Zẹkaraia 12:4 - Edo Bible (E Baibol Ẹdo) Version 1996

⁴ Ọ gha sẹ ẹghẹ nii, I gha runran avbe ẹsin iran, I ghi fi emwẹmwẹ ku iran ni hin ẹnrẹn uhunmwu. I gha tobọ mwẹ gha gbearoghe ivbi e Juda, sokpan, I gha rhu avbe ẹsin eghian iran aro.

Zẹkaraia 12:4 ပူးပေါင်းရင်းမြစ်များ

I Ọba 8:29

Gie aro ruẹ gha ghe Ọgua Osa na asọn kevbe avan, emwana ne u wẹ zẹe wẹ ne a gha ga a vbọ. Họn ọghomwẹ, vbene I na erhunmwu vbe uwu Ọgua Osa na.

II Ọba 6:14

rẹn keghi gie ivbi iyokuo ni bun gha khian ke iran kevbe ikẹkẹ okuo kevbe ẹsin. Iran ghi sẹ ẹvbo nii vbe asọn, iran na ghae ga ẹre.

II Ọba 6:18

Ivbi e Siria ghi suẹn igbinna, Elaisia keghi na erhunmwu wẹẹ, “E Nọyaẹnmwa, gie aro iran na rhu?” E Nọyaẹnmwa keghi họn erhunmwu ẹnrẹn, ọ na rhu iran aro.

II Krọnikol 6:20

Gha gbe aro ghe Ọgua Osa na asọn kevbe avan. U yan mẹ wẹ emwa na ọ re a gha na gha ga a rhunmwuda ọnii, I gha mu aro da Ọgua Osa na gha na erhunmwu, u ghi họn ọghomwẹ.

II Krọnikol 6:40

“Banbanna nian, Osanobua mwẹ, tọn aro mu ghe ima ne u gha họn erhunmwu ne a na vbe emwa na.

II Krọnikol 7:15

I ghi gbe aro ghe Ọgua Osa na, I ghi vbe mu egbe ne I ya họn erhunmwu ne iran na vbe emwa,

Nehimaia 1:6

Ghe mwẹ Nọyaẹnmwa ne u họn erhunmwu mwẹ ne I na ne ivbi Izrẹl asọn kevbe avan. I miẹnkue wẹ ma ne ivbi Izrẹl ru orukhọ. Mẹ kevbe avbe erha mwẹ odede ru orukhọ.

Aizaia 24:21

Ẹdẹ dee ne Nọyaẹnmwa gha rri avbe ẹtin ni rre odukhunmwu oya deba avbe iran nikhaemwisẹ vbe agbọn.

Aizaia 37:17

Banbanna nian, e Nọyaẹnmwa, danmwehọ mwa ne u vbe ghe emwi ne ima miẹn. Danmwehọ avbe ẹmwẹ ne Senakẹrib ta ne ọ ya kpa unu ghe ruẹ, wẹ ne Osanobua ne ọ rrọọ.

Jerimaia 24:6

I gha gbearoghe iran, I ghi vbe viọ iran werriegbe gha die otọe na. I gha mu iran kpaegbe, I i ra vbe siẹn iran kua. I gha gbọ iran, I i ra vbe silo iran vbọlọ.

Ezikiẹl 38:4

I gha sua ẹre yo sua ẹre rre, I ghi rhie ẹghọ ye ọ re agbanmwẹ, I ghi kpolo irẹn vbe ivbiyokuo ẹre gha rrie. Ivbiyokuo mu asa mwẹ obọ, iran vbe mwẹ umozo.

Ezikiẹl 39:20

Vbe eteburu mwẹ, iran gha rri efun ẹsin zẹ vbene ẹko iran gha gua sẹ, kẹe kevbe iran ni hin iran kevbe ọghe avbe ivbiyokuo, kevbe emwa ni gbinna. Mẹ ne Nọyaẹnmwa ne Udazi ọ re ọ ta ẹe.”

Daniẹl 9:18

Họn ọghomwa Osanobua, tọn aro mu ghe mwa, ne u miẹn usẹ ne ọ sẹ mwa, kevbe oya ne a re vbe ẹvbo ne a tie ginna eni ruẹn. Ma na erhunmwu ghe ruẹ rhunmwuda ọmwa itohan ọ re uwẹ khin ighe ẹ i re rhunmwuda ighe ma yin ẹse.

Zẹkaraia 10:5

Ivbi e Juda gha khọnmiotọ zẹ vbe ivbiyokuo ni ya owẹ gbele avbe eghian iran ye uwu ekhuọrhọ vbe adesẹ ore. Iran gha gbinna, rhunmwuda, e Nọyaẹnmwa rrọọ yaba iran, obọ iran gha vbe ke okhunmwu ne ẹsin avbe eghian.

Zẹkaraia 12:11

Ọ gha sẹ ẹghẹ ne a kha na, akhiẹ ne ọ gha rre Jerusalẹm gha vba akhiẹ ne emwa khiẹ ne Hadadrimon vbe otọe Mẹgido.

Zẹkaraia 12:3

Sokpan, ọ gha sẹ ẹghẹ ne a kha na, I gha ye Jerusalẹm khian emwi ne ọ ye vbe okuta ne ọ khua. Ẹvboikẹvbo ne ọ wẹ rẹn ra tọn ẹn mu gha miẹn ikuangbe. Avbe uhunmwu ẹvbo hia ni rre agbọn gha ku obọ gbe ne iran gu ẹe gbinna.

Zẹkaraia 12:5

Ẹghẹ nii, avbe ẹwae ni rre Juda gha tama egbe iran wẹẹ, ‘E Nọyaẹnmwa Osanobua ne Oghodua ọ re ọ rhie ẹtin ne emwa rẹn ni rre Jerusalẹm.’

Zẹkaraia 12:6

“Ọ gha sẹ ẹghẹ nii, I gha ru ẹe ne ẹwae ni rre Juda gha ye vbe erhẹn ne ọ rre otọe ẹgbo ra ni rre ugbo ọka ne ọ wo nẹ, iran gha fuẹn avbe ẹvbo ni lẹga iran an. Ivbi e Jerusalẹm ghi gha rrọ vbe ne ẹkun na sẹ iran otọ vbe ore ẹvbo.

Zẹkaraia 14:15

Emianmwẹ dan gha vbe dekun avbe ẹsin, avbe ẹsin amwẹ, avbe kamẹl kevbe ekẹtẹkẹtẹ, kevbe emwirri hia ni rre agọ avbe eghian.

Zẹkaraia 9:8

I gha tobọ mwẹ gha gbe aro ghe ẹvbo mwẹ, I i ghi ra vbe gie ivbiyokuo gha la ẹe gberra. I i ghi ra kue ne emwa dan gha wọ emwa mwẹ uhunmwu ọvbehe. I miẹn vbene emwa mwẹ he rri oya sẹhẹ.”

Iwinna 17:30

Osanobua ma ghi zẹ ye ẹmwẹ ẹghẹ ne emwa ne agbọn ma na rẹn nii, sokpan ẹghẹ na nian, ọ yi ẹre iyi ne emwa hia ni rre ehe hia wẹ ne iran lahin odẹ dan iran rre.

Diuteronomi 28:28

E Nọyaẹnmwa gha fi uwa ẹrherhe werriẹ, ọ ghi mu aro ne ọ rhu kevbe olighi fi uwa egbe.