Zẹkaraia 13:8 - Edo Bible (E Baibol Ẹdo) Version 1996

⁸ a gha wa ẹvbo nii ye ihe eha, obọ eva vbọ gha wulo vbọ vbe uwu emwa ni rrọọ.

Zẹkaraia 13:8 ပူးပေါင်းရင်းမြစ်များ

Aizaia 6:13

Gia kha wẹ arhiọnkpa kẹkan miẹn uhunmwu vbe uwu arhin igbe vbe otọe nii, te a ra ye vbe fuẹn irẹn uan, ọ ghi yevbe ut ukhunmwu erhan okan ne a tọn gbe otọ nẹ.” (Ut ukhunmwu ni mudia ye omuhẹn ọgbọn ne emwa Osanobua.)

Aizaia 66:24

“Iran gha wa kpao nii, iran gha miẹn ikun avbe iran hia ni sọtẹ mwẹ, ọkhọe ne ọ rri iran i wu ẹdẹ, erhẹn ne ọ giẹn iran i vbe dọyọ ẹdẹ. Emwi ne ọ mianmwẹ ughe ọ re iran ra gha khin ne emwa nagbọn.”

Jerimaia 30:11

I gha bu uwa rre, I ghi do miẹn uwa fan I gha fuẹn iran an ighe avbe uhunmwu ẹvbo hia ne I zagha uwa gha rrie. Sokpan mẹ i ra fuẹn uwa a fẹẹrẹ, mẹ i ra wa sẹ uwa rae vbe na i na rri uwa oya. Sokpan, I gha ra rri uwa oya, I ga ruẹe vbe ne ọ ke yi. Mẹ ne Nọyaẹnmwa tae nẹ.”

Ezikiẹl 20:38

I gha viọ iran ni sọtẹ kevbe ni ru orukhọ. I gha viọ iran hin otọe ne iran ye na rre sokpan mẹ i ra gie iran werriegbe gha rrie otọ Izrẹl. Ẹghẹ nii, wa gha na rẹn ighe mẹ ọrọre Nọyaẹnmwa.”

Ezikiẹl 5:12

A gha wa uwa ye ihe eha, ohanmwẹ kevbe emianmwẹ gha gbele obọkpa vbọ ye adesẹ ore ẹvbo, a gha ya umozo giagia obọkpa vbọ ye vbe a ladian ore ẹvbo ne, I gha zagha obọkpa ne ọ ghi kẹe vbọ ku ẹhoho, I ghi ya umozo gha khulo iran khian.

Daniẹl 9:27

Ọmwa ne ọ rre asẹ nii gha gu emwa nibun ke ọta ne ọ deziẹn la ukpo ihinrọn, a ghẹ ghi wa ẹghẹ ne a kha na ye ihe eva nẹ, ọ gha wẹ ne a dobọ ese ne a zọ kevbe izọhẹ yi. A gha ya mu Emwikhọ Ugborrirri. Ye ehe ne ọ mwẹ uyi sẹẹ vbe Ọgua Osa, ọ ghi vbe gha rre evba ọ te do sẹ ẹghẹ ne ọ gha ya rri ọghọe fo zẹ vbene Osanobua mwamwa khẹ ọre.”

Emọs 9:10

A gha gbele avbe emwa orukhọ ni rre emwa mwẹ vbe okuo, iran hia ni kha wẹẹ, ‘Osanobua i gie ọkhọ sunu vbe egbe mwa.’ ”

Zẹfanaia 3:12

I gha sẹ avbe ọmẹhẹ ni mu egberriotọ rae ye evba, iran na ọ re ọ gha do gha nọ iyobọ vbe obọ mwẹ.

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

Matiu 22:7

Ohu keghi mu ọba ni, ọ na gie ivbiyokuo ẹre, iran na ya gbele avbe izigha ni uan, iran na giẹn ẹvbo iran muotọ.

Iyẹn ne ọ Maan Ọghe Mak 13:20

Sokpan, e Nọyaẹnmwa fian avbe ẹdẹ nii kanmwa nẹ, adeghẹ ẹ i re erriọ, orhiọnkpa ne ọ gha miẹn uhunmwu ẹ i rrọọ, vbene ọ rhirhi a gha ye hẹẹ, rẹn fian avbe ẹdẹ ni kanmwa nẹ rhunmwuda emwa irẹn ne ọ hannọ zẹ.

Arhie Maan 16:19

A keghi wa ẹvbo nọkhua nii ye ihe eha, okpẹvbo ni rre uhunmwu ẹvbo otọ agbọn hia keghi fuẹn uan. Osanobua keghi ye Babilọn rre, ọ keghi ya nẹẹn da vbe ayọn ne ọ rre ukpu ẹre, ayọn ọghe izohu ọhanabe ẹre nii.