Zẹkaraia 13:7 - Edo Bible (E Baibol Ẹdo) Version 1996

⁷ E Nọyaẹnmwa ne Oghodua khare wẹẹ, “Umozo, rhiọrre, ne u dekun ọsuohuan ne ọ winna mẹ. Gbe ẹe rua, ne u gie avbe ohuan zagha kua, mẹ gha dekun avbe emwa mwẹ,

Zẹkaraia 13:7 ပူးပေါင်းရင်းမြစ်များ

Psalm 2:2

Avbe ọba iran sọtẹ, ekhaẹmwẹ iran vbe si uma kugbe ghe Nọyaẹnmwa, kevbe ghe ọba ne irẹn zẹe.

Aizaia 1:25

I gha ru uwa emwi, I gha kpe uwa huan zẹ vbene a ya kpe ematọn huan, I ghi viọ ivbivbi emwi ni rre uwa egbe hin rre.

Aizaia 27:1

Ọ gha sẹ ẹdẹ ne ẹdẹrriọ, ẹ Nọyaẹnmwa gha ya umozo ẹre ne ọ mwẹ ẹtin ke ne ọ gbe emwi ya rri e Leviatan oya, nene Ugbogiorinmwi ne ọ gbe a kinnọ khiẹn yo khiẹn rre nii, ọ ghi vbe gbe Ugbogiorinmwi ne ọ rre uwu ẹzẹ okun.

Aizaia 40:11

Ọ gha gbearoghe avbe ohuan rẹn zẹvbe ne ọsuohuan ru. Ọ gha si avbe oteghe ohuan koko, ọ ghi munọ iran ye ekuaobọ ẹre ọ ghi su avbe iye iran hẹnnẹhẹnnẹ.

Aizaia 9:6

A biẹ ọmọ ọkpa ne ima! A rhie ọmọ okpia ọkpa ne ima! Rẹn ọ ra gha re ogie mwa. Eni ne a ra gha tie ẹre ọrọre, “Ọbude Ọyunnuan.” “Osa ne Oghodua,” “Erha Etẹbitẹ,” “Okoro Ọfumwegbe.”

Jerimaia 47:6

Wa gha tu wẹ ‘Umozo e Nọyaẹnmwa! Vbe u a ra lọkọ emwa kpee sẹhẹ vbe otọ yi? Werriegbe la uwu ako umozo ruẹ, gha rre evba ne u hẹwẹ.’

Ezikiẹl 21:28

“Ovbi ọmwa, guan zẹvbe akhasẹ, ta ẹe ladian wẹ mẹ ne Nọyaẹnmwa ne Udazi ọ re ọ tama ivbi Amọn ni kpa unu ghe Izrẹl, tama iran wẹẹ, ‘Umozo mu egbe nẹ ọ ra ya fuẹn emwi. A kpee ẹe nẹ ọ gha gbe emwi, ne ọ gha fi wain zẹ vbe ayan,

Ezikiẹl 21:3

Mẹ ne Nọyaẹnmwa khare wẹ, eghian uwa ọ re imẹ khin, I gha yuo umozo mwẹ ladian, I ghi gbele uwa hia a, ke ne ọ re ọmwa esi ke ne ọ re ọmwa dan.

Ezikiẹl 37:24

Ọba ne ọ yevbe Devid ne ọguọmwadia mwẹ ghi gha re ọba iran. A gha si iran hia koko ye ototọ enọkhaemwisẹ ọkpa, iran ghi gha ye ekhọekekhọe ya uhi mwẹ ru emwi.

Ezikiẹl 7:6

Ọ fo vbotọ. Ufomwẹ ọnrẹn ọ re ọna khin. Ọghe uwa fo nẹ.

Maika 5:2

E Nọyaẹnmwa khare wẹẹ, “Bẹtlẹhẹm Efrata, ọkpa vbe uwu ẹvbo ni kanmwa sẹẹ vbe Juda ọre uwẹ khin, sokpan, uwu uwẹ ọ re I gha ke rhie ne ọ khaemwisẹ ladian ne Izrẹl, rẹn gha vbe ke uniẹn nẹdẹ ne a ka ya gha bu ẹvbo nii ladian.”

