Zẹkaraia 11:5 - Edo Bible (E Baibol Ẹdo) Version 1996

⁵ Iran ni yan iran gbele iran, a ma vbe ru iran emwirhọkpa. Iran khiẹnnẹ emiowo iran, iran keghi vbe kha wẹẹ, ‘Wa rho e Nọyaẹnmwa, ma fe nẹ, uhin ighẹ avbe ọsuohuan iran ma tohan iran hiehiere.’ ”

Zẹkaraia 11:5 ပူးပေါင်းရင်းမြစ်များ

II Ọba 4:1

Okhuo ne ọ dẹgbẹ ne ọ te re amwẹ ọkpa vbe uwu avbe otu ivbi akhasẹ keghi bu Elaisia gha khian, ọ wẹẹ, “Enọwanrẹn, ọdafẹn mwẹ wu nẹ! Wẹ rẹnrẹn wẹ ọmwa ne ọ mu ohan Osanobua rẹn gha hin, sokpan, banbanna nian, ọmwa ne irẹn rri ọre osa do viọ ivbi mwẹ ne ikpia eva ya ru ọviẹn ne ọ ya ha osa ne ọdafẹn mwẹ rri ọre re.”

Nehimaia 5:8

I tama iran wẹẹ, “Te ima hia vbene ẹtin mwa sẹe, ne a ya gha dẹlẹ iran werriegbe ighẹ avbe Ju ni khiẹnnẹ egbe iran eviẹn ne avbe orhunmwuyẹn, wanwanna nian, te uwa ghi sua avbe etẹn uwa ne iran gha khiẹnnẹ egbe iran ne uwa ne Ju ne ihua iran.” Avbe ọkaolotu nii keghi hunwan kpọi, iran ma miẹn ẹmwẹ ta.

Jerimaia 2:3

Izrẹl mẹ okpa ọ re ọ te yan ruẹn emwi nọhuanrẹn ọ re u te gha khin mwẹ re I si oya kevbe usẹ ye iran ni kuan ruẹn egbe. Mẹ ne Nọyaẹnmwa taa ẹe nẹ.”

Jerimaia 50:7

A vba gbe ọ re iran ghi khin, avbe eghian iran khare wẹẹ, ‘Iran sẹ ẹmwẹ e Nọyaẹnmwa nẹ, rhunmwuda ọnii, ma ma ru a ghẹ i ru. E Nọyaẹnmwa ọ re avbe erha iran odede mu ẹtin yan, te ọ te kei ne iran vbe rhie ekhọe lele ẹe.’

Ezikiẹl 34:10

Mẹ ne Nọyaẹnmwa ne Udazi tae nian wẹ oghian uwa ọ re I khin, I gha miẹn uwa ohuan mwẹ, mẹ i ghi dọlegbe gie uwa gha re ọsuohuan iran ọvbehe, mẹ i ghi ra dọlegbe kue ne a miẹn wẹ egbe uwa ọkpa ọ re uwa gbearoghe. I gha wọlọ avbe ohuan mwẹ hin obọ uwa rre, mẹ i ghi ra gie uwa gbele iran re ọvbehe.

Ezikiẹl 34:21

Wa sua iran ni khuọnmwi vbọ ghe okhiẹ, wa na ya igho so iran hin uwu oghẹn rre.

Ezikiẹl 34:6

Avbe ohuan mwẹ kegha zozo lele avbe oke ni yo hia kevbe avbe oke nekhua, a zagha iran gba otọe hia, a ma miẹn ọmwa ne ọ gualọ iran, ra ne ọ gualọ iran miẹn.’

Hozia 12:8

‘Ma fe nẹ. Ma rri okpe ere, ọmwa ne ọ gha sẹtin gunmwa gui ẹe i rrọ wẹ odẹ omuru ọ re ima ya họn ẹfe.’

Hozia 12:9

Sokpan, mẹ ne Nọyaẹnmwa ne Osanobua uwa, ne ọ viọ uwa ke Igipt ladian gha dee, I gha dọlegbe ru ẹe ne uwa dọlegbe ya gha di okhogbo ya. Zẹ vbene uwa gha ru ẹe vbe ẹghẹ ne I na bu uwa rre vbe uwu ato.

Emọs 2:6

E Nọyaẹnmwa khare wẹẹ, “Te ivbi Izrẹl wa gha ru orukhọ yan egbe yan egbe, rhunmwuda ọnii, I gha wa rria iran ikhi ye emwi na. Iran khiẹnnẹ iran eviẹn ighẹ emwa ẹmwata ni ma sẹtin ha osa ne iran re, avbe ivbiogue ne ẹ i ra miẹn igho ya ha osa ibata e esanda.

Matiu 23:13

“U miẹn agbọn ne uwa ye eni ma emwa Uhi kevbe Farisi, ayunukpaegbe! Wa khui urho Arriọba ẹrinmwi ke emwa yi, wa tobọ uwa ma ho ne uwa la owa, emwa ni ho ne iran la owa, wa ma kie ne iran. [

Iyẹn ne ọ Maan Ọghe Jọn 10:1

“Ẹmwata ọre I tama uwa, ọmwa nọ ma la onurho la ogba ohuan, ighẹ ọ la odẹ ọvbehe hin odukhunmwu la rọ, oyi nọ, izigan nọ.

Iyẹn ne ọ Maan Ọghe Jọn 16:2

Iran gha sua uwa uhunmwu hin uwu Ọgua ediọn iran rre. Ẹghẹ dee ne ọmwa ne ọ de uwa izigha gha na ro ighe Osanobua ọre irẹn ya ehia ga.

II Pita 2:3

Vbe uwu uzuanmwẹ iran, avbe emamwaemwi ohoghe na ghi gha ya okha ne iran tobọ iran ya rre, miẹn uwa emwi. Ọ kpẹre ne Ne ọ bu ohiẹn iran ghi mu egbe ye otọ. Ne ọ ra fuẹn iran uan i vbe vbiẹ hiehiere.

Arhie Maan 18:13

Kevbe sinamọn, kevbe oziza, eturari, oziya, ori ne ọ winhin ẹsẹse, ayọn kevbe ofigbọn, ẹlubọ kevbe ọka, emwi irri kevbe avbe ohuan, ẹsin kevbe ikẹkẹ okhuae, avbe eviẹn kevbe orhiọn emwa ne agbọn ne aregbe.

Arhie Maan 3:17

U khare wẹ, ‘I fe nẹ, obọ gue mwẹ, emwi ne I ho gba mẹ.’ Sokpan, u ma rẹn ighẹ agbọn ọrhiae ne a gbe ọsọre na, ọre u ye. Ovbiogue ọre u khin, te u bannọ uan, te u rhu aro.