Zẹkaraia 11:11 - Edo Bible (E Baibol Ẹdo) Version 1996

¹¹ Ẹdẹrriọ ọ re a soo nene ile gọ. Iran ni dele, kevbe ni vbe khiẹnnẹ nene ohuan kegha ghe mwẹ, iran keghi vbe rẹn wẹ, te Nọyaẹnmwa ye emwi ne I ru na gie uhunmwu gie emwa.

Zẹkaraia 11:11 ပူးပေါင်းရင်းမြစ်များ

II Krọnikol 9:14

deba igho uhunmwu ne avbe obaghẹn kevbe ekpatẹ hae. Avbe ọba Arebia kevbe avbe enikhaemwisẹ vbe Izrẹl keghi vbe gha viọ esiliva kevbe igoru gie ẹe.

Psalm 69:33

E Nọyaẹnmwa danmwehọ iran ne ẹ i mwẹ, ẹ i vbe mianmian iran ni rre ẹwẹdọ.

Aizaia 14:32

Vbe ima ra ya wanniẹn ọre ẹmwẹ hẹ yi ighe ọmwa ne iran gie ẹre uhunmwu ke Filistia gie ima? Ma gha tama rẹn wẹ e Nọyaẹnmwa gbe Zaiọn ẹkun sotọ nẹ kevbe wẹ emwa rẹn ni sẹ usẹ gha di evba ya vbe a i mwẹ ebe.

Aizaia 40:31

Sokpan iran ni mu ẹtin yan iyobọ Nọyaẹnmwa, a gha ya ẹtin iran khian ọghọgbọn. Iran gha ya ifuẹn iran tin kpao vbe oghohọn iran gha rhulẹ, egbe i ra wọ iran iran gha khian, ẹtin i ra vbe fo iran.

Aizaia 8:17

E Nọyaẹnmwa rhie egbe ẹre lẹre ne emwa rẹn nẹ, sokpan, mẹ mu ẹtin yan rẹn, I vbe mwẹ idaehọ vbe uwu irẹn.

Jerimaia 32:8

Zẹ vbene e Nọyaẹnmwa wa tae zẹẹ, e Hanamẹl keghi wa bu mwẹ gha die ẹghodo ẹguae, ọ na wẹ ne I do dẹ nene ako oha. Ẹre I na rẹn wẹ vbe ẹmwata, te Nọyaẹnmwa gele gunmwẹ guan.

Maika 7:7

Sokpan, mẹ gha rhie aro ye odẹ khẹ Nọyaẹnmwa. I gha ya iziengbe diakhẹ Osanobua, ọmwa ne ọ gha miẹn mwẹ fan. Osanobua mwẹ gha họn ọghomwẹ.

Zẹfanaia 3:12

I gha sẹ avbe ọmẹhẹ ni mu egberriotọ rae ye evba, iran na ọ re ọ gha do gha nọ iyobọ vbe obọ mwẹ.

Iyẹn ne ọ Maan Ọghe Luk 19:48

Sokpan iran ma rẹn vbene iran gha ruẹe hẹẹ rhunmwuda emwa hia kegha wa danmwehọ ẹre vbene iran i na ho ne ẹmwẹ ọnrẹn ọkpa kẹkan la iran iyeke ehọ de fua.

Iyẹn ne ọ Maan Ọghe Luk 2:25

Vbe ẹghẹ na, okpia ọkpa ne a tie ẹre Simiọn keghi rre Jerusalẹm. Rẹn keghi re ọmwa esiesi ne ọ mu ohan Osanobua kevbe ne ọ vbe rhie aro ye odẹ gha khẹ ẹghẹ ne a gha ya miẹn Izrẹl fan, orhiọn Ne ọ huanrẹn keghi rrọọ yaba ẹre.

Iyẹn ne ọ Maan Ọghe Luk 2:38

Vbe ẹghẹ ọkpa nii zẹẹ, rẹn keghi vbe rre, ọ rhie ekpọnmwẹ ne Osanobua, ọ keghi vbe guan vbekpa ọmọ ni ma emwa ni ghi rhie aro ye odẹ khẹ ne Osanobua, do miẹn Jerusalẹm fan.

Iyẹn ne ọ Maan Ọghe Luk 7:22

Rẹn keghi wanniẹn tama emwa ne Jọn gie wẹẹ, “Wa ya tama e Jọn emwi ne uwa họn ẹn kevbe ne aro uwa sẹe, avbe arhuaro bẹghe odẹ, avbe uke khiaẹn, a khue avbe ọkhọnmwoti huan, ayin ehọ họn ẹmwẹ, a huẹn ni wu kpaegbe vbe orinmwi, a kpe orhu Iyẹn Ne ọ Maa ma avbe ivbiogue.

Diuteronomi 31:21

Ọkhọ dan ni bun ghi do rruan iran. Ẹghẹ nii, ihuan na ghi gha rre evba zẹ vbe osẹe mwẹ ghe iran, rhunmwuda ivbi iran gha ye gha so ẹe. Uhin vbe banbanna nian, vbe I te viọ iran sẹ otọ ne I wẹ I gha mu ne iran, I rẹn emwi ne iran ro vbe ekhọe.”

Diuteronomi 31:29

I rẹnrẹn wẹ I gha wu ne, iran ghi do khian emwa dan, iran ghi mu emwi ne I ma iran ẹre fua. Vbe ẹdẹ ne ọ dee, ọkhọ gha rruan iran rhunmwuda, iran ya ohu mu e Nọyaẹnmwa, vbe ne iran na ya gha ru emwi ne ọ tama iran ighẹ a wua.”