Zẹkaraia 14:11 - Edo Bible (E Baibol Ẹdo) Version 1996

¹¹ Emwa ni ghi gha rrọ vbene ẹkun na sẹ iran otọ, vbene ọfuan i ghi na vbe runran iran ọvbehe.

Zẹkaraia 14:11 ပူးပေါင်းရင်းမြစ်များ

Aizaia 26:1

Ẹdẹ dee ne emwa gha so ihuan na vbe otọ e Juda: Ẹvbo mwa wegbe. Osanobua tobọ ẹre ọre ọ wan ga ekẹn ọnrẹn.

Aizaia 60:18

A i ghi họn ẹmwẹ ọkhọ vbọ ọvbehe, ọfuan i ghi ra dọlegbe rhia ẹvbo ruẹ ua I gha degue ruẹ I ghi vbe gbinna nuẹn zẹ vbe ekẹn ne a gbe lẹga ẹvbo. Wẹ gha rho mwẹ rhunmwuda, I miẹn ruẹn fan nẹ.

Aizaia 66:22

“Zẹ vbene ẹrinmwi ọgbọn nii kevbe agbọn ọgbọn nii gha ye ekpa ẹtin mwẹ gha rrọọ, erriọ ọ re avbe ivbi uniẹn uwa kevbe eni uwa gha vbe gha rrọọ.

Jerimaia 31:40

“Iya nii hia fẹẹrẹ, ehe ne a mu orinmwi yi, kevbe ne a mu iku yi kevbe avbe oha hia ni rre vbe a gberra ẹzẹ Kidrọn rhinrin ya sẹ Onurho Ẹsin vbe odẹ ahọ, ehia ghi gha re ne ọ huanrẹn mẹ. A i ghi dọlegbe siẹn ẹvbo nii sotọ ra ne a guọghọe rua ọvbehe.”

Jerimaia 32:37

I ra ya si avbe emwa nii hia koko ke ehe ne I te zagha iran kui vbe ohu mu mwẹ, werriegbe gha die emwa na, I gha gie iran gha rrọ vbe a i mwẹ ẹbe.

Ezikiẹl 37:26

I gha gu iran ta ile, ne ọ gha gbe iran ẹkun sotọ ẹdẹdẹmwẹdẹ. I gha gbe iran igiẹ, I gha vbe gie iran gha muan yọ. I ghi miẹn wẹ Ọgua Osa mwẹ mudia ye otọe iran ẹdẹdẹmwẹdẹ.

Joẹl 3:17

“Ẹghẹ nii u gha na rẹn Izrẹl, ighe mẹ ọrọre Nọyaẹnmwa Osanobua ruẹ. E Zaiọn ne oke mwẹ nọhuanrẹn, ọre I dia, e Jerusalẹm gha khian ẹvbo nọhuanrẹn, avbe erhunmwuyẹn i ghi khọn rẹn ẹdẹ.

Joẹl 3:20

I gha rria ikhi ye ẹmwẹ emwa ne iran gbele ua na, I i ra gie ẹe la ọmwa ne ọ rukhọ ban. Sokpan e Juda kevbe Jerusalẹm gha khian ehe ne a yinrin ẹdẹdẹmwẹdẹ, Mẹ ne Nọyaẹnmwa ghi di Oke Zaiọn ya.”

Emọs 9:15

I gha gbe emwa mwẹ ẹkun sẹ otọ vbe otọe ne I mu ne iran, a i ghi dọlegbe werriẹ iran owa ọvbehe.” E Nọyaẹnmwa ne Osanobua rua taa ẹe nẹ.

Zẹkaraia 12:6

“Ọ gha sẹ ẹghẹ nii, I gha ru ẹe ne ẹwae ni rre Juda gha ye vbe erhẹn ne ọ rre otọe ẹgbo ra ni rre ugbo ọka ne ọ wo nẹ, iran gha fuẹn avbe ẹvbo ni lẹga iran an. Ivbi e Jerusalẹm ghi gha rrọ vbe ne ẹkun na sẹ iran otọ vbe ore ẹvbo.

Zẹkaraia 2:4

Ne okaro keghi tama nọkpa wẹẹ, “Rhie ulẹ ya tama ọvbokhan ọkpia ne ọ rhie emwi ne a ya mwa emwi mwẹ obọ nii wẹ emwa kevbe ẹmila gha bun sẹrriọ vbe Jerusalẹm wẹ ọ gha digba gbe ne a gbe ekẹn gaa.

Zẹkaraia 8:13

Ivbi e Juda kevbe Izrẹl; vbe ẹghẹ ne ọ gberra te avbe orhunmwuyẹn te ya ẹe tie ihẹn ne egbe wẹẹ, ‘Emwi ne ọ rruan e Juda kevbe Izrẹl ọ re ọ gha rruan ruẹn.’ Sokpan, mẹ gha miẹn uwa fan, avbe orhunmwuyẹn nii ghi vbe gha kha ma egbe wẹẹ, ‘Ọma ne ọ mian e Juda kevbe Izrẹl ọ re ọ gha rruan ruẹn.’ Rhunmwuda ọnii, wa gie orhiọn la uwa iwu, wa ghẹ fian afianma.”

Zẹkaraia 8:4

A ghi vbe miẹn wẹ te ikpia kevbe ikhuo ni khian ọmaẹn iran ni khian ọmaẹn sẹrriọ wẹ ọkpọ iran ghi ya khian, iran ghi gha tota lele ọgua ediọn.

Zẹkaraia 8:8

I ghi vbe viọ iran ke odẹ ahọ kevbe orrie rre ne iran do gha rre Jerusalẹm. Iran ghi gha re emwa mwẹ mẹ ghi vbe gha re Osanobua iran. I ghi gha khaemwisẹ yan iran vbe ọghọ kevbe ute.

Nọmbas 21:3

E Nọyaẹnmwa keghi họn ọghe iran, ọ keghi yi iran obọ ne iran ya khọn Kenan mu otọ. Ivbi Izrẹl keghi fuẹn iran kevbe ẹvbo iran uan. Iran kegha tie evba nii Họma.

Diuteronomi 33:28

Ẹre ivbi e Jekọb na gha rrọọ vbe ọfumwegbe ọ kevbe gbe ẹkun sẹ otọ vbe otọ ne ọka kevbe ayọn na kpọ ehe ne iso na gie evbu gha tue ye otọ.

Arhie Maan 21:4

Ọ gha khiẹn ameve hia hin aro iran rre. Uwu i ghi ra gha rrọọ ọvbehe, ra akhiẹ ra obalọ. A ho emwi nẹdẹ hia bẹkun nẹ.”

Arhie Maan 22:3

Emwi ne Osanobua fi ẹre unu ọkpa ne a gha miẹn vbe ẹvbo nii, ẹ i rrọọ. Ẹkete Osanobua kevbe ọghe Oteghe Ohuan ghi gha rre ẹvbo ni, avbe eguọmwadia ẹre ghi gha ga ẹe.