Zẹkaraia 11:6 - Edo Bible (E Baibol Ẹdo) Version 1996

⁶ (E Nọyaẹnmwa khare wẹẹ, “Mẹ i ghi tohan ọmwarhọkpa vbe otọe agbọn ọvbehe. Mẹ tobọ mwẹ gha viọ emwa ni hia ye ẹtin iran ni khaemwisẹ yan iran obọ. Iran ni khaemwisẹ gha duẹ otọ agbọn uan, mẹ i ra vbe wọlọ ẹe hin ẹtin obọ iran rre.”)

Zẹkaraia 11:6 ပူးပေါင်းရင်းမြစ်များ

Psalm 50:22

“Wa danmwehọ ẹmwẹ na wa ni ma zẹ ye ogho mwẹ ne I ghẹ fuẹn uwa a a i vbe miẹn ọmwa ne ọ gha miẹn uwa fan.

Aizaia 27:11

Abọ avbe erhan luẹluẹe, ehia vbe bunnọ kua. Te ikhuo ghi ho iran ya koko. Rhunmwuda wẹ, avbe emwa ni ma rẹn otọ emwirhọkpa, Osanobua ne Ayi ne ọ yi iran i ra tohan iran, ra ne ọ vbe mwẹ ekhọe agiẹngiẹn ghe iran.

Aizaia 3:5

Edọmwadẹ ọghọe ghi gha gbe ogieva ẹre rhu. Avbe igbama i ra ghi gha ya ọghọ ne eniwanrẹn, deba re avbe ivbivbi emwa nii i ghi ra gha yọghọ ne emwa ni sẹẹ iran.

Jerimaia 13:14

Iyekọnii, I ghi khuarha iran kugbe zẹ vbe uru, ke ibiẹka kevbe eniwanrẹn, itohan, ẹnina ra agiẹngiẹn ọmwa irrọ ne ọ gha da mwẹ obọ yi wẹ ne I ghẹ gbele iran an.”

Eve Orriara 2:21

Ke ibiẹka kevbe eniwanrẹn, ehia wulo lele otọ vbe adesẹ ore ẹvbo. Avbe igbama kevbe ivbialeke ne umozo avbe eghian gbele ua. Ẹdẹ ne ohu mu uwẹ u keghi rẹnkhẹẹn iran an vbe ne a i na mwẹ itohan.

Eve Orriara 5:8

Avbe emwa ni ma maa sẹ eviẹn ọ re ọ khaemwisẹ yan mwa. Ọmwa ne ọ gha sẹtin fan mwa vbe obọ iran i rrọọ.

Ezikiẹl 8:18

Obọ ohu mwẹ gha vba iran. I i ra sẹ iran rae, a ma wẹ ne I tohan iran. Iran gha go gboo gha na erhunmwu ghe mwẹ, sokpan I i zẹ ye iran ẹre.”

Ezikiẹl 9:10

Sokpan mẹ i ra tohan iran hiehiere. I gha ru iran vbene iran ru emwa ọvbehe.”

Hozia 1:6

E Goma keghi vbe biẹ ovbi ẹre ne ukpogieva, okhuo ọre ọna gha khin. E Nọyaẹnmwa keghi tama e Hozia wẹẹ, “He ẹre ‘Loruhama,’ ọnii nọ wẹ Ne ama ho ẹmwẹ ọnrẹn, rhunmwuda, mẹ i ghi ra dọlegbe ho ẹmwẹ ivbi Izrẹl ra ne I ya orukhọ bọ iran.

Hozia 2:10

I gha sirra avbe ọse ne ọ zẹlẹe bannọ ọẹn ruan, ọmwa ọkpa ne ọ gha sẹtin wọlọ ẹe hin mwẹ obọ rre, ẹ i rrọọ.

Maika 5:8

A gha zagha iran lele uhunmwu ẹvbo, iran gha do yevbe oduma ni ru ohuẹ emwi ne ọ ra re vbe uwu ẹgbo ra oha ne aranmwẹ na rria: Ọ ghi la uwu ẹbu ohuan, ọ ghi san yan iran, ọ ghi yanghan iran ukhiọnmwẹ ukhiọnmwẹ, idaehọ ighe a gha miẹn ẹnrẹn fan i rrọọ.

Maika 6:14

Wa gha rri evbare sokpan ẹko i ra vuọn uwa, vbe ẹmwata, ohanmwẹ ghi ye gha gbe uwa. Wa gha viọ emwi gha rrie, sokpan wa i ra gua dọlọ ẹe yi. Avbe emwi ne uwa gua ra dọlọ yi, I gha ye okuo fuẹn ehia a.

Hagai 2:22

I ghi ya avbe arriọba kevbe ẹtin iran uhunmwu rhu, I gha ya avbe ikẹkẹ okuo kevbe iran ni hin iran uhunmwu rhu, avbe ẹsin gha wulo, iran ni hin iran khian gha gbele egbe ua.

Zẹkaraia 11:14

Iyeke ọnii, I keghi bun ọkpọ ne ogieva ne I tie ẹre “Akugbe” Akugbe ne ọ te rrọ ne Juda kevbe Izrẹl, keghi duẹ ua.

Zẹkaraia 11:5

Iran ni yan iran gbele iran, a ma vbe ru iran emwirhọkpa. Iran khiẹnnẹ emiowo iran, iran keghi vbe kha wẹẹ, ‘Wa rho e Nọyaẹnmwa, ma fe nẹ, uhin ighẹ avbe ọsuohuan iran ma tohan iran hiehiere.’ ”

Zẹkaraia 11:9

Vbe iyeke ọnii, I keghi tama oghẹn ohuan nii wẹẹ, “Mẹ i ghi ra gha re ọsuohuan uwa ọvbehe. Gie ni gha wulo vbọ wulo. Ne iran ra fuan vbọ gie iran fuẹn iran uan. Iran ni ghi dekẹe gha gbele egbe iran an.”

Zẹkaraia 14:13

Ọ gha sẹ ẹghẹ nii, e Nọyaẹnmwa gha fian otighi ne ọ sẹrriọ fi iran egbe ohan ghi vbe mu iran sẹrriọ wẹ dọmwadẹ ọghọe gha dobọ mu ọmwa ne ọ sikẹ ọre sẹ, ọ ghi suẹn gha gu ẹe gbinna.

Zẹkaraia 8:10

Vbe ọ te do sẹ ẹghẹ ne a kha na, a i miẹn ọmwa ne ọ sẹtin rhie aranmwẹ ra ọmwa ne agbọn vbe iwinna, ọmwa ne ọ wa vbe fe vbe obọ eghian rẹn ẹ i rrọ. I keghi ru ẹe ne emwa viọ aro igbinna da egbe.

Malakai 4:6

Ọ gha dọlegbe dọlọ avbe emọ vbe erha kugbe, adeghẹ ẹire vberriọ, te I gha rre ne I do fuẹn uhunmwu ẹvbo uwa a.”

Matiu 10:21

“Emwa gha silo etẹn iran ladian ne a gbelua, erriọ ọre erha gha vbe ru emọ. Emọ gha mu aro da erha iran, iran ghi gbele iran an.

Matiu 22:7

Ohu keghi mu ọba ni, ọ na gie ivbiyokuo ẹre, iran na ya gbele avbe izigha ni uan, iran na giẹn ẹvbo iran muotọ.

Matiu 24:10

Emwa ni bun ọre ọ gha lahin iyayi rre vbe ẹghẹ ni. Iran ghi gha ye egbe dẹ, ẹko iran ghi gha khọ egbe.

Iyẹn ne ọ Maan Ọghe Jọn 19:15

Ehia keghi wa gha go, iran wẹ, “Gbe ẹe rua! Gbe ẹe rua! Kan rẹn mu ugbugbe!” Pailet nọ iran wẹẹ, “Te uwa wẹ ne I kan ọba uwa mu ugbugbe ra?” Avbe igie ohẹn wanniẹn wẹẹ, “Ọgbaisi ọkpa ma rẹn ye ọba mwa!”

I Tẹsalonaika 2:16

Iran te ra da ima obọ yi wẹ ne ima ghẹ kpe orhu ẹre ma emwa ne ẹ i re Ju, ighẹ ẹmwẹ nii ne ọ gha rhie imiẹnfan gie iran. Evba ehia ghi na do yi uhunmwu ighẹ orukhọ ne iran ru ke ẹghẹ ni gha dee. Obọ izohu Osanobua he ghi do vba iran.

Hibru 2:3

Vbe ima gha na miẹn uhunmwu hẹ khekherriọ a deghẹ ma ma zẹ ye ẹmwẹ imiẹnfan ne ọ kpọlọ sẹ vbenian na? Nọyaẹnmwa tobọ ẹre ọre ọ ka ta ẹmwẹ imiẹnfan na rre, iran ni miẹn ẹmwẹ ọnrẹn ye ehọ, keghi rhie maa ima ighẹ ẹmwata nọ.

Jems 2:13

Rhunmwuda, ọmwa ne ọ ma mwẹ itohan, Osanobua i ra tohan rẹn vbe ọ a gha bu ohiẹn, sokpan itohan ọre ọ khọnmiotọ ibuohiẹn.