Zẹkaraia 12:12 - Edo Bible (E Baibol Ẹdo) Version 1996

^12-14 Dọmwadẹ ẹgbẹe ni rre otọe nii ọ re ọ ra ru akhiẹ obọ ẹre, ivbi uniẹn e Devid, ivbi uniẹn e Natan, ivbi uniẹn Livai, ivbi uniẹn Simẹi, kevbe avbe ẹgbẹe ghi gha khiẹ vbe obọkpa, ikhuo ni rrọ ghi vbe gha khiẹ ọghe obọ iran vbe obọkpa.”

Zẹkaraia 12:12 ပူးပေါင်းရင်းမြစ်များ

II Samuẹl 12:1

E Nọyaẹnmwa keghi gie Natan ne akhasẹ gie Devid. E Natan keghi bu ẹre gha khian, ọ tama rẹn wẹẹ, “Ikpia eva keghi gha rre ẹvbo ọkpa, ọkpa vbọ fe, sokpan, nọkpa kegha re ovbiogue.

II Samuẹl 5:14

Emọ ne ọ biẹlẹe vbe Jerusalẹm kegha re Siamua, Siobab, Natan, e Solomọn,

Ẹksọdọs 12:30

Vbe asọn nii ọba Igipt ke ẹe kevbe ekhaẹmwẹ ọnrẹn kevbe ivbi Igipt hia keghi gua kpao vbe asọn nii, eve keghi gba ehe hia vbe Igipt, rhunmwuda a ma miẹn owa ọkpa ne ọmọ okpia ma na wu.

Jerimaia 13:18

E Nọyaẹnmwa keghi tama mwẹ wẹẹ, “Tama ọba ke ẹe kevbe iye ẹe wẹ ne iran tuorre vbe ẹkete gha die otọ rhunmwuda, ẹde iran ne mose mose dele hin iran uhunmwu rre nẹ.

Jerimaia 3:21

A họn owogho eso vbe uhunmwu oke: Ivbi Izrẹl ọ re ọ tulo, ne ọ vbe rinmwian rhunmwuda iran ru orukhọ, iran keghi vbe mianmian e Nọyaẹnmwa ne Osanobua iran.

Jerimaia 31:18

“I họn vbe ivbi Izrẹl ye akhiẹ tae wẹẹ, ‘E Nọyaẹnmwa, te ima te yevbe aranmwẹ ne a ma rri sokpan, wẹ keghi ma iran re ne a gha họn ẹmwẹ. Viọ ima werriegbe rre, ma mu egbe ne a ya bu ruẹ gha dee, e Nọyaẹnmwa ne Osanobua mwa.

Jerimaia 4:28

Otọ agbọn gha khiẹ, iso gha so ebiebi, erriọ Nọyaẹnmwa khare, ẹ i ra fi ẹe werriẹ. Ọ ta emwi ne irẹn ra ru ne, ẹ i ghi vbe kie werriegbe vbọ.

Joẹl 2:16

Mu iran egbe ye otọ khẹ iko nọhuanrẹn viọ avbe ọmaẹn rre, si avbe ibiẹka koko, kevbe emobọ negiẹrẹ, ya sẹ egbe ọdọ vbe amwẹ ni da rọnmwẹ egbe, wẹ ne iran kpa vbe owa rre ne iran gha dee.

Zẹkaraia 12:11

Ọ gha sẹ ẹghẹ ne a kha na, akhiẹ ne ọ gha rre Jerusalẹm gha vba akhiẹ ne emwa khiẹ ne Hadadrimon vbe otọe Mẹgido.

Zẹkaraia 7:3

kevbe ne iran vbe nọ avbe ohẹn kevbe akhasẹ ọta na wẹẹ, “Te ọ kere ne ima ye gha khiẹ ye ẹmwẹ Ọgua Osa ne a guọghọ ua vbe ekpa ne ima gha na gha yo aguẹ vbe uki ne ogisẹn vbene ima ka ru ẹe ke ukpo nibun ni gberra gha dee?”

Matiu 24:30

Ẹkpo ni ọre ama urremwẹ Ovbi Ọmwa gha na rhiegbe ma, vbe aro iso. Ẹghẹ ni, unu ne a zẹ hia ni rre otọ agbọn na, ghi gbe eve ua vbe iran a bẹghe vbe Ovbi Ọmwa a ya egbe ladian vbe odukhunmwu okuku ne ọ rre aro iso, ke irẹn kevbe ẹtin kevbe Uyi nọkhua.

Iyẹn ne ọ Maan Ọghe Luk 3:31

Ne ovbi e Melia, ne ovbi e Mena, ne ovbi e Matata, ne ovbi e Natan, ne ovbi e Devid.

I Kọrinti 7:5

Wa ghẹ gha ya emwi hin egbe unu, sokpan a ma wẹ wa gba ta ẹe nẹ wẹ ne uwa ru vberriọ la omwa ẹghẹ eso, ne uwa miẹn ehe na na erhunmwu, sokpan wa ghi vbe dọlegbe suẹn gha ru emwi ọdọ vbe amwẹ, ne a ghẹ gie ne ẹ i sẹtin ziengbe ya de ye edanmwẹ e Setan.

Arhie Maan 1:7

Ghe, ọ dee ke irẹn kevbe ikpakpaiso, emwa hia gha miẹn ọẹn erriọ vbe nọ ne iran ni ye asoro so ẹe. Emwa ni rre otọe agbọn hia gha khiẹ rhunmwuda ẹre. Erriọ ọ gha ye, Isẹ.