Zẹkaraia 12:11 - Edo Bible (E Baibol Ẹdo) Version 1996

¹¹ Ọ gha sẹ ẹghẹ ne a kha na, akhiẹ ne ọ gha rre Jerusalẹm gha vba akhiẹ ne emwa khiẹ ne Hadadrimon vbe otọe Mẹgido.

Zẹkaraia 12:11 ပူးပေါင်းရင်းမြစ်များ

II Ọba 23:29

Ẹghẹ ne Josaia na gha re ọba, e Nẹko ne ọba Igipt keghi viọ ivbi iyokuo gha rrie Yufretes ne ọ ya ru iyobọ ne ọba nọkhua ọghe Asiria. E Josaia ne ọba keghi hia ne ọ degbe ivbi iyokuo Igipt odẹ vbe Mẹgido. Iran keghi gbe ẹe rua vbe okuo.

II Krọnikol 35:22

Sokpan, e Josaia wa mu egbe nẹ ne ọ ya gbinna, ọ ma danmwehọ ẹmwẹ ne Osanobua gha la unu e Nẹko, tama rẹn, rhunmwuda ọnii, ọ keghi mu egbe ọmwa kẹkan, ọ na gha rrie otọe ne ọ rri ẹe vbe Mẹgido ne ọ ya gbinna.

II Krọnikol 35:24

Iran keghi tọn ẹn mu hin uwu ikẹkẹ okuọ ọghọe rre, iran na mu ẹẹn ye ikẹkẹ okuọ ọvbehe ne ọ rre evba, iran na mu ẹẹn gha rrie Jerusalẹm. Evba ọ re ọ ghi na wu, a na re ẹre ye idin avbe ọba. Ivbi e Juda kevbe Jerusalẹm hia keghi khiẹ uwu ẹre.

Zẹkaraia 12:12

Dọmwadẹ ẹgbẹe ni rre otọe nii ọ re ọ ra ru akhiẹ obọ ẹre, ivbi uniẹn e Devid, ivbi uniẹn e Natan, ivbi uniẹn Livai, ivbi uniẹn Simẹi, kevbe avbe ẹgbẹe ghi gha khiẹ vbe obọkpa, ikhuo ni rrọ ghi vbe gha khiẹ ọghe obọ iran vbe obọkpa.”

Matiu 24:30

Ẹkpo ni ọre ama urremwẹ Ovbi Ọmwa gha na rhiegbe ma, vbe aro iso. Ẹghẹ ni, unu ne a zẹ hia ni rre otọ agbọn na, ghi gbe eve ua vbe iran a bẹghe vbe Ovbi Ọmwa a ya egbe ladian vbe odukhunmwu okuku ne ọ rre aro iso, ke irẹn kevbe ẹtin kevbe Uyi nọkhua.

Arhie Maan 1:7

Ghe, ọ dee ke irẹn kevbe ikpakpaiso, emwa hia gha miẹn ọẹn erriọ vbe nọ ne iran ni ye asoro so ẹe. Emwa ni rre otọe agbọn hia gha khiẹ rhunmwuda ẹre. Erriọ ọ gha ye, Isẹ.

Arhie Maan 16:16

Avbe orhiọn keghi do silo avbe ọba nii hia koko ye ihe ọkpa ne emwa Hibru tie ẹre Amagẹdọn.