Zẹkaraia 12:5 - Edo Bible (E Baibol Ẹdo) Version 1996

⁵ Ẹghẹ nii, avbe ẹwae ni rre Juda gha tama egbe iran wẹẹ, ‘E Nọyaẹnmwa Osanobua ne Oghodua ọ re ọ rhie ẹtin ne emwa rẹn ni rre Jerusalẹm.’

Zẹkaraia 12:5 ပူးပေါင်းရင်းမြစ်များ

Psalm 144:1

Wa rho e Nọyaẹnmwa, ne ọ degue mwẹ! Ọ ma mwẹ vbene a gbinna vbe okuo hẹ, ọ keghi vbe ma mwẹ emwi ye otọ khẹ okuo.

Psalm 18:32

Rẹn ọrọre Osanobua ne ọ ya mwẹ wegbe ne ọ viọ ẹbe hin urodẹ mwẹ rre.

Psalm 18:39

U rhie ẹtin mẹ ya khọn nene okuo kevbe akhọnmiotọ vbe uhunmwu eghian mwẹ.

Psalm 46:1

Osanobua ọrọre ugue kevbe ẹtin mwa, ọ mu egbe vbe ẹghẹ hia ne ọ ya ru iyobọ vbe ẹghẹ ukpokpo.

Aizaia 1:10

E Jerusalẹm te avbe iran ni khaemwisẹ yan ruẹn kevbe avbe emwa ruẹn yevbe ọghe Sọdom kevbe Gomorra. Danmwehọ ẹmwẹ ne Nọyaẹnmwa wa tama ruẹn nian. Rhie ehọ ye emwi ne Osanobua mwa ma ruẹn re na.

Aizaia 1:23

Etẹ ọ re avbe ọkaolotu ruẹ khin, kevbe avbe ọse avbe oyi, ẹghẹ hia ọ re iran ya miẹn emwa emwi ihaoko kevbe igho odieke. Iran i guan ne avbe ne ẹ i mwẹ erha vbe iko ẹzọ, erriọ iran i vbe zẹye avbe ẹgbẹ re vbe iran a do gui ma iran.

Aizaia 1:26

I gha viọ iran ni khaemwisẹ kevbe iran ni gu ọmwa zẹ iro ne uwa, vbene uwa te ka mwẹ ọnrẹn ẹghẹ nẹdẹ. Ẹghẹ nii, a ghi do gha tie Jerusalẹm, ẹvbo ne uyinmwẹ ọnrẹn gbae ke ne ọ ru emwi ẹmwata.”

Aizaia 28:5

Ẹdẹ dee ne Nọyaẹnmwa ne Oghodua gha na yevbe ẹde obobo uyi ne emwa rẹn ni miẹn uhunmwu vbọ.

Aizaia 28:6

Ọ gha ma iran emwi ne a ya ohiẹn ẹmwata kha ighẹ avbe iran ni bu ohiẹn, kevbe udinmwẹ ne iran ni waan ga onurho ẹvbo ne a ghẹ mu igbinna la uwu ẹre.

Aizaia 29:10

E Nọyaẹnmwa ru ẹe nẹ, ne uwa gha vbiẹhunde, te ovbe ghi ra gbele uwa kua na. Avbe akhasẹ ọ re ọ te kei ne ọ gha re aro emwa nii, sokpan, Osanobua rhu iran aro nẹ.

Aizaia 32:1

Ẹdẹ ọkpa, ọba ne ọ ye ekhọe esi khaemwisẹ kevbe avbe ọkaolotu ẹvbo ni ya uhunmwu ẹmwẹ ne a ta khaemwisẹ, gha do gha rrọọ.

Aizaia 45:24

“Iran gha kha wẹẹ, obọ mwẹ ọkpa ọ re a na miẹn akhọnmiotọ kevbe ẹtin sokpan, emwa hia ni khuiwu mwẹ, efa gha rruan iran.

Aizaia 60:17

“I gha viọ igoru guẹ ye ihe oze esiliva kevbe oze, ye ihe ematọn vbe erhan kevbe ematọn ye ihe okuta. Iran ni khaemwisẹ yan ruẹn i ghi ra wọ ruẹ uhunmwu ọvbehe, I gha ru ẹe ne iran ya ẹmwata kevbe ọfumwegbe gha khaemwisẹ.

Jerimaia 30:21

Ẹvbo iran ọ re ogie iran gha ke rre ovbiọba iran ghi gha re okpa vbe uwu iran I gha tie ẹre, ọ ghi bu mwẹ gha dee rhunmwuda, de ọmwa ne ohan gha giee rre vbe a ma tie ẹre? Iran ghi gha re emwa mwẹ, mẹ ghi gha re Osanobua iran. Mẹ ne Nọyaẹnmwa tae nẹ.”

Jerimaia 33:26

Zẹ vbene I wa vbe ru ena gbangbaangban, erriọ I ra ye obọ mu ile ne I gu ivbi uniẹn e Devid taa. I gha zẹ ovbi uniẹn e Devid ọkpa, ne ọ gha khaemwisẹ yan ivbi uniẹn Ebraham, Aizik kevbe Jekọb. I gha tohan emwa mwẹ, I ghi vbe ru ẹe ne agbọn dọlegbe maa iran.”

Joẹl 3:16

E Nọyaẹnmwa davan ke Oke Zaiọn rre, urhu ẹre wa vannọ ke Jerusalẹm rre, iso keghi mu rueghe. sokpan, rẹn gha gbinna ne emwa rẹn.

Zẹkaraia 10:12

I gha ru ẹe ne emwa mwẹ wegbe, iran gha ga mwẹ, iran gha họn ẹmwẹ mẹ.” E Nọyaẹnmwa guan nẹ.

Zẹkaraia 10:6

“I gha ru ẹe ne ivbi e Juda wegbe; I gha fannọ ivbi Izrẹl vbe irri, I gha tohan iran, I ghi viọ ehia werriegbe rri owa. Iran ghi do yevbe emwa ne I ma he ka he fua ẹdẹ. Mẹ ọrọre Nọyaẹnmwa ne Osanobua iran, I gha họn erhunmwu iran.

Zẹkaraia 12:4

Ọ gha sẹ ẹghẹ nii, I gha runran avbe ẹsin iran, I ghi fi emwẹmwẹ ku iran ni hin ẹnrẹn uhunmwu. I gha tobọ mwẹ gha gbearoghe ivbi e Juda, sokpan, I gha rhu avbe ẹsin eghian iran aro.

Zẹkaraia 12:6

“Ọ gha sẹ ẹghẹ nii, I gha ru ẹe ne ẹwae ni rre Juda gha ye vbe erhẹn ne ọ rre otọe ẹgbo ra ni rre ugbo ọka ne ọ wo nẹ, iran gha fuẹn avbe ẹvbo ni lẹga iran an. Ivbi e Jerusalẹm ghi gha rrọ vbe ne ẹkun na sẹ iran otọ vbe ore ẹvbo.

Zẹkaraia 14:14

Ivbi e Juda gha gbinna ne a tan obọ gue Jerusalẹm. Iran gha fu emwi avbe uhunmwu ẹvbo hia viọ, zẹ vbe emwi ne a miẹn viọ vbe okuo igoru, esiliva kevbe ukpọn nibun ẹsẹse.

Giọgis 5:9

Ekhọe mwẹ rrọ deba iran ni kha yan okuo Izrẹl deba iran ni tobọ iran gha khian wa rho e Nọyaẹnmwa!