Zẹkaraia 11:8 - Edo Bible (E Baibol Ẹdo) Version 1996

⁸ Egbe avbe ọsuohuan eha ọvbehe ni khuiwu mwẹ keghi wọ mwẹ rhunmwuda ọnii, I na ru iran eheha emwi vbe uki ọkpa kẹkan.

Zẹkaraia 11:8 ပူးပေါင်းရင်းမြစ်များ

I Ọba 11:25

Rẹn keghi vbe gha re oghian Izrẹl vbe ẹghẹ ne Solomọn na gha rre agbọn.

Psalm 106:40

Rhunmwuda ọnii Osanobua mu ohu ghe emwa irẹn, ẹmwẹ iran keghi khan irẹn.

Psalm 5:5

Wẹ i ho ne u bẹghe emwa itengbemu, wẹ khọ ẹko emwa dan hia.

Psalm 78:9

Ivbi Ifreim, ni viọ uhanbọ kevbe ifẹnmwẹ keghi lẹ kua vbe ẹdẹ ne a khọn okuo.

Aizaia 49:7

Osanobua nọhuanrẹn kevbe ọmiọnmwafan Izrẹl khama rẹn ighe ọmwa nii ne a kakabọ zan an ne avbe uhunmwu ẹvbo hia khuiwu ẹre, ne ọ vbe re ọguọmwadia iran ni khaemwisẹ wẹẹ, “Avbe ọba gha miẹn vbe a gha fan an yotọ, iran ghi kpa uhe ya yọghọ ne uẹn, avbe ivbi ọba debare gha vbe miẹn ọẹn, iran ghi ghughẹrre ẹsẹse ya yọghọ ne uẹn.” Ọ na gha sunu rhunmwuda, e Nọyaẹnmwa zẹẹ ọguọmwadia ẹre nẹ Osanobua nọhuanrẹn ọghe Izrẹl vbe mu eyan rẹn sẹ.

Jerimaia 12:8

Emwa mwẹ ne I hannọ zẹ mu aro igbinna da mwẹ nẹ, iran gha vannọ okan yan mwẹ zẹ vbe oduma vbe uwu oha, rhunmwuda ọnii, ohu iran mu mwẹ.

Jerimaia 14:21

Ye eyan ruẹn rre, ne u ghẹ zan mwa, ghẹ gie efa rruan e Jerusalẹm, ehe ne ẹkete ruẹ ne ọ mwẹ uyi ye. Ghẹ mu ile ne u gu ima ta fua.

Jerimaia 6:30

Ikpakpa erhan ne ẹ i mwẹ vbe ọ gia ya ru ọ re iran khin rhunmwuda, mẹ ne Nọyaẹnmwa he iran yotọ nẹ.”

Ezikiẹl 14:5

Avbe ẹbọ nii ni ye ivbi Izrẹl fi iyeke gbe mwẹ, sokpan, I yayi wẹ ewanniẹn ne I gha rhie ne iran gha ya iran dọlegbe bu mwẹ rre.

Ezikiẹl 16:45

Vbe ẹmwata, iye uẹ ọ re ọ gele biẹ ọ. Te ẹmwẹ ọdọ ẹre kevbe avbe ivbi ẹre wa gha sọnnọ ẹẹn. Te uwẹ wa vbe yevbe avbe ivbiye uẹ, ovbi e Hiti ọ re iye uwa gha khin, ovbi Amọri ọ re erha uwa gha khin.

Hozia 4:6

Ọghe avbe emwa mwẹ fo nẹ, rhunmwuda, iran ma tie mwẹ ọghe iran. Wa ne avbe ohẹn ma tie mwẹ ọghe uwa, wa keghi he iruẹmwi mwẹ yotọ, rhunmwuda ọnii, mẹ vbe he uwa, mẹ i ghi ra vbe tie ivbi uwa ohẹn mwẹ.

Hozia 5:7

Iran ma guobọ e Nọyaẹnmwa. Ivbi iran i re ọghe ọe. Rhunmwuda ọnii nian, a gha fuẹn iran kevbe otọe iran an ban.

Hozia 9:15

E Nọyaẹnmwa khare wẹẹ, “E Gilgal ọre emwi dan hia ne iran ru na suẹn. Evba nii ọ re ohu iran keghi suẹn gha mu mwẹ. Rhunmwuda emwi dan ne iran ru, I gha khulo iran hin otọe mwẹ rre. Mẹ i ghi ra dọlegbe ho ẹmwẹ iran ọvbehe, avbe ọkaolotu iran hia wa sọtẹ mwẹ nẹ.

Levitikọs 26:11

I gha gu uwa yin vbe uwu Owa Ukpọn mwẹ ne ọ huanrẹn, ẹmwẹ uwa i ra vbe khan mwẹ.

Levitikọs 26:30

I gha guọghọ ehe ne uwa na ga vbe uhunmwu oke hia, I ghi dunmwu aka ne uwa na giẹn eturari hia sẹ otọ. I ghi filo ikun orinmwi uwa yan amazẹ uwa ni dele. Vbe uwu ne emwi hia na khan mwẹ.

Levitikọs 26:44

Ọ rhe ye vberriọ, ugbẹn vbe iran a gha rre ẹvbo eghian iran, I i ra wa fi iyeke gbe iran fo, ra ne I fuẹn iran an fẹẹrẹ. Ọnii gha rhie ufomwẹ ye ile ne imẹ gu iran ta sevba mẹ ọre Nọyaẹnmwa Osanobua iran.

Iyẹn ne ọ Maan Ọghe Luk 12:50

I mwẹ isamẹ ọkpa ne I gha yegbe miẹn. U miẹn vbe egbe mannọ mwẹ hẹẹ, ọ te do fo vbe otọ!

Iyẹn ne ọ Maan Ọghe Luk 19:14

Emwa ẹvbo ẹre i ho ẹmwẹ ọnrẹn, rhunmwuda ọnii, iran keghi zẹ ọrhẹ lelẹe ne iran ya kha wẹ, ‘Ma i ho ne okpia nii rrie egie yan ima.’

Iyẹn ne ọ Maan Ọghe Jọn 15:18

“Deghẹ te agbọn ghi khuiwu uwa, wa yerre ighe mẹ ọre iran ka khuiwu ẹre.

Iyẹn ne ọ Maan Ọghe Jọn 7:7

Agbọn i sẹtin gha khuiwu uwa, sokpan mẹ ọre ọ khuiwu ẹre rhunmwuda ne I na tama rẹn wẹ iwinna rẹn ẹ i ma.

Diuteronomi 32:19

“Ugbẹn vbe Nọyaẹnmwa ghi miẹn ọna, ohu mu ẹẹn, ọ na he ivbi ẹre ne ikpia kevbe ne ikhuo.

Hibru 10:38

Sokpan emwa ẹmwata mwẹ gha yayi, iran gha vbe fe. sokpan deghẹ ọmwaikọmwa vbe uwu iran werriegbe, ẹko mwẹ i ra rhiẹnrhiẹn ghe ẹre.”