Zẹkaraia 14:12 - Edo Bible (E Baibol Ẹdo) Version 1996

¹² E Nọyaẹnmwa gha mu emianmwẹ ne ọ wegbe ku avbe uhunmwu ẹvbo hia ni mu okuo ye Jerusalẹm. Ikpakpa egbe iran gha kẹkẹ ua vbe iran ma he wu, aro iran kevbe aranmwẹ iran gha kẹkẹ ua.

Zẹkaraia 14:12 ပူးပေါင်းရင်းမြစ်များ

II Krọnikol 21:15

Wẹ tobọ ruẹ gha khuọnmwi emianmwẹ ẹko ne ọ wegbe ne ọ ra gha rhia yọ ẹdẹgbegbe.”

Job 18:13

Emianmwẹ dan gba ẹre egbe hia, ọ kẹkẹ ẹre obọ kẹkẹ ẹre owẹ ua.

Psalm 90:11

De ọmwa ne ọ he ya egbe miẹn ohu ruẹ vbe uwu ẹtin ẹnrẹn hia? De ọmwa ne ọ rẹn ohan ne ohu ruẹ nọkhua sẹtin si rre?

Levitikọs 26:16

I gha rri uwa oya. I gha si ọkhọ yan uwa uhunmwu, emianmwẹ ni i mwẹ ukhunmwu kevbe emwirraro ne ọ gha rhu uwa aro, kevbe ne ọ gha ya uwa gha rri ororo. Wa gha kọ emwiokọ uwa sokpan ẹ i ra ma ne uwa rhunmwuda eghian uwa gha khọn miẹn uwa otọ, iran ghi rri emwi ne uwa kọ ẹe.

Levitikọs 26:18

“Deghẹ a ghi miẹn wẹ vbe iyeke ena hia, wa ma ye họn ẹmwẹ mwẹ, I gha fian ukhukhu ihinrọn ba oya ne uwa gha re.

Levitikọs 26:21

“A deghẹ te uwa ye gha ze vbudu khian vbene uwa i na họn ẹmwẹ mwẹ, I gha dọlegbe fian ba oya ne I gha rri uwa ẹre ukhukhu ihinrọn.

Levitikọs 26:24

Ẹghẹ nii, I ghi werriẹ aro da uwa, I gha rri uwa oya ukhukhu ihinrọn sẹ ayọ.

Levitikọs 26:28

Ẹghẹ nii ohu gha mu mwẹ I ghi werriẹ aro da uwa, I ghi dọlegbe rhie ukhukhu ihinrọn ba oya ne I gha rri uwa re.

Zẹkaraia 1:15

Ohu avbe ẹvbo nii ne ọfurre kevbe ne ọfumwegbe ye wa mu mwẹ. Rhunmwuda, ẹghẹ ne imẹ na gha si egbe vbe ẹmwẹ ohu emwa mwẹ ne ọ mu mwẹ, avbe uhunmwu ẹvbo na kegha tua oya nẹ emwa mwẹ re sẹẹ ayọ.

Zẹkaraia 12:9

Ọ gha se ẹghẹ ne a kha na, I gha fuẹn iran an ighe ẹvboikẹvbo ne ọ ho ne ọ gu e Jerusalẹm gbinna.

Zẹkaraia 14:15

Emianmwẹ dan gha vbe dekun avbe ẹsin, avbe ẹsin amwẹ, avbe kamẹl kevbe ekẹtẹkẹtẹ, kevbe emwirri hia ni rre agọ avbe eghian.

Zẹkaraia 14:18

A deghẹ ivbi Igipt wẹ iran i ru Emwiukpo Ibuagọ, egbe emianmwẹ ne Nọyaẹnmwa mu ku avbe uhunmwu ẹvbo ni ma yo, gha vbe sẹ iran egbe.

Zẹkaraia 14:3

Ẹghẹ nii, e Nọyaẹnmwa gha ladian ya gu avbe uhunmwu ẹvbo nii gbinna zẹ vbene ọ ka ru ẹe yi vbe ẹghẹ ne ọ gberra.

Zẹkaraia 2:4

Ne okaro keghi tama nọkpa wẹẹ, “Rhie ulẹ ya tama ọvbokhan ọkpia ne ọ rhie emwi ne a ya mwa emwi mwẹ obọ nii wẹ emwa kevbe ẹmila gha bun sẹrriọ vbe Jerusalẹm wẹ ọ gha digba gbe ne a gbe ekẹn gaa.

Iwinna 12:23

Vbe ọwarọkpa nii, odibo Nọyaẹnmwa keghi wa gbe Hẹrọd fi otọ rhunmwuda ọ ma rhie uyi ne Osanobua, ọkhọe keghi rriọ rua, ọ na wu.

Diuteronomi 28:21

Ọ ghi gha gie emianmwẹ rre do gha vba emianmwẹ vbe egbe uwa a te do miẹn wẹ ọkpa ma ghi ke ẹe vbe uwu uwa vbe otọe ne uwa ra yin na.

Diuteronomi 28:22

E Nọyaẹnmwa ghi tue emianmwẹ ne ọ ke egbe ẹmwẹ ọkpa la egbe ọmwa ọvbehe ku uwa kevbe egbe ne ọ hinmwian kevbe ọnii, ọ gha ru ẹe ne amẹ ghẹ rhọ ọ ka uwa hia ghi so hie kevbe irhunrhun, ne ọ ya ẹe fuẹn emwiokọ uwa hia a. Ọfuan na ghi gu uwa gha rrọọ wa te ya wulo.

Diuteronomi 28:59

A deghẹ wa ma ru vberriọ, ọ gha gie emianmwẹ ne ẹ i mwẹ ukhunmwu gie uwa kevbe avbe ivbi uwa ke ẹe kevbe egboghogbogho ne ọ mu ohuan ne ẹ i gie a dayi.

Arhie Maan 17:16

Igho igbe ne u dẹghe, kevbe aranmwẹ oha nii gha do gha khu iwu ebabotu nii, iran gha viọ emwi ne ọ mwẹ hia kpao, iran ghi sẹ ọe rae ye irhunmwirhuan. Iran gha rri efun egbe ẹre, iran gha ya erhẹn giẹn uan.