Zẹkaraia 11:9 - Edo Bible (E Baibol Ẹdo) Version 1996

⁹ Vbe iyeke ọnii, I keghi tama oghẹn ohuan nii wẹẹ, “Mẹ i ghi ra gha re ọsuohuan uwa ọvbehe. Gie ni gha wulo vbọ wulo. Ne iran ra fuan vbọ gie iran fuẹn iran uan. Iran ni ghi dekẹe gha gbele egbe iran an.”

Zẹkaraia 11:9 ပူးပေါင်းရင်းမြစ်များ

Jerimaia 19:9

Avbe eghian gha lẹga ẹvbo nii, iran ghi gha ho ne iran gbele emwa ni rrọọ. Okuo ne ọ gha ga ẹre gha mu ohan sẹrriọ wẹ emwa ni rre uwu ẹre ghi gha gbele egbe iran re, uhin ighe iran gha vbe gha gbele ivbi iran re.”

Jerimaia 23:33

E Nọyaẹnmwa keghi tama mwẹ wẹẹ, “E Jerimaia, a deghẹ ọkpa vbe uwu avbe emwa ra akhasẹ, ra ohẹn nọ ruẹn wẹẹ, ‘Vbe Nọyaẹnmwa kha hẹ?’ U ghi tama rẹn wẹẹ, ‘Ihẹ ọ re uwa khin ne Nọyaẹnmwa, ọ gha mu uwa fua wan.’

Jerimaia 23:39

I gha gua iran rhie, I ghi filo iran ku ehe ne ọ rrei mẹ ẹsẹse ke iran kevbe ẹvbo nii ne I mu ne avbe erha iran odede.

Jerimaia 43:11

E Nebukiadneza gha rre do khọn Igipt. Iran ne a kha re ighe emianmwẹ ọ ra gbele iran, emianmwẹ gha gbele iran, iran ne a wẹ te a ra munọ iran oghunmwu gha rrie, a gha munọ iran oghunmwu gha rrie, iran ne a khare ighe te a ra gbele iran vbe okuo, a gha gbele iran vbe okuo.

Ezikiẹl 5:10

Rhunmwuda emwi na, evbibiẹ emọ gha gbele ivbi iran re vbe Jerusalẹm, emọ ghi vbe gha rri evbibiẹlẹ iran. I gha rri uwa oya, iran ni ghi vbe kẹe vbọ, ni ghi rre agbọn, I gha zagha iran gba ehe hia.

Hozia 4:6

Ọghe avbe emwa mwẹ fo nẹ, rhunmwuda, iran ma tie mwẹ ọghe iran. Wa ne avbe ohẹn ma tie mwẹ ọghe uwa, wa keghi he iruẹmwi mwẹ yotọ, rhunmwuda ọnii, mẹ vbe he uwa, mẹ i ghi ra vbe tie ivbi uwa ohẹn mwẹ.

Zẹkaraia 13:8

a gha wa ẹvbo nii ye ihe eha, obọ eva vbọ gha wulo vbọ vbe uwu emwa ni rrọọ.

Matiu 15:14

Ghẹ zẹ ye iran re. Arọndẹ ni rhu aro iran khin. Arhuaro gha rhie arhuaro la odẹ uye iran eva ra kharha yi.”

Matiu 21:19

Rẹn keghi bẹghe erhan ohọ ọkpa vbe ọkpẹn odẹ. Sokpan ọ ma miẹn emwi rhọkpa vbe uhunmwu ẹnrẹn gberra ebe. Rhunmwuda ọnii Jesu tama erhan ohọ nii wẹẹ, “U i ghi dọlegbe mọ ọvbehe.” Erhan ohọ ni keghi kaka ọwarọkpa nii.

Matiu 21:43

Jesu keghi gbẹe wanniẹn wẹẹ, “Ne I tama uwa, a gha miẹn uwa Arriọba Osanobua, a ghi rhie ne emwa ọvbehe ni gha sẹtin mọ ọmọ ladian vbe ne ọ kei yi. [

Iyẹn ne ọ Maan Ọghe Jọn 12:35

Jesu tama iran wẹẹ, “Uwanmwẹ gha ye gu uwa mudia kpẹe kherhe. Wa yin uyinmwẹ ẹdẹ agbọn uwa vbene uwa na mwẹ uwanmwẹ, ne ebiebi ighe do hẹ rhu uwa rhunmwuda, ọmwa ne ọ khian vbe ebiebi ma rẹn ehe ne ọ rrie.

Iyẹn ne ọ Maan Ọghe Jọn 8:21

Jesu dọlegbe tama iran wẹẹ, “Mẹ gha kpao, wa gha vbe gualọ mwẹ sokpan wa gha wulo ye uwu orukhọ uwa. Wa i sẹtin yo ehe ne imẹ rrie.”

Iyẹn ne ọ Maan Ọghe Jọn 8:24

Ọnii ọ zẹẹ ne I na khama uwa wẹ, uwu orukhọ uwa wa ra wulo yi deghẹ wa ma yayi wẹ ‘Mẹ ọrọre imẹ.’ ”

Arhie Maan 22:11

Ọmwa ne ọ re ọmwa dan, we ẹre wa gha ru ọmwa dan khian, ne ọ re agbiruẹn, we ne ọ wa gha re agbiruẹn khian, ọmwa ne ọ re ọmwa esi, we ne ọ wa gha ru emwi esi khian, ọmwa ne ọ re ne ọ huanrẹn, wẹ ne ọ wa vbe gha re ne ọ huanrẹn khian.”