Zẹkaraia 11:12 - Edo Bible (E Baibol Ẹdo) Version 1996

¹² I keghi tama iran wẹẹ, “A deghẹ ọ yẹ uwa, wa ha mwẹ osa uki mwẹ. Sokpan, a deghẹ ọ ma vbe khọn uwa, wa sẹtin rhie emwi uwa.” Rhunmwuda ọnii, iran keghi ha mwẹ igho ẹrọnmwọ ọgban zẹ vbe osa uki mwẹ.

Zẹkaraia 11:12 ပူးပေါင်းရင်းမြစ်များ

Gẹnẹsis 23:16

Ebraham keghi kue yọ, ọ keghi ya mwa igho ne Efrọn nọ rẹn sirra emwa nii, ọ kegha re agiẹghẹ esiliva uri eva (400) zẹ vbe ne emwa ni do ẹki vbe ya mwa emwi vbe odẹ nọ gbae sẹ.

Gẹnẹsis 37:28

Avbe obaghẹn ne ivbi e Midian ghi se evba, etẹn e Josẹf keghi si ẹe ladian vbe uhae, iran na khiẹn ọre agiẹghẹ e siliva ugie ne ivbi Ismẹl, iran na muẹn gha rrie Igipt.

I Ọba 21:2

Ọ ghi sẹ ẹghẹ ọkpa, Ehab keghi tama e Nabot wẹẹ, “Gun mwẹ mu ugbo emwiokọ ruẹ, ọ wa sikẹ ẹguae mwẹ, I ho ne I ya mu ugbo ebe uwọnmwẹ. I gha mu ugbo emwiokọ ne ọ maa sẹ ọnii ne uẹn ra deghẹ u ho, I gha ha osa ẹre ne uẹn vbene ọ khẹke.”

I Ọba 5:6

Rhunmwuda ọnii, gie emwa ruẹn gha rrie Lebanọn, ne iran ya gbele igẹdu ye otọ mẹ. Emwa mwẹ gha deba iran winna. Emwi ne u ghi wẹ ne I ha emwa ruẹn re, I gha hae. Zẹ vbene u wẹ rẹnrẹn, emwa mwẹ i guara tọnnọ erhan vbene emwa ruẹn ye.”

II Krọnikol 30:4

Emwamwa iran na keghi yẹ ọba kevbe emwa ni rhunmwuda ọnii,

Ẹksọdọs 21:32

A deghẹ ọviẹn okpia ra ọviẹn okhuo ọre ọ gbe, enarẹn ghi hae nọyan ọviẹn nii e esiliva ọgban, a ghi filo okuta gbe ẹmila nii uan.

Jerimaia 32:9

I keghi gele dẹ nene ako oha vbe obọ e Hanamẹl, I na mwa igho ẹre mu ne ẹẹn, ive ẹre kegha re igho esiliva ehairrọvbugie.

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

Matiu 26:15

Ọ tama iran wẹẹ, “I gha rhie Jesu ye uwa obọ, de emwi ne uwa gha rhie mẹ?” Iran keghi ka agiẹghẹ igho ẹrọnmwọ ọgban hẹ ye orre obọ.

Matiu 27:10

Iran keghi yae de otọ ọmakhe zẹ vbene Nọyaẹnmwa yi ẹre iyi mẹ.”

Matiu 27:9

Ẹghẹ nii ọre ẹmwẹ ne akhasẹ Jerimaia tae na do sẹ wẹẹ, “Iran keghi viọ igho ẹrọnmwọ ọgban nii igho ne ivbi Izrẹl kue yi ne iran hae yọ.

Iyẹn ne ọ Maan Ọghe Jọn 13:2

Jesu kevbe avbe erhuanegbe ẹre keghi rri evbare ota. Esu wa tae nẹ wẹẹ Judas ne ovbi e Saimọn Iskariọt ọre ọ gha rhie Jesu ma.