Maika 5:4

Ọ gha rre, ẹtin ne ọ ke ehe ne Nọyaẹnmwa ye rre ọre ọ ra ya gha khaemwisẹ yan emwa rẹn, deba orrirri ọba ọghe Nọyaẹnmwa Osanobua tobọ ẹre. Emwa rẹn gha rrọ vbe a i mwẹ ebe rhunmwuda, otọ agbọn hia gha miẹn ukpọlọmwẹ ọnrẹn kue.

Zẹkaraia 11:11

Ẹdẹrriọ ọ re a soo nene ile gọ. Iran ni dele, kevbe ni vbe khiẹnnẹ nene ohuan kegha ghe mwẹ, iran keghi vbe rẹn wẹ, te Nọyaẹnmwa ye emwi ne I ru na gie uhunmwu gie emwa.

Zẹkaraia 11:4

E Nọyaẹnmwa ne Osanobua keghi tama mwẹ wẹẹ, “Mu akpa ọsuohuan ọghe oghẹn ohuan ne a ra ya gbele ua yọ.

Zẹkaraia 11:7

Iran ni dẹlẹe kevbe ni vbe khiẹnnẹ avbe ohuan na, keghi rhie mwẹ vbe iwinna, mẹ keghi khian Ọsuohuan avbe ohuan ne a ra ya gbele ua. I keghi viọ ọkpọ eva mwẹ obọ, I keghi tie ọkpa vbọ “Aro ne ọ maa” kevbe nọkpa “Akugbe.” I na gha gbearoghe avbe oghẹn ohuan nii.

Matiu 1:23

“Nene uvbi gha hanmwa, ọ gha vbe biẹ ọmọ okpia ọkpa, a ghi he ẹre Imanuẹl.” Emwi ne a ya ọnii kha ọrọre “Osanobua rrọọ yaba mwẹ.”

Matiu 10:42

Wa vbe yerre wẹẹ, ọmwaikọmwa ne ọ sa ukpu amẹ nọfurre ne ne ọ kanmwa sẹ vbe uwu iran ni lele mwẹ na, rhunmwuda ighẹ ọmwa ne ọ lele mwẹ nọ, ẹ i mwẹ ọ ma rri ere ẹre.”

Matiu 11:27

“Erhamwẹ viọ emwi hia mẹ nẹ. Gberra Evbavba, ọmwa ọvbehe ne ọ rẹn ọmọ ẹ i rrọọ, gberra ọmọ, ọmwa ọvbehe ne ọ vbe rẹn Evbavba, ẹ i rrọọ, vbe ẹ i re iran ne ọmọ ho ne ọ rhie ẹre maa.

Matiu 18:10

“Wa ghẹ zan ọkpa vbe uwu iran ne giẹrẹ na. Ne I tama uwa, ẹghẹ hia ọre odibosa iran ya mudia ye odaro Erha mwẹ ne ọ rre ẹrinmwi. [

Matiu 18:14

Erriọ ọre ọ ye zẹẹ erha uwa ne ọ rre ẹrinmwi i ho ne a miẹn ọkpa ne ọ wiri vbe uwu iran ne giẹrẹ na.

Matiu 26:31

Ẹkpo ni ọre Jesu na tama iran wẹẹ, “Vbe asọn na, wa hia gha lẹ kua, wa ghi sẹ mwẹ rae rhunmwuda ebe tae wẹẹ, ‘Osanobua gha gbe ne ọ su ohuan, ohuan hia ni rre oghẹn ni, ghi zagha kua.’

Matiu 26:56

Sokpan ena hia sunu ne Ebemiẹn ehe na sẹ.” Ẹkpo ni ọre avbe erhuanegbe hia ghi na sẹ ọe rae, iran keghi lẹ kua.

Iyẹn ne ọ Maan Ọghe Mak 14:27

Jesu keghi tama iran wẹẹ, “Wa hia gha lẹ kua, wa ghi sẹ imẹ ọkpa rae rhunmwuda ebe tae nẹ wẹẹ, ‘Osanobua gha gbe ọsuohuan, avbe ohuan ghi zagha kua.’

Iyẹn ne ọ Maan Ọghe Mak 14:50

Ẹghẹ ni ọre avbe erhuanegbe hia ghi na sẹ ọe rae, iran keghi lẹẹ kua.

Iyẹn ne ọ Maan Ọghe Luk 12:32

“Wa ghẹ fian afianma, oghẹn kherhe. Rhunmwuda, ọ re ekhọe Erha uwa nẹ ne ọ rhie Arriọba ni ne uwa.

Iyẹn ne ọ Maan Ọghe Luk 17:2

Ne a de olọ ẹrẹkhẹrẹ ye ọre urhu mu fi uwu okun ọre ọ maa sẹ ne ọ si ọkpa vbe uwu iran ne giẹrẹ na la orukhọ.

Iyẹn ne ọ Maan Ọghe Jọn 1:29

Ẹdẹ ghi gbe, Jọn keghi miẹn Jesu vbe ọ bu irẹn dee, ọ na kha wẹẹ, “Wa ghe oteghe ohuan Osanobua ne ọ viọ orukhọ agbọn gha rrie!

Iyẹn ne ọ Maan Ọghe Jọn 10:30

Ọkpa ọ re Mẹ vbe Erha khin.”

Iyẹn ne ọ Maan Ọghe Jọn 10:38

Sokpan deghẹ iwinna nii ọre I winna, deghẹ wa ma rhe ya mwẹ yi, wa ye avbe iwinna ni yi, ne uwa miẹn ehe na rẹn vbe ne a i ghi na gbe agbanmwẹ wẹ Evbavba rre uwu imẹ, mẹ vbe rre uwu Evbavba.”

Iyẹn ne ọ Maan Ọghe Jọn 14:1

“Wa ghẹ gie ekhọe uwa lighi. Wa ya Osanobua yi. Wa vbe ya mwẹ yi ba ẹre.

Iyẹn ne ọ Maan Ọghe Jọn 14:23

Jesu wanniẹn wẹẹ, “Ọmwa ne ọ rhirhi ho ẹmwẹ mwẹ gha ru vbene I khare, Erha mwẹ gha ho ẹmwẹ ọnrẹn, kevbe imẹ kevbe Erha mwẹ ghi bu ẹre gha dee, ma ghi do di owa ẹre ya.

Iyẹn ne ọ Maan Ọghe Jọn 16:15

Emwi ne Erha mwẹ mwẹ hia, ogho mwẹ nọ, ọnii ọ zẹẹ ne I na kha wẹ Orhiọn nii gha rhie emwi ne I rhie ne ẹn, ọ ghi ta ẹe ma uwa.

Iyẹn ne ọ Maan Ọghe Jọn 16:32

Ẹghẹ dee, ọ wa vbe sẹ otọ nẹ ne a gha na zagha uwa hia kua, edọmwadẹ ọghọe ghi gha rrie owa ẹre, wa ghi sẹ mwẹ rae ọ ghi do kẹ mẹ ọkpa kẹkan. Sokpan ẹ i khian gha re imẹ ọkpa rhunmwuda, Evbavba gha mudia ke mwẹ.

Iyẹn ne ọ Maan Ọghe Jọn 5:23

Ne emwa hia miẹn ehe na gha ye ọghọ ne Ọmọ zẹ vbene avbe ya ọghọ ne Erha. Ọmwa ne ọ ma ye ọghọ ne Ọmọ ọ ma ya ọghọ ne Erha ne ọ gie ẹe.

Iyẹn ne ọ Maan Ọghe Jọn 8:58

Jesu wanniẹn wẹẹ, “Ẹmwata ọre I tama uwa. Vbe a te bie Ebraham, ‘Mẹ Nọ.’ ”

Iwinna 2:23

Osanobua tae nẹ, ọ kevbe tobọ ẹre mwamwaẹn zẹ vbe iho ọghọe, ne a rhie Jesu yan uwa obọ. Wa keghi gbe ẹe rua, wa keghi gie iran ne emwa orukhọ kan rẹn mu ugbugbe.

Ebe ne Pọl gbẹẹn gie emwa Rom 4:25

A keghi yae fi ohan ne ọ wu ye orukhọ mwa, a keghi vbe huẹn ọnrẹn kpaegbe ne ọ miẹn ehe na ye ima khian emwata vbe odaro Osanobua.

Ebe ne Pọl gbẹẹn gie emwa Rom 8:32

Ọ ma rhie ovbi ẹre fi ghe iyeke sokpan, ọ keghi ya ẹe fi ohan ne ima hia, ọ rhie ovbi ẹre ne ima, u ma rẹn ghẹ te ọ gha ghi ya emwi hia ru ima ẹse!

II Kọrinti 5:21

Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.

Galatia 3:13

Sokpan, rhunmwuda ne Kristi na rhunmwuda mwa khian ne a fi ẹre unu, ọ keghi fannọ ima kua vbe obọ ifi unu ne ọ ke obọ nene Uhi rre. Zẹ vbene ebe kha re, “Ọmwaikọmwa ne a sirrọ ye uhunmwu erhan, khian ne a fi ẹre unu.”

Filipai 2:6

Egbe Osanobua ọre ọ gu ẹe ẹdẹ, sokpan rẹn ma kha wẹ ne irẹn ya ẹkiudu gu Osanobua gha mwa ẹrrẹe.

Hibru 13:20

Osanobua huẹn Nọyaẹnmwa Jesu Kristi kpao vbe idin nẹ, ọmwa ne ọ re Ọsuohuan Nọkhua ọghe avbe ohuan, rhunmwuda uwu ẹre ne a ya yi ile etẹbitẹ nii okhi.

I Pita 3:18

Rhunmwuda, Kristi tobọ ẹre wu ne uwa, ọ wu ye orukhọ, uhukpa ne emwa hia, ọmwa esi wu ne emwa dan, ne ọ miẹn ehe na viọ uwa gie Osanobua. A gbe ẹe ua vbe ekpa ọghe egbe, a keghi huẹn ọnrẹn kpaegbe vbe ekpa ọghe orhiọn.

I Pita 5:4

Ẹghẹ ne Ogiete iran ne avbe Ọsuohuan gha na ya egbe ladian, ẹde uyi ne ẹ i fafaa, gha sẹ uẹ obọ.

I Jọn 2:2

Rhunmwuda Kristi tobọ ẹre ọrọre ne a rhunmwuda ẹre ya orukhọ mwa bọ mwa, ẹ i vbe re orukhọ ọghomwa ọkpa, sokpan orukhọ emwa hia.

Arhie Maan 1:11

Ọ keghi kha wẹ, “Gbẹnnẹ emwi ne u miẹn ye otọ ne u rhie ebe ni gie avbe esọsi ihinrọn na: ni rre Ẹfisọs, Smaina, Pẹgamọm, Tiatira, Sadis, Filadẹlfia kevbe Laodisia.”

Arhie Maan 1:17

Ugbẹn vbe I ghi bẹghe ẹre, I keghi de gbe otọ vbe akharha ẹre, zẹ vbe orinmwi. Rẹn keghi rhie obọ erha ọmwa rẹn yan mwẹ, ọ wẹẹ, “Ghẹ gie ohan mu ẹn. Mẹ ọrọre okaro kevbe okiekie.

Arhie Maan 1:8

“Mẹ ọrọre Alfa kevbe Omega,” erriọ Nọyaẹnmwa Osanobua ne Oghodua kha re, ọmwa ne ọ rrọọ banbanna, ne ọ ka rrọọ dee yi, kevbe ne ọ khian vbe gha rrọọ ẹdẹ ne ọ dee.

Arhie Maan 13:8

Emwa ni rre agbọn hia gha ya uhunmwu rhanmwẹ otọ nẹẹn, ọnii nọ wẹ, avbe emwa hia ne a ma he gbẹnnẹ eni iran vbe agbọn te do suẹn, ye ebe emwa ni rrọọ, iran ni re ọghe Oteghe Ohuan ne a te gbe ua.

Arhie Maan 2:23

I gha vbe gbele ẹre emọ, ẹghẹ nii, avbe esọsi hia ghi do rẹn wẹ, mẹ ọrọre ọmwa ne ọ rẹn iro ne ọmwa zẹ vbe ekhọe ẹre kevbe emwi ne ọ hoo. I gha do hae ne edọmwadẹ ọghọe vbe uwu uwa zẹ vbe iwinna ne uwa winnaẹn.

Arhie Maan 21:6

Rẹn keghi kha wẹẹ, “A ru nẹ, Mẹ ọrọre Alfa kevbe Omega, omuhẹn kevbe ufomwẹ. Ọmwaikọmwa ne ohanmwẹ amẹ gbe I gha sa nẹẹn wọn ọghe ọhẹ vbe amẹ ne ọ ke uhunmwu ẹzẹ ẹfe ni rre.