Zẹkaraia 11:7 - Edo Bible (E Baibol Ẹdo) Version 1996

⁷ Iran ni dẹlẹe kevbe ni vbe khiẹnnẹ avbe ohuan na, keghi rhie mwẹ vbe iwinna, mẹ keghi khian Ọsuohuan avbe ohuan ne a ra ya gbele ua. I keghi viọ ọkpọ eva mwẹ obọ, I keghi tie ọkpa vbọ “Aro ne ọ maa” kevbe nọkpa “Akugbe.” I na gha gbearoghe avbe oghẹn ohuan nii.

Zẹkaraia 11:7 ပူးပေါင်းရင်းမြစ်များ

Psalm 23:4

Vbe ẹmwata, mẹ gha rhe gha khian vbe adesẹ uguowẹ, ọghe aghọnghọn uwu, ohan ọkhọ rhọkpa i ra mu mwẹ Nọyaẹnmwa, rhunmwuda, wẹ deba mwẹ. Orhokhua ruẹ kevbe ọkpọ ruẹ ehia tan obọ gue mwẹ.

Psalm 27:4

Emwi ọkpa, ọ re imẹ nọ Nọyaẹnmwa re, emwi ọkpa ni ọ re I vbe ho, ne imẹ gha rre uwu owa e Nọyaẹnmwa ẹdẹdẹmwẹdẹ. Ne I gha ye ọyunnuan ghe iwinna rẹn, ne ọ gha ma mwẹ odẹ.

Psalm 90:17

E Nọyaẹnmwa Osanobua mwa gie afiangbe ruẹ gha rre ima egbe gie emwi ne ima ru hia dunna ne ima.

Aizaia 11:4

ọ gha bu ohiẹn ẹmwata ne ivbiogue ọ ghi mu ẹzọ iran ne ẹ i mwẹ gui ọ ghi yi iyi wẹ ne a rri avbe emwa nii oya, avbe emwa dan gha vbe wulo.

Aizaia 40:11

Ọ gha gbearoghe avbe ohuan rẹn zẹvbe ne ọsuohuan ru. Ọ gha si avbe oteghe ohuan koko, ọ ghi munọ iran ye ekuaobọ ẹre ọ ghi su avbe iye iran hẹnnẹhẹnnẹ.

Aizaia 61:1

E Nọyaẹnmwa ne Udazi ya orhiọn rẹn vuọn mwẹ nẹ, ọ zẹ mwẹ nẹ, ọ keghi vbe gie mwẹ, ne I rhie iyẹn ne ọ maa gie ivbiogue ne I mu ne ẹko ẹre rhiae egbe rran, ne I na iyẹn afanvbirri ne iran ne oghunmwu kevbe afanfua ne iran ni rre ẹwẹdọ.

Jerimaia 39:10

Ọ keghi sẹ usun iran ni ghi ru ivbiogue sẹẹ rae ye Juda, avbe emwa ne ẹ i mwẹ emwi rhọkpa, ọ keghi munọ ogba azara kevbe oha ne iran.

Levitikọs 27:32

Vbe uwu avbe emwirri igbe, ọkpa vbọ ghi gha re ọghe Nọyaẹnmwa. A gha ka avbe emwirri, ogigbe vbọ, ọghe Nọyaẹnmwa nọ.

Maika 7:14

Nọyaẹnmwa, gha re ne ọ su ohuan avbe emwa ruẹn, emwa ne u hannọ zẹ. A gha rhe miẹn wẹ iran ọkpa ọ ya yin fua vbe otọ ẹgbo, otọe ne ọ maa emwiokọ lẹga iran. Gie iran ya gha koko egbe iran vbe ehe ne oha ne aranmwẹ na rri evbare ne ọ mobọ maa nii, vbe Basian kevbe Giliad, zẹ vbene iran gha ru vbe ẹghẹ ne ọ kpee fua.

Zẹfanaia 3:12

I gha sẹ avbe ọmẹhẹ ni mu egberriotọ rae ye evba, iran na ọ re ọ gha do gha nọ iyobọ vbe obọ mwẹ.

Zẹkaraia 11:14

Iyeke ọnii, I keghi bun ọkpọ ne ogieva ne I tie ẹre “Akugbe” Akugbe ne ọ te rrọ ne Juda kevbe Izrẹl, keghi duẹ ua.

Zẹkaraia 11:4

E Nọyaẹnmwa ne Osanobua keghi tama mwẹ wẹẹ, “Mu akpa ọsuohuan ọghe oghẹn ohuan ne a ra ya gbele ua yọ.

Matiu 11:5

Avbe arhu aro bẹghe odẹ, avbe uke khiaẹn, a khue avbe ekhọnmwoti huan, avbe ayin ehọ họn ẹmwẹ, a huẹn avbe ni wulo kpaegbe, a kporhu Iyẹn Ne ọ maa ma avbe ivbiogue.

Iyẹn ne ọ Maan Ọghe Mak 12:37

Devid tobo ẹre tie ẹre ‘Nọyaẹnmwa,’ vbe nene Mẹzaia ghi vbe ya re ovbi Devid hẹẹ?”

Iyẹn ne ọ Maan Ọghe Jọn 10:16

I ye vbe mwẹ avbe ohuan ọvbehe ne ẹ i re oghẹn na. I gha vbe viọ iran rre, iran gha họn urhu mwẹ, ẹghẹ nii, iran ghi do gha re oghẹn ohuan ọkpa, ọsuohuan ọkpa.

Jems 2:5

Wa danmwehọ etẹn mwẹ ni ghan. Avbe ivbiogue ni rre agbọn na, ọre Osanobua zẹe wẹ, iran mwẹ iyayi ẹsẹse kevbe wẹ, iran ọ ra yan arriọba ne irẹn ve iran ni ho ẹmwẹ ọnrẹn re.

I Samuẹl 17:40

Rẹn keghi rhie ọkpọ ọsuohuan Ọghe ọe, ọ na hannọ ikpokuta ne rọnmọ rọnmọ isẹn vbe ẹzẹ, ọ na viọ ye ẹkpo ẹre, ọ keghi rhie umọvọn rẹn mwẹ obọ, ọ na bu e Golaiat gha khian.

I Samuẹl 17:43

Ọ keghi tama e Devid wẹẹ, “Vbe u a ye ovbi erhan nii ru yi? Te u ro ighẹ ekita mẹ khin ra?” Ọ na gha mu ẹbọ ne ọ gho gbe Devid.