Zẹkaraia 12:7 - Edo Bible (E Baibol Ẹdo) Version 1996

⁷ “Mẹ ne Nọyaẹnmwa, ọ re ọ ra rhie akhọnmiotọ ne ivbiyokuo e Juda vbe okaro vbene a gha na miẹn wẹ uyi ne ọ gha rre ivbi e Devid kevbe ivbi e Jerusalẹm egbe i ra kpọlọ sẹẹ ne ọ gha rre egbe ivbi e Juda ni dekẹe.

Zẹkaraia 12:7 ပူးပေါင်းရင်းမြစ်များ

Job 19:5

Wa ro wẹ wa maa sẹ mwẹ, wa na kha wẹ, ọlọghọmwa ne I ye na rhie maa wẹ I gele rria abe.

Psalm 35:26

Iran ni gbe igiogio ye usẹ ne ẹse mwẹ, te obọ gha vba iran, ne iro han iran. Iran ni wẹ iran maa sẹ mwẹ, emwiekhue kevbe efaa, ọ re ọ gha gba iran egbe.

Psalm 38:16

Ghẹ gie avbe eghian ye igiogio gbe usẹ ne ọ sẹ mwẹ. Ghẹ gie iran ye udemwẹ mwẹ gha rhuọ.

Psalm 55:12

Akpawẹ oghian ọ re ọ ya mwẹ gbogiẹ, te I gha zin ẹnrẹn, akpawẹ ọmwa ne a gba suan ọ re ọ rhuọ gunmwẹ, te I gha rhie egbe mwẹ lẹre ne ẹẹn.

Aizaia 23:9

E Nọyaẹnmwa ne Oghodua ọ re ọ mwamwa ẹn. Te ọ mwamwa ẹn ne ọ miẹn ehe na dobọ uhiomwẹ ne iran hio ye emwi ne iran he ye obọ ru yi, kevbe ne ọ silo emwa iran ne a yọghọ na kẹ otọ.

Jerimaia 30:18

E Nọyaẹnmwa khare wẹẹ, “I gha viọ emwa mwẹ werriegbe rri otọ iran I gha vbe mwẹ itohan ghe dọmwadẹ ẹgbẹe, a gha dọlegbe họ Jerusalẹm, a ghi rhie ẹguae ẹre dọlegbe ye ihe.

Emọs 9:11

E Nọyaẹnmwa khare wẹẹ, “Ẹdẹ dee ne I gha dọlegbe rhie arriọba e Devid ne ọ yevbe itowa nian ye ihe. I gha dọlọ ekẹn ne a gbe lẹga ẹre yi, I ghi dọlegbe rhie ẹre ye ihe. I gha dọlegbe bọ ẹe, I ghi gie ẹe do gha ye vbene ọ ka ye de yi vbe ẹghẹ nii.

Zẹkaraia 11:11

Ẹdẹrriọ ọ re a soo nene ile gọ. Iran ni dele, kevbe ni vbe khiẹnnẹ nene ohuan kegha ghe mwẹ, iran keghi vbe rẹn wẹ, te Nọyaẹnmwa ye emwi ne I ru na gie uhunmwu gie emwa.

Zẹkaraia 4:6

Odibosa nii keghi tama mwẹ ne I ta uhunmwu ne Nọyaẹnmwa gie gie Zerubabẹl na ma rẹn wẹẹ, “U gha khọnmiotọ, sokpan, ẹ i re vbe ekpa ẹtin ivbiyokuo ra ẹtin ọghe obọ ruẹ sokpan, orhiọn mwẹ.

Iyẹn ne ọ Maan Ọghe Luk 10:21

Ẹghẹ ni ọre Jesu na vuọn ne oghọghọ vbekpa Orhiọn Ne ọ huanrẹn, ọ wẹẹ, “Evbavba Nọyan ẹrinmwi kevbe agbọn, I kpọnmwẹ ọn rhunmwuda, emwi ne u mu lẹre ne iran ni rẹn emwi, ọre u do mu ma iran ni ma rẹn emwi rhọkpa na. Ekhọe obọ ruẹ Ọre u ya ru ẹe vbe ne ọ yẹ ruẹ.

Ebe ne Pọl gbẹẹn gie emwa Rom 3:27

De emwi ne a ghi ra ya rhuọ vbe emwa na yi? Ẹ i rrọọ! Rhunmwuda vbe ọ khin yi? Rhunmwuda ighẹ ọmwa ru vbene nene Uhi kha re nọ ra? Ẹn o, sokpan rhunmwuda ighẹ ọ yayi.

Jems 2:5

Wa danmwehọ etẹn mwẹ ni ghan. Avbe ivbiogue ni rre agbọn na, ọre Osanobua zẹe wẹ, iran mwẹ iyayi ẹsẹse kevbe wẹ, iran ọ ra yan arriọba ne irẹn ve iran ni ho ẹmwẹ ọnrẹn re.

Jems 4:6

Sokpan, uhin ighẹ ẹsọhẹ ne Osanobua rhie ne ọmwa, ọre ọ wo vbe egbe sẹ. Rhunmwuda ebe khare wẹ, “Te Osanobua mu aro ne ọkhọ da iran ni tọn egbe mu, sokpan ọ ghi gha rhie ẹsọhẹ ne iran ni mu egbe rriotọ.”