Zẹkaraia 12:6 - Edo Bible (E Baibol Ẹdo) Version 1996

⁶ “Ọ gha sẹ ẹghẹ nii, I gha ru ẹe ne ẹwae ni rre Juda gha ye vbe erhẹn ne ọ rre otọe ẹgbo ra ni rre ugbo ọka ne ọ wo nẹ, iran gha fuẹn avbe ẹvbo ni lẹga iran an. Ivbi e Jerusalẹm ghi gha rrọ vbe ne ẹkun na sẹ iran otọ vbe ore ẹvbo.

Zẹkaraia 12:6 ပူးပေါင်းရင်းမြစ်များ

Aizaia 54:3

U gha vbẹẹ ehe ne otọe ruẹ lae vbe igienenẹ. Otọe nii gha dọlegbe sẹ emwa ruẹn obọ ighẹ ehe ne avbe emwa ọvbehe yinrin na. Avbe ore ẹvbo ne emwa na lẹkua nian gha khian ne emwa vuọn rẹn.

Aizaia 9:20

Vbe otọe nii hia, evbare ne emwa a rhirhi miẹn ọ re iran gha gua rhie, iran ghi vbe gha rri ọe sokpan, ẹko i vuọn iran. Uhin ighe te iran ra gha gbele ivbi iran re.

Jerimaia 30:18

E Nọyaẹnmwa khare wẹẹ, “I gha viọ emwa mwẹ werriegbe rri otọ iran I gha vbe mwẹ itohan ghe dọmwadẹ ẹgbẹe, a gha dọlegbe họ Jerusalẹm, a ghi rhie ẹguae ẹre dọlegbe ye ihe.

Obedaia 1:18

Ivbi e Jekọb kevbe Josẹf gha ye vbe erhẹn, iran gha fuẹn ivbi Isọ ua. Vbene erhẹn giẹn ebe ne ọ kakae, ọkpa ne ọ gha miẹn uhunmwu i rre ivbi Isọ. Mẹ ne Nọyaẹnmwa ọ re ọ taa ẹe.

Maika 4:13

E Nọyaẹnmwa khare wẹẹ, “Wa ne ivbi e Jerusalẹm, wa ya rri avbe eghian uwa oya. I gha ya uwa wegbe zẹ vbe ẹkhuia ne ọ mwẹ igho ematọn kevbe ibata owẹ oze. Wa gha dunmwu avbe okpẹvbo nibun sẹ otọ, avbe ẹfe ne iran ye ghe ẹe rua si koko, wa ghi viọ iran gunmwẹ, mẹ ne ọ re Nọyaẹnmwa ọghe otagbọn hia.”

Zẹkaraia 1:16

Rhunmwuda ọnii, mẹ dọlegbe gha die Jerusalẹm nian, ne I do rhie itohan mwẹ ma ẹvbo nii. A ghi rhie Ọgua Osa mwẹ ye ihe, a gha vbe dọlegbe gbe ekẹn ẹvbo nii.”

Zẹkaraia 11:1

Kie urho ye otọ, Lebanọn, ne u gie erhẹn do giẹn avbe erhan isida ruẹ hia sẹ otọ!

Zẹkaraia 12:5

Ẹghẹ nii, avbe ẹwae ni rre Juda gha tama egbe iran wẹẹ, ‘E Nọyaẹnmwa Osanobua ne Oghodua ọ re ọ rhie ẹtin ne emwa rẹn ni rre Jerusalẹm.’

Zẹkaraia 2:12

E Juda gha dọlegbe do gha re emwiobọ kpataki ọghe Nọyaẹnmwa vbe otọe ọre nọhuanrẹn, e Jerusalẹm gha do gha re okpẹvbo ne irẹn gha ho ẹmwẹ ọnrẹn sẹẹ ehia fẹẹrẹ.

Zẹkaraia 2:4

Ne okaro keghi tama nọkpa wẹẹ, “Rhie ulẹ ya tama ọvbokhan ọkpia ne ọ rhie emwi ne a ya mwa emwi mwẹ obọ nii wẹ emwa kevbe ẹmila gha bun sẹrriọ vbe Jerusalẹm wẹ ọ gha digba gbe ne a gbe ekẹn gaa.

Zẹkaraia 9:15

E Nọyaẹnmwa ne Oghodua gha degue emwa rẹn. Iran gha fuẹn eghian iran hia a. Iran gha davan vbe okuo zẹ vbe emwa ni wọn ohinrre. Iran gha gbe esagiẹn eghian iran ye otọ ọ ghi gha lẹ okpokpo zẹ vbe esagiẹn izọese ne a ke ọkpan rhurhẹ yan Ogiukpo.

II Kọrinti 6:7

Vbe ekpa ikpe orhu ẹmwata, vbe ekpa ẹtin Osanobua. Uyinmwẹ ẹmwata ọrọre emwi gbinna ne a ya gu emwa gbinna, kevbe ne a ya sinmwi egbe mwa.

Arhie Maan 20:9

Iran gha egbe gba otọ agbọn hia, iran ke ghae ga agọ emwa Osanobua kevbe ẹvbo ni ne irẹn ho ẹmwẹ ọnrẹn, sokpan, erhẹn ke ẹrinmwi rre, ọ na fuẹn iran uan.