Zẹkaraia 10:4 - Edo Bible (E Baibol Ẹdo) Version 1996

⁴ Uwu iran ọ re avbe nikhaemwisẹ gha ke zọ ladian, avbe ọkaolotu kevbe ọkaokuo ni iran gha khaemwisẹ yan emwa mwẹ.

Zẹkaraia 10:4 ပူးပေါင်းရင်းမြစ်များ

Gẹnẹsis 49:24

sokpan uhanbọ irẹn ma bẹghe, a ya ekuabọ iran wegbe vbekpa ẹtin ọghe Osanobua Noghodua ọghe Jekọb, vbe obọ Osanobua nii, ọmwa ne ọ degue Izrẹl.

Ẹzra 9:8

Wanwanna nian e Nọyaẹnmwa, Osanobua mwa, vbe ẹghẹ kherhe, u keghi tohan mwa, u keghi gie eso vbe uwu ima lẹ fe, ma keghi la hin ọviẹn ọmwa rre ne ima do gha rrọọ vbe a i mwẹ ẹbe vbe otọe ne ọ huanrẹn na. U gie ima lahin ọviẹn rre, u na rhie arrọọ ọgbọn ne ima.

Psalm 118:22

Okuta ne iran ni bọ owa he ighe ẹ i maa, keghi werriegbe do khian amamiẹn a i ru ne ọ rrọọ.

Aizaia 19:13

Ọzuọ ọ re avbe ọkaolotu ni rre Zoan kevbe Mẹmfis khin. Te a te wẹ ne iran su ẹvbo nii sokpan iran de ẹre odẹ.

Aizaia 28:16

Vbe ne Nọyaẹnmwa ne Udazi ghi kha hẹ ọ re ọna khin nian, “I ra mu ẹyotọ ọkpa ne ọ deziẹn kevbe ne ọ wegbe ye Zaiọn. I ra vbe mu okuta ẹyotọ ọkpa ne ọ wegbe yọ, a keghi gbẹnnẹ ẹmwẹ vbenian yan rẹn, ‘Iyayi ne ọ deziẹn, te ọ vbe ziengbe.’

Aizaia 49:2

Ọ keghi ru ẹe ne ẹmwẹ mwẹ gha mu zẹ vbe umozo. Obọ ẹre tobọ ẹre ọ re ọ gha degue mwẹ. Ọ ru mwẹ zẹ vbe ifẹnmwẹ ne ọ wa mu ne ọ gha wa gie ẹe lo.

Aizaia 54:16

“Mẹ ọ re ọ yi ogun ne ọ hie erhẹn ya dunmwu emwi igbinna. Mẹ ọ re ọ vbe yi ovbiyokuo ne ọ ya nene emwi igbinna gbe ọmwa.

Jerimaia 1:18

Danmwehọ, Jerimaia, emwa hia ni rre otọe na gha mu aro dan da ruẹ, avbe ọba, e Juda, avbe ekhaẹmwẹ avbe ohẹn, kevbe avbe emwa nii. Sokpan, vbe ẹdẹnẹrẹ na, mẹ rhie ẹtin nuẹn nian ne u ya khẹ iran, te u ra ye vbe ẹvbo ne a gbe odin gaa, orre ematọn, ekẹn oze. Obọ iran i sẹtin ke ukhunmwu ne uẹn, rhunmwuda, I gha rrọọ yaba ruẹ, ne I degue ruẹ, mẹ ne Nọyaẹnmwa ọ re ọ taa ẹe.”

Jerimaia 51:20

E Nọyaẹnmwa khare wẹẹ, “E Babilọn wẹ ọrọre umọmọ mwẹ emwi igbinna ne I ya khọn okuo. I lo ruẹ ya rẹnkhẹn avbe uhunmwu ẹvbo kevbe avbe otọe arriọba,

Zẹkaraia 9:10

E Nọyaẹnmwa khare wẹẹ, “I gha viọ avbe ikẹkẹ okuo hin otọe Izrẹl rre. I ghi viọ avbe ẹsin hin e Jerusalẹm rre; avbe uhanbọ ne a lo vbe okuo, a gha bunnọ ehia a. Ọba ruẹ gha ru adọlọ ọfumwegbe ye ẹbu avbe uhunmwu ẹvbo; ọ gha khaemwisẹ ke okun ya sẹ okun ke Ẹzẹ Yufretes kpao yasẹ ehe ne agbọn sẹe.”

Zẹkaraia 9:8

I gha tobọ mwẹ gha gbe aro ghe ẹvbo mwẹ, I i ghi ra vbe gie ivbiyokuo gha la ẹe gberra. I i ghi ra kue ne emwa dan gha wọ emwa mwẹ uhunmwu ọvbehe. I miẹn vbene emwa mwẹ he rri oya sẹhẹ.”

Nọmbas 24:17

I keghi ghe ẹdẹ nakhuẹ, I keghi ya dẹghe okpẹvbo ọghe Izrẹl, ọba ne ọ yevbe orhọnmwẹ ne yọn ọn, gha kpaegbe vbe ẹvbo ni, ọ gha ke Izrẹl ladian zẹ vbe osun nigiogio ọ gha fi avbe Ọkaolotu Moab emwi, ọ ghi gbele iran ni hio kevbe ni khọọ ku otọ.

Matiu 9:38

Wa na erhunmwu ne Nọyaẹnmwa gie emwa nibun gha dee ne iran do rhọ emwiorhọ la owa.”

Iyẹn ne ọ Maan Ọghe Luk 20:17

Jesu keghi ghe iran, ọ nọ iran wẹẹ, “De emwi ne a ya itan na kha yi i? “ ‘Okuta ne iran ni bọ owa wẹ ẹ i maa Ọre ọ ghi do khian okuta ama miẹn a i ru.’

Ẹfisọs 2:20

Wa tobọ uwa, ẹyotọ ne a vbe ukọ kevbe avbe akhasẹ gbe, ọre a bọ uwa yan, okuta ne a bọ ẹe yan keghi re Kristi Jesu tobọ ẹre.

II Timoti 2:4

Ovbiyokuo ne ọ ye yo igbinna, te ọ gha ho ne ọ ru emwi ne ọ gha yẹ arowa ne ọ gbe aro ghe iran, rhunmwuda ọnii, ẹ i khian gha gbe egbe avbe emwi ne emwa kẹkan ni rre ẹvbo ru.

I Pita 2:6

Rhunmwuda, ebe kha re wẹẹ, “I hannọ okuta ighobioye ọkpa zẹ nẹ, ne I ya ru okuta ẹyotọ vbe Zaiọn, ekhue i ra mu iran ne ọ ya ẹe yi.”

Arhie Maan 17:14

Iran gha gu Oteghe Ohuan nii gbinna, sokpan Oteghe Ohuan nii ke ẹe kevbe emwa rẹn ne a tie re, kevbe ne a hannọ zẹ, iran ni ya ẹko ata lele ẹe khian, gha khọn iran muotọ, rhunmwuda rẹn ọrọre Nọyan eniyaẹnmwa kevbe Ọba iran ne ọba.”

I Samuẹl 14:38

Ẹre Sọl na tama avbe ọkaolotu emwa ni wẹẹ, “Wa larre ne uwa do gualọ orukhọ ne a ru ẹrẹna miẹn.