Zẹkaraia 10:9 - Edo Bible (E Baibol Ẹdo) Version 1996

⁹ A gha rhe miẹn wẹ te I zagha iran gba uhunmwu ẹvbo hia, sevba iran gha ye mwẹ rre vbe otọe urria nii, ke iran kevbe ivbi iran gha miẹn uhunmwu iran ghi gba gha die owa.

Zẹkaraia 10:9 ပူးပေါင်းရင်းမြစ်များ

Nehimaia 1:9

Sokpan a deghẹ wa ghi vbe werriegbe bu mwẹ rre, wa na gha ru vbene I gie, I gha viọ uwa werriegbe gha rrie ehe ne I zẹe wẹ ne a na gha ga mwẹ, ọ gha khọn rẹn wẹ ehe ne agbọn na sẹe ọ re a zagha uwa kua gha rrie.’

Ẹsta 8:17

Ehe ne a rhirhi na tie ẹmwẹ ne ọba tae na, vbe avbe ore nekhua kevbe iyaẹvbo, avbe Ju ghi zobọ vbe iwinna, iran ghi ya oghọghọ titi ẹe deba ọyẹnmwẹ. Vbe ẹmwata, emwa ni bun ọvbehe keghi degbe la e Ju rhunmwuda te ohan iran ghi mu iran.

Aizaia 44:21

E Nọyaẹnmwa khare wẹẹ, “Izrẹl, ye ẹmwẹ na rre, yerre i ghẹ ọguọmwadia mwẹ ọ re u khin. Te imẹ yii uwẹ ne u gha re ọguọmwadia mwẹ, mẹ i ra mianmian uwẹ ẹdẹ.

Aizaia 64:4

A ma he miẹn egbe ọ re a ma he vbe họn ẹmwẹ Osanobua ne ọ yevbe ruẹ ne ọ winna egbe iwinna vberriọ ne iran ni ye egbe kọe.

Aizaia 65:23

Emwi ne iran ru gha wa gha dinna odẹ, ọkhọ i ra vbe sunu vbe egbe ivbi iran, i gha fiangbe iran kevbe uniẹn ivbi iran ni dee ẹdẹdẹmwẹdẹ.

Aizaia 65:9

I gha fiangbe ivbi Izrẹl ni re ẹwae ọghe Juda vbọ, ivbi uniẹn iran ọ re ọ ra yan otọe mwẹ ne uhunmwu oke. Emwa mwẹ ne a hannọ zẹ, ni vbe gha ga mwẹ, ọ re ọ ra yin evba.

Jerimaia 31:27

“Nọyaẹnmwa ọ re ọ tae wẹ ẹdẹ dee ne I gha ye emwa nagbọn kevbe aranmwẹ vuọn otọ Izrẹl kevbe Juda.

Jerimaia 51:50

E Nọyaẹnmwa tama emwa rẹn ni rre Babilọn wẹẹ, “Wa lẹẹ uwu fe nẹ! Banbanna nian, wa ladian. Wa ghẹ mudia. A gha rhe miẹn ighe wa khian rrei vbe owa, wa mu ẹmwẹ imẹ ne Nọyaẹnmwa uwa ro, ne uwa vbe ye Jerusalẹm rre.

Ezikiẹl 6:9

ehe ne iran gha na gha rre iwe. Evba nii ọre iran gha na ye mwẹ rre, iran ghi vbe rẹn we mẹ ọ re ọ rrii iran oya, I na vbe fa iran an, rhunmwuda ekhọe iran nẹi guobọ ọmwa he mwẹ yotọ, iran keghi rhie egbe lele ẹbọ ne ọ yẹ iran sẹẹ imẹ. Ẹmwẹ egbe iran gha sọnnọ iran rhunmwuda emwi dan kevbe emwi ifaegbua ne iran ru.

Hozia 2:23

I gha gbe emwa ẹkun sotọ vbe otọe nii, I ghi vbe gie agbọn maa iran, I gha ho ẹmwẹ emwa ne a te tie ẹre “Na ma ho ẹmwẹ ọnrẹn,” iran ne a te tae da wẹẹ, “Iran-ire-emwa-mwẹ.” I ghi kha wẹẹ, “Emwa-mwẹ-wa-khin.” Iran ghi vbe wanniẹn wẹẹ, “Wẹ ọrọre Osanobua mwa.”

Emọs 9:9

“I gha yi iyi, a ghi bọnmwẹ ivbi Izrẹl vbene a bọnmwẹ ọka vbe ahẹn. I gha bọnmwẹ iran vbe uwu ẹbu uhunmwu ẹvbo ne a miẹn ehe na hẹ avbe ẹwobi ni rrọọ kua.

Maika 5:7

Ivbi Izrẹl ni miẹn uhunmwu vbọ, gha yevbe evbu ne ọ fu ọmwa egbe rre ne Nọyaẹnmwa gie gie uhunmwu ẹvbo nibun, zẹ vbe amẹ ne ọ rhọ yan emwiokọ ne ọ da zọ dee. Iran gha ye egbe yan Osanobua ighe ẹ i re ọmwa kẹkan.

Iwinna 8:1

Ọ keghi wa yẹ Sọl wẹ a gbe ẹe rua. Ẹdẹ ne ẹdẹrriọ zẹẹ ọre esọsi ne ọ rre Jerusalẹm suẹn gha miẹn ukpokpo. Emwa ni yayi hia keghi zagha lele iwewe Judia kevbe Sameria hia, avbe ukọ ọre ọ ghi de kẹe.

Iwinna 8:4

Avbe emwa ni yayi ni zagha lele ehe hia nii kegha kpe orhu ẹmwẹ nii.

Ebe ne Pọl gbẹẹn gie emwa Rom 11:24

Wa ne ẹ i re Ju, te uwa yevbe abọ erhan oliv ne oha, ne a fian, a na do mamaẹn mu erhan oliv vbe odẹ ne ọwa la ihan nẹ vbene a ru emwi la. Te avbe Ju yevbe erhan ne a mobọ kọ na, rhunmwuda ọnii, ẹ i ra lọghọ Osanobua khekherriọ vbe ọ gha mama abọ ne a giagiae kua nẹ mu nene erhan ne a ke giagiae rre.