹn ọnrẹn ye ẹvbo ne ọ mudia ẹse, a ghi vbe gha tie oke Nọyaẹnmwa ne Oghodua oke nọhuanrẹn.

Zẹkaraia 9:15

E Nọyaẹnmwa ne Oghodua gha degue emwa rẹn. Iran gha fuẹn eghian iran hia a. Iran gha davan vbe okuo zẹ vbe emwa ni wọn ohinrre. Iran gha gbe esagiẹn eghian iran ye otọ ọ ghi gha lẹ okpokpo zẹ vbe esagiẹn izọese ne a ke ọkpan rhurhẹ yan Ogiukpo.

Malakai 1:11

Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Nọmbas 4:14

A ghi do viọ emwi hia ne a ya ru ugamwẹ vbe aka yọ: ọkpan iwaẹnrhẹn, adẹn, ovbẹvbẹ kevbe avbe ọkpan, iran ghi do mu ohian ne mose rhu ẹe iran ghi baba ọkpọ ne a ya muẹn yọ.

Nọmbas 4:7

“Iran ghi mu ukpọn ne raghoragho rhu eteburu ọghe ebrẹd ne a ya zẹ ọhẹ gie Nọyaẹnmwa a ghi viọ avbe ọkpan yan rẹn, kevbe ọkpan ọghe eturari, avbe ọkpan izẹhẹ kevbe esago ayọn ne a ya zẹ ọhẹ.

Iyẹn ne ọ Maan Ọghe Luk 11:41

Wa viọ emwi ni rre uwu ọkpan kevbe ukpu ne uwa mwẹ ne ivbiogue, erriọ ọ gha na huan ne uwa.

Iwinna 10:15

Urhu ni dọlegbe tama rẹn wẹẹ, “Emwi ne Osanobua kha nẹ wẹ ọ huanrẹn, ghẹ ghi kae ba ne ọ ma huan.”

Iwinna 10:28

Ọ keghi tama iran wẹ, “Wa tobọ uwa rẹnrẹn ẹsẹse wẹ, zẹ vbe ne ẹmwẹ ugamwẹ khare, a i gie Ju ya gha tuẹ, ra ne ọ ya gha gu avbe emwa ne ẹ i re Ju mu obọ. sokpan Osanobua rhie ma mwẹ nẹ wẹ ne I ghẹ tie ọmwaikọmwa emwi awua ra ne ọ ma huan.

Iwinna 11:9

Urhu nii keghi dọlegbe guan ke ẹrinmwi rre wẹẹ, ‘Emwi ne Osanobua tie ẹre ne ọ huanrẹn nẹ, ghẹ ghi kae ye ne ọ ma huan.’

Iwinna 15:9

Ọ ma vbe rhie alughaẹn ye ẹkpo ima vbe iran, ọ ya orukhọ iran bọ iran rhunmwuda ighẹ iran yayi.

Kọlose 3:17

Emwi ne uwa a rhirhi ta ra emwi ne uwa a rhirhi gha ru, wa gha ru ẹe vbe eni Nọyaẹnmwa Jesu, vbe ne uwa na la ekpa ẹre rhie uyi ne Osanobua ne Evbavba.

I Pita 2:5

Wa gha dee zẹ vbe okuta ni rrọọ, ne uwa gia ya uwa bọ Ọgua Osa ọghe orhiọn, eke ne uwa gha na winna, zẹ vbe avbe ohẹn ni huanrẹn, ne uwa gha zọ ese orhiọn ne a ọ gia rhan obọ miẹn ghe Osanobua vbe ekpa Jesu Kristi.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.

I Pita 4:11

Ne ọ kpe orhu, we ne ọ gha kpe orhu ẹmwẹ Osanobua, ne ọ ga emwa ọvbehe, we ne ọ gha ya ẹtin ne Osanobua rhie nẹẹn hia ga, ne a miẹn ehe na miẹn wẹ, vbe uwu emwi hia, te a ghi la ekpa Jesu Kristi rhie urhomwẹ ne Osanobua, ọmwa ne ọ yan ẹtin kevbe uyi ẹdẹ kevbe ẹdẹdẹmwẹdẹ. Isẹ.

Arhie Maan 1:6

Ọ keghi ya ima ru arriọba avbe ohẹn ne ima gha ga Osanobua ẹre kevbe Erha ẹe. Ọ ghe Jesu Kristi ọre uyi kevbe ẹtin gha khin ẹdẹ kevbe ẹdẹdẹmwẹdẹ, Isẹ.

Arhie Maan 20:6

Ọ maa ne iran, emwa ne Osanobua fiangbe ẹsẹse ọre iran khin ighẹ iran ne arhiọkpaegbe ne okaro na sẹ ọre egbe. Uwu ne ogieva i mwẹ ẹtin vbe uhunmwu iran. Iran ghi gha re ohẹn ọghe Osanobua kevbe ọghe Kristi, iran ghi vbe deba ẹre rriọba la ukpo arriaisẹn.

Arhie Maan 5:10

U ya uniẹn hia, ẹvbo ne a zẹ, emwa kevbe agbọn ẹvbo, ru arriọba avbe ohẹn, ne iran gha ga Osanobua mwa. Iran gha vbe khaemwisẹ vbe agbọn.”

I Samuẹl 2:14

ọ gha dunmwu awan nii ye uwu ukodo, emwikemwi ne awan nii ghi viọ ladian, ọ ghe ohẹn ọre nọ. Erriọ iran gha a ru ivbi Izrẹl hia ni do zọ ese vbe Siailo.