Zẹkaraia 14:18 - Edo Bible (E Baibol Ẹdo) Version 1996

¹⁸ A deghẹ ivbi Igipt wẹ iran i ru Emwiukpo Ibuagọ, egbe emianmwẹ ne Nọyaẹnmwa mu ku avbe uhunmwu ẹvbo ni ma yo, gha vbe sẹ iran egbe.

Zẹkaraia 14:18 ပူးပေါင်းရင်းမြစ်များ

Aizaia 60:12

Sokpan avbe ẹvbo ni ma ga uwẹ a gha fuẹn iran an fẹẹrẹ.

Aizaia 66:23

Ẹghẹ emwiukpo Uki ọgbọn kevbe Ẹdẹ Ikẹtin hia, ọre ivbi edọmwadẹ uhunmwu ẹvbo gha do ya gha ga mwẹ vbe Jerusalẹm vbe emwana. Erriọ,” Nọyaẹnmwa khare.

Maika 5:8

A gha zagha iran lele uhunmwu ẹvbo, iran gha do yevbe oduma ni ru ohuẹ emwi ne ọ ra re vbe uwu ẹgbo ra oha ne aranmwẹ na rria: Ọ ghi la uwu ẹbu ohuan, ọ ghi san yan iran, ọ ghi yanghan iran ukhiọnmwẹ ukhiọnmwẹ, idaehọ ighe a gha miẹn ẹnrẹn fan i rrọọ.

Zẹkaraia 14:12

E Nọyaẹnmwa gha mu emianmwẹ ne ọ wegbe ku avbe uhunmwu ẹvbo hia ni mu okuo ye Jerusalẹm. Ikpakpa egbe iran gha kẹkẹ ua vbe iran ma he wu, aro iran kevbe aranmwẹ iran gha kẹkẹ ua.

Zẹkaraia 14:15

Emianmwẹ dan gha vbe dekun avbe ẹsin, avbe ẹsin amwẹ, avbe kamẹl kevbe ekẹtẹkẹtẹ, kevbe emwirri hia ni rre agọ avbe eghian.

Zẹkaraia 14:19

Ọna ọ re ọ khian gha re oya ne Igipt gha re kevbe avbe ẹvbo nekpa, a deghẹ iran ma ru emwiukpo Ibuagọ.