Zẹkaraia 10:5 - Edo Bible (E Baibol Ẹdo) Version 1996

⁵ Ivbi e Juda gha khọnmiotọ zẹ vbe ivbiyokuo ni ya owẹ gbele avbe eghian iran ye uwu ekhuọrhọ vbe adesẹ ore. Iran gha gbinna, rhunmwuda, e Nọyaẹnmwa rrọọ yaba iran, obọ iran gha vbe ke okhunmwu ne ẹsin avbe eghian.

Zẹkaraia 10:5 ပူးပေါင်းရင်းမြစ်များ

II Samuẹl 22:43

I dunmwu iran an, iran keghi yevbe ebubẹ, I ya owẹ rrilo iran muotọ, zẹ vbe ekẹn vbe orere.

II Samuẹl 22:8

Agbọn mu rueghe, ọ guọ ọe zẹzẹzẹ, ẹyotọ iso vbọ uhe, ọ kegha guẹ, rhunmwuda ohu mu Osanobua.

II Ọba 9:33

Ẹre Jehu na tama iran wẹẹ, “Wa rrua ẹre fua!” Iran ke rrua ẹre fi otọ, esagiẹn ọnrẹn keghi gbe ku egbekẹn kevbe ẹsin. E Jehu keghi fi avbe ẹsin ẹnrẹn kevbe ikẹkẹ okuo ẹre nana ikun ẹnrẹn gberra.

Psalm 18:42

I rẹnkhẹn iran an iran na do yevbe ebubẹ ne ẹhoho kpolo rriẹ. I ya owẹ rri iran ginna otọ zẹ vbe ọrho vbe adesẹ ore.

Psalm 20:7

Arhin eso mu ẹtin yan ikẹkẹ okuo iran, eso vbe mu ẹtin yan ẹsin iran. Sokpan ma mu ẹtin yan ẹtin e Nọyaẹnmwa ne Osanobua ima.

Psalm 33:16

Ẹi re rhunmwuda iyokuo ẹre ne ọ wegbe, ọ re ọba na khọnmiotọ, ẹi re ekpa ẹtin obọ ẹre ọ re ovbiyokuo ya khọnmiotọ.

Psalm 44:5

Ẹtin ruẹn ọ re ima ya khọn eghian mwa muotọ.

Psalm 45:3

Rro umozo ruẹ mu ẹkun, ọba nọkhua, wẹ nẹ ọ vuọn ne osẹ kevbe uyi ọba.

Aizaia 10:6

Mẹ gie Asiria ne ọ do khọn ẹvbo dan ne ọ ya ohu mu mwẹ. I gie iran ne iran ya fu emwi viọ, ne iran ya rha, kevbe ne iran ya owẹ rrilo emwa mu otọ zẹ vbe iruẹn vbe adesẹ ore.”

Aizaia 25:10

E Nọyaẹnmwa gha degue Oke Zaiọn sokpan, a gha ya owẹ rrilo ivbi e Moab ginna otọ zẹ vbene a ya owẹ rri irunmwu ye uwu ekẹn nekhui ne a ya kọ emwiokọ.

Aizaia 31:1

Ọ ghe iran ni ya gha nọ iyobọ vbe Igipt fo. Emwi igbinna ọrhẹnrhẹn ne Igipt mwẹ ọ re iran mu ẹtin yan, avbe ẹsin, ikẹkẹ okuo kevbe ivbiyokuo sokpan iran ma mu ẹtin yan e Nọyaẹnmwa, ne Osanobua nọhuanrẹn ọghe Izrẹl, ra ne iran nọ iyobọ vbe obọ ẹre.

Aizaia 41:12

A gha ho iran bẹkun vbe otọ agbọn.

Aizaia 41:25

“I hannọ orhiọnkpa ne ọ rre odẹ ahọ zẹ nẹ. I gha ru ẹe ne ọ ya la odẹ okuọ suẹn igbinna. Te ọ ya owẹ rrilo irriegie mu otọ, vbe ne a khakha ighẹ ọrho iran khin, zẹ vbene ọmakhe ya owẹ rrilo obuẹ.

Aizaia 8:9

Wa ne uhunmwu ẹvbo, wa ya ohan si egbe koko! Wa danmwehọ, wa ne ẹvbo ni rre urria vbe otọ agbọn na. Wa mu egbe ne uwa ya gbinna. Sokpan, wa gie ohan gha mu uwa. Ẹn, wa mu egbe ne uwa ya gbinna, sokpan, wa gie ohan gha mu uwa.

Ezikiẹl 38:15

vbe odẹ, okuo ne ọ rrei ne u ye, u ghi viọ ivbiyokuo nibun, ni vbe mwẹ ẹtin mwẹ obọ, ne a viọ ke uhunmwu ẹvbo nibun rre ke iran kevbe ẹsin ne iran hinrin.

Emọs 2:15

Iran ni fi uhanbọ i ra sẹtin rrọ emwi rhọkpa, iran ni kakabọ rhulẹ i ra sẹtin lẹ fe, iran ni hin ẹsin i vbe miẹn uhunmwu rhie ladian.

Maika 5:8

A gha zagha iran lele uhunmwu ẹvbo, iran gha do yevbe oduma ni ru ohuẹ emwi ne ọ ra re vbe uwu ẹgbo ra oha ne aranmwẹ na rria: Ọ ghi la uwu ẹbu ohuan, ọ ghi san yan iran, ọ ghi yanghan iran ukhiọnmwẹ ukhiọnmwẹ, idaehọ ighe a gha miẹn ẹnrẹn fan i rrọọ.

Maika 7:10

Ẹghẹ nii, avbe eghian mwa gha miẹn ọẹn, efaa ghi rruan avbe eghian nii ni ye ima gbe ogie wẹẹ, “E Nọyaẹnmwa ne Osanobua uwa vboo?” Aro mwa gha sẹ ọe vbe a gha khọn miẹn iran otọ, a gha ya owẹ rrilo iran mu otọ zẹ vbe ọrho vbe adesẹ ore.

Hagai 2:22

I ghi ya avbe arriọba kevbe ẹtin iran uhunmwu rhu, I gha ya avbe ikẹkẹ okuo kevbe iran ni hin iran uhunmwu rhu, avbe ẹsin gha wulo, iran ni hin iran khian gha gbele egbe ua.

Zẹkaraia 12:4

Ọ gha sẹ ẹghẹ nii, I gha runran avbe ẹsin iran, I ghi fi emwẹmwẹ ku iran ni hin ẹnrẹn uhunmwu. I gha tobọ mwẹ gha gbearoghe ivbi e Juda, sokpan, I gha rhu avbe ẹsin eghian iran aro.

Zẹkaraia 12:8

Ọ gha sẹ ẹghẹ nii, e Nọyaẹnmwa gha degue emwa ni rre Jerusalẹm sẹrriọ we ọmwa ne ọ ghi vburriẹ sẹẹ vbọ gha wegbe vba vbene Devid gha ye. Ivbi uniẹn Devid gha su iran zẹ vbe odibo Nọyaẹnmwa zẹ vbe Osanobua tobọ ẹre.

Zẹkaraia 14:13

Ọ gha sẹ ẹghẹ nii, e Nọyaẹnmwa gha fian otighi ne ọ sẹrriọ fi iran egbe ohan ghi vbe mu iran sẹrriọ wẹ dọmwadẹ ọghọe gha dobọ mu ọmwa ne ọ sikẹ ọre sẹ, ọ ghi suẹn gha gu ẹe gbinna.

Zẹkaraia 14:3

Ẹghẹ nii, e Nọyaẹnmwa gha ladian ya gu avbe uhunmwu ẹvbo nii gbinna zẹ vbene ọ ka ru ẹe yi vbe ẹghẹ ne ọ gberra.

Zẹkaraia 9:13

I gha lo e Juda zẹ vbe uhanbọ ovbiyokuo, kevbe Izrẹl, zẹ vbe ifẹnmwẹ. I gha lo ivbi e Zaiọn zẹ vbe umọmọ ne I ya gu ivbi e Gris gbinna.”

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Matiu 4:3

Esu keghi bu ẹre rre, ọ wẹẹ, “Deghẹ Ovbi Osanobua wẹ gele khin tama avbe okuta na ne iran khian eka.”

Iyẹn ne ọ Maan Ọghe Luk 24:19

Ọ nọ rẹn wẹẹ, “Vbọ khun emwi?” Iran wanniẹn wẹẹ, “Avbe emwi ni sunu vbe egbe Jesu ne ovbi e Nazarẹt nọ vbe gha re akhasẹ, ne Osanobua kevbe emwa ne agbọn ka ye ọmwa nọkhua vbe ẹmwẹ ne a guan kevbe emwi ne a ru.

Iwinna 18:24

E Ju ọkpa ne a tie eni ẹnrẹn Apọlọs, ne a biẹe vbe Alẹkzandria kegha die Ẹfisọs. Ọmwa ne ẹmwẹ ma ẹre unu nọ, ọ keghi vbe rẹn Ebe ni ẹsẹse.

Iwinna 7:22

A keghi vbe ma ẹre irẹnmwi Igipt hia. Rẹn keghi khian ọkpọmwa vbe ẹmwẹ kevbe emwi ne a ru.

II Kọrinti 10:4

Emwi igbinna ne ima ya gbinna, ẹ i re emwi igbinna ọghe agbọn na, vbe ẹ i re emwi igbinna ne ọ wo vbe egbe ọghe Osanobua ne a ya guọghọ ehe ne wo vbe egbe. Ma rẹnkhẹn imua ẹmwẹ ohoghe.

Diuteronomi 20:1

“De ghẹ wa yo okuo, ne uwa ya gu eghian uwa gbinna wa na miẹn ikẹkẹ okuo kevbe ẹsin kevbe ivbiyokuo ni bun sẹ ọghe uwa, wa ghẹ gie ohan iran mu uwa. E Nọyaẹnmwa Osanobua rua ne ọ viọ uwa ke Igipt ladian, gha rrọ yaba uwa.

II Timoti 4:17

Sokpan, Nọyaẹnmwa keghi mudia ke mwẹ, ọ na rhie ẹtin yọ mwẹ iwu, sẹrriọ wẹ I keghi sẹtin kpe orhu ẹmwẹ nii ma avbe iran ne ẹ i re Ju hia họn, a keghi vbe wọlọ mwẹ hin uwu unu oduma nii rre.

II Timoti 4:7

I ni nẹ vbene ẹtin mwẹ sẹe, vbe nene ulẹ, I rhie nene ulẹ sẹ eke ne a vin owẹ yi nẹ, I rhie nene iyayi mwẹ nẹ.

Jọsua 10:14

A ma he ka miẹn egbe ẹdẹ vberriọ ẹdẹ, a ma vbe dọlegbe miẹn egbọre ke ẹghẹ nii gha dee, ẹdẹ ne Nọyaẹnmwa ye ẹmwẹ ne ọmwa ne agbọn tae ru emwi, ọ na deba ivbi Izrẹl gbinna.

Jọsua 10:42

Uhukpa ne Jọsua mu okuo gie avbe ọba na, ọ keghi wa khọn iran khọn ẹvbo iran mu tan, rhunmwuda e Nọyaẹnmwa ne ọ re Osanobua ọghe Izrẹl ọ re ọ ghaa gbinna ne Izrẹl.

Arhie Maan 19:17

I keghi bẹghe odibosa ọkpa vbe ọ mudia ye owẹn. Ọ keghi davan tama avbe ahianmwẹ ni tin khian vbe aro iso wẹẹ, “Wa gha dee do si egbe koko ye eghọ nọkhua ọ ghe Osanobua.

I Samuẹl 16:18

Ọkpa vbe uwu iran ni mudia ke ẹe ke ghi kha wẹẹ, “E Jese ne ovbi e Bẹtlẹhẹm mwẹ ọmọ okpia ọkpa ne ọ wa guara kpe akpata. Ọmwa ne ọ din wa nọ, ovbiyokuo ẹmwata, ọmwa ne ẹmwẹ ma ẹre unu, ke ne ọ mose. Nọyaẹnmwa rrọ yaba ẹre.”