Zẹkaraia 11:2 - Edo Bible (E Baibol Ẹdo) Version 1996

² Wa gha kpe orhu eve, ne uwa viẹ egbe ua, wa ne avbe agba, avbe isida dele nẹ, a fuẹn ehia a nẹ ighẹ avbe erhan ni mwẹ eni nii, wa gha kpe orhu eve, ne uwa viẹ egbe ua, wa ne avbe okan ni rre Basian! A gbe ẹe sẹ otọ fẹẹrẹ ighẹ ẹgbo ne ọ wo nii.

Zẹkaraia 11:2 ပူးပေါင်းရင်းမြစ်များ

Ezikiẹl 20:46

“Ovbi ọmwa, tọn aro mu ghe odẹ ekẹn. Ta ku odẹ ekẹn ne u vbe guan ẹmwẹ akhasẹ ghe avbe ẹgbo ni rre odẹ ekẹn.

Ezikiẹl 27:6

Iran ya viọ erhan okan ke Basian rre ne iran ya ru obele; iran keghi ya erhan ne ọ ke Saiprọs rre wa otọ ruẹ. A keghi ye akọn eni ru uwu ẹre.

Ezikiẹl 31:17

Iran gha lele ẹe gha rrie ẹvbo emwa ni wulo nẹ ne iran ya deba iran ni ka dele nẹ. Iran hia ni di ototọ irhu ẹre ya, gha khian ne a zagha gba otọe ẹvbo hia.

Emọs 6:1

U miẹn vbe ọ gha ba so uwa hẹ, wa ni wa zẹ ọwọbu vbe Zaiọn, kevbe uwa ni kha wẹ vbe nene ẹbe ke dee, ni rre Sameria, wa ne okpemwa ni rre Izrẹl ne okpẹvbo na, wa ne emwa do gha lẹ vba nọ iyobọ!

Zẹkaraia 11:1

Kie urho ye otọ, Lebanọn, ne u gie erhẹn do giẹn avbe erhan isida ruẹ hia sẹ otọ!

Zẹkaraia 11:3

Iran ni khaemwisẹ gha viẹ eve oya, uyi iran fafaa! Gha họn vbene avbe oduma vannọ hẹ; ẹgbo ne iran dia vbe ọkpẹn Jọdan, a rẹnkhẹn ehia a!

Iyẹn ne ọ Maan Ọghe Luk 23:31

Rhunmwuda a ghi ru emwi vbe nian vbe egbe erhan ọgbọn, vbe ọ gha ye hẹ ne erhan ne ọ kae?”