Zẹkaraia 12:2 - Edo Bible (E Baibol Ẹdo) Version 1996

² “I gha ye Jerusalẹm khian vbene ukpu ayọn ye, avbe ẹvbo ni lẹga ẹre gha da ẹe, iran ghi gha ye owẹ fi otọe dọn zẹ vbe ọdayọn. Iran gha mu okuo la e Jerusalẹm, iran gha vbe mu okuo la avbe okpẹvbo nekpa ni rre Juda.

Zẹkaraia 12:2 ပူးပေါင်းရင်းမြစ်များ

Psalm 75:8

E Nọyaẹnmwa mu ukpu ọkpa mwẹ obọ ọ vuọn ne ayọn nọ wegbe ọghe izohu ẹre, ọ sa ẹe ladian avbe emwa dan keghi dae, iran dae ya sẹ ototọ ukpu fẹẹrẹ.

Aizaia 51:17

E Jerusalẹm, rhiọrre vbe ovbe! Huẹn egbe ruẹ ne u kpaegbe! U wọọn ukpu irrioya nẹ ne Nọyaẹnmwa mu nuẹn wọn vbe ohu mu irẹn u sii ẹe wọn kan otọ ukpu, u na ghi gha kpigogo.

Jerimaia 25:15

E Nọyaẹnmwa ne Osanobua Izrẹl keghi tama mwẹ wẹẹ, “Ghe ukpu ayọn ne ọ vuọn ne ohu mwẹ vbe emwa na, mu ẹẹn bu avbe uhunmwu ẹvbo ne I giọ bu hia gha khian, ne u ya ne iran da vbọ.

Jerimaia 25:17

Rhunmwuda ọnii, I keghi mu ukpu nii vbe obọ e Nọyaẹnmwa, I keghi mu ẹẹn ne avbe ẹvbo nii ne Nọyaẹnmwa he gie mwẹ, bu hia, I na ya ne iran da vbọ.

Jerimaia 49:12

“Adeghẹ te a ghi miẹn wẹ avbe emwa ni ma te kei ne iran rrioya, vbe danmwẹ vbe uwu ukpu irrioya ni, te uwẹ ghi ro i ghe irrioya nii gha la uwẹ ban? Hiehiere, te uwẹ gha vbe wọn vbe uwu ukpu nii!

Jerimaia 51:57

I gha ye ayọn ne avbe enikhaemwisẹ iran da, ne ọ gha gbe iran, avbe umẹwaẹn, ọkaolotu, kevbe ivbiyokuo. Iran gha ya lovbiẹ, sokpan iran i ghi rhiọrre. Mẹ ne ọba taa ẹe nẹ. Mẹ ọrọre Nọyaẹnmwa ne Oghodua.

Jerimaia 51:7

“Te Babilọn te ye vbe ukpu igoru vbe obọ mwẹ, ọ kegha ya ayọn ne otọ agbọn hia da ne ọ gha gbe iran. Avbe uhunmwu ẹvbo da ayọn rẹn, ẹrherhe iran keghi kulo.

Jerimaia 8:14

Emwa Osanobua keghi nọ wẹẹ, “Vbọzẹ ne ima na tota hẹkpẹẹ yi? Wa larre, wa gie ima lẹ gha rrie avbe ẹvbo ne a gbe odin gaa nii, ne ima ya wulo vbe odọ. Osanobua bu ohiẹn uwu gbe ima nẹ, ọ mu eruan ne ima wọn ne, rhunmwuda ne ima na ru orukhọ ghe ẹre.

Habakọk 2:16

Erriọ ọ re a gha vbe ya ekhue yọ uwẹ ẹwu ye ihe uyi ne a gha te rhie ne uẹn, wẹ tobọ ruẹ gha da ayọn, u ghi gha ya owẹ fi otọe dọn khian. E Nọyaẹnmwa gha mu ukpu irri oya ọwuẹ ne uẹn wọn, a gha fi uyi ruẹ werriẹ ghe efaa.

Zẹkaraia 14:14

Ivbi e Juda gha gbinna ne a tan obọ gue Jerusalẹm. Iran gha fu emwi avbe uhunmwu ẹvbo hia viọ, zẹ vbe emwi ne a miẹn viọ vbe okuo igoru, esiliva kevbe ukpọn nibun ẹsẹse.

Zẹkaraia 14:2

E Nọyaẹnmwa gha si avbe uhunmwu ẹvbo hia kugbe ne iran do gu e Jerusalẹm gbinna. A gha khọn mu ẹvbo nii, a gha fu emwi ni rre owa vbọ viọ. A gha mu avbe ikhuo ni rrọ yagha. A gha wa ẹvbo nii ye ihe eva, obọkpa vbọ gha yo iwe, sokpan, a i ra viọ iran ni ghi dekẹe hin ore ẹvbo rre.

Arhie Maan 14:10

Rẹn tobọ ẹre gha vbe wọn vbe uwu ayọn Osanobua, ayọn izohu ẹre ne ọ wa yan hihiẹ ye ukpu izohu ẹre. Iran hia ni ru ọnii, a gha rri iran oya vbe uwu erhẹn kevbe ugbofi vbe odaro avbe odibosa ni huanrẹn kevbe Oteghe Ohuan.

Arhie Maan 16:19

A keghi wa ẹvbo nọkhua nii ye ihe eha, okpẹvbo ni rre uhunmwu ẹvbo otọ agbọn hia keghi fuẹn uan. Osanobua keghi ye Babilọn rre, ọ keghi ya nẹẹn da vbe ayọn ne ọ rre ukpu ẹre, ayọn ọghe izohu ọhanabe ẹre nii.

Arhie Maan 18:6

Vbene irẹn ru uwa, erriọ zẹ wa vbe ru ẹe. Emwi ne ọ ru, wa ru ẹre ha osa ukhukhu eva. Wa sa ayọn ne ọ ye ukhukhu eva wegbe sẹ ọghọe vuọn ukpu ẹre egbe ayọn ne irẹn mu khẹ uwa.