Zẹkaraia 13:6 - Edo Bible (E Baibol Ẹdo) Version 1996

⁶ A deghẹ orhiọnkpa ghi vbe nọ ẹnrẹn wẹẹ, ‘De emwi ne avbe aro ọmaa ni rre ẹwẹe ruẹ ni khin vbọ yi.’ Rẹn ghi wanniẹn. ‘Owa ọse mwẹ ọkpa ọre I na miẹn ọẹn.’ ”

Zẹkaraia 13:6 ပူးပေါင်းရင်းမြစ်များ

I Ọba 18:28

Rhunmwuda ọnii, avbe akhasẹ nii keghi kakabọ gha tọn urhu mu na erhunmwu, iran na gha ya abẹe vbe agbada giagia egbe iran zẹ vbene iran ru ẹe, sẹrriọ ne esagiẹn ghi na gha tue ladian.

II Ọba 9:24

E Jehu na si uhanbọ ẹre, ọ na ya ẹtin ẹnrẹn guọn mwẹ ifẹnmwẹ, ọ na sa e Joram vbe iyeke, ọ na ya ha ẹre ẹkoko udu ladian. E Joram keghi de ye uwu ikẹkẹ okuo ẹre ọ na wu.

Psalm 22:16

Otu emwa dan ghae ga mwẹ zẹvbe oghẹn ekita, iran mama rhu mwẹ. Iran yanghan mwẹ obọ kevbe owẹ.

Zẹkaraia 13:7

E Nọyaẹnmwa ne Oghodua khare wẹẹ, “Umozo, rhiọrre, ne u dekun ọsuohuan ne ọ winna mẹ. Gbe ẹe rua, ne u gie avbe ohuan zagha kua, mẹ gha dekun avbe emwa mwẹ,

Iyẹn ne ọ Maan Ọghe Jọn 18:35

Pailet wanniẹn wẹẹ, “Te uwẹ wẹ Ju mẹ khin ra, avbe emwa ruẹn kevbe avbe igie ohẹn ọre ọ mu ẹn gun mwẹ, vbe u a ru?”

Arhie Maan 14:11

Ighogho erhẹn ne ọ rri iran oya ni kegha la ghe odukhunmwu ẹdẹ kevbe ẹdẹdẹmwẹdẹ, asọn kevbe avan, a i vbe rhie egbe rọkhọmwẹ ne iran, ighẹ iran ni ya uhunmwu rhanmwẹ otọ ne aranmwẹ oha nii, ke ẹe kevbe amazẹ ọre, kevbe iran ni rhan obọ miẹn ama ọghe eni ẹnrẹn.”