Zẹkaraia 10:1 - Edo Bible (E Baibol Ẹdo) Version 1996

¹ Wa nọ e Nọyaẹnmwa amẹ ne ọ rhọ vbe omuhẹn orhọ. E Nọyaẹnmwa ọ re ọ gie amẹ bi ne ọ na vbe rhọ ne ugbo na maa ne emwa hia.

Zẹkaraia 10:1 ပူးပေါင်းရင်းမြစ်များ

I Ọba 17:1

Akhasẹ ọkpa ne a tie ẹre Elaija ne ovbi e Tisbi ne Giliad ke tama Ehab wẹẹ, “Vbe eni e Nọyaẹnmwa ne Osanobua Izrẹl ne imẹ ga, I tama ruẹn nian wẹ amẹ i ghi ra rhọ, evbu i ra ghi vbe tuo ọ te ya sẹ ukpo eha vbe ẹ i re te I fi ẹmwẹ na werriẹ ta.”

Job 29:23

emwa hia ọ re iran wa maa na, zẹ vbene amẹ maa ne ọwẹe vbe uyunmwu.

Psalm 104:13

U gie amẹ ke iso gha rriẹ uhunmwu avbe oke, a keghi ye afiangbe ruẹ vuọn agbọn.

Psalm 135:7

Ọ mu okpẹhoho okuku amẹ ke ehe ne agbọn sẹe gha dee, ọ ru ayan ne okpẹhoho, ọ kevbe kie okpẹhoho ke uwu aza ẹre ladian.

Psalm 65:9

U rhie maa vbene u gbe aro ghe otọe hẹ, vbene u na gie amẹ gha rhọ yọ u keghi ya ẹe gha maa ọ na vbe gha maa emwiokọ erriọ ọ re u ru ẹe.

Psalm 72:6

Te ọba gha yevbe amẹ ne ọ rhọ ye ugbo, zẹ vbe okpamẹ ne ọ rhọ ye otọe.

Itan 16:15

Aro ne ọ maa ọghe ọba yevbe okuku amẹ ne ọ ye amẹ rhọ vbe ẹghẹ ahọ orhọ, uwa rre evba.

Aizaia 30:23

Ẹghẹ ikẹghẹ ne uwa a rhirhi ya kọ emwiokọ, e Nọyaẹnmwa gha rhọ amẹ yọ ne ọ ya zọ, ọ gha gie emwiokọ uwa maa ẹsẹse, avbe ẹmila uwa ghi gha mwẹ oha ne iran na rria ne ọ maa ẹsẹse.

Aizaia 44:3

“I gha sa amẹ ne ọmwa ne ovbamẹ gbe, I ghi vbe wẹ ne ẹzẹ gha lẹ, vbe otọe ne ọ kae I gha hihiẹ ẹtin yan avbe ivbi uẹ kevbe afiangbe mwẹ yan ivbi uniẹn ruẹn.

Aizaia 5:6

I gha gie irunmwu sọn rhu ẹe, I i ra viọ azara ni abọ ra ne I vulo otọ ẹre. Sokpan, I gha gie igban kevbe ọkọsọ ma rhu ẹe. I gha wa vbe tama iso ne ọ ghẹ gie amẹ rhọ yọ.”

Jerimaia 10:13

Amẹ ne ọ rre odukhunmwu iso ghi davan vbe irẹn a wẹ ne ọ ru vberriọ, ọ ghi ke ehe ne agbọn sẹe viọ okuku rre. Ọ ru ẹe ne ayan gha yan vbe amẹ rhọ ọ ghi giee ẹhoho ladian ke ehe ne ọ viọ ẹre lẹre yi gha dee.

Jerimaia 14:22

Ọkpa ne ọ sẹtin si amẹ i rre avbe amazẹ avbe uhunmwu ẹvbo, iso i sẹtin ye ẹtin obọ ẹre wẹ ne amẹ rhọ. Wẹ ọre ima mu ẹtin idaehọ mwa yan, e Nọyaẹnmwa Osanobua mwa rhunmwuda, wẹ ọrọre ọmwa ne ọ ru avbe emwi na hia.

Jerimaia 5:24

Wa ma he zẹ ọe vbe iro ẹdẹ wẹ, wa gha ya ọghọ mẹ, vberriọ, mẹ ọ re ọ giẹ amẹ ahọ orhọ kevbe ahọ uyunmwu rre, I ghi vbe gha rhie ẹghẹ emwiorhọ ne uwa vbe ukpukpo.

Jerimaia 51:16

Ọ gu amẹ ne ọ rre odukhunmwu iso guan, ọ kegha davan. Ọ si amẹ koko ke ehe ne agbọn sẹẹ gha dee ọ ye ayan yan ke uwu amẹ ne ọ rhọ, ọ keghi gie okpẹhoho ke uwa aza ọghọe ladian.

Ezikiẹl 34:26

I gha fiangbe iran, I ghi vbe gie iran gha rre ehe ne ọ lẹga oke mwẹ nọhuanrẹn. Evba nii ọ re I gha na gha ye amẹ ne ọ rhọ fiangbe iran vbe ẹghẹ ne iran ya gualọ ẹe.

Ezikiẹl 36:37

E Nọyaẹnmwa ne Udazi khare wẹẹ, “I gha dọlegbe gie ivbi Izrẹl do nọ iyobọ vbe obọ mwẹ, I gha gie iran vbe gha muan yọ zẹ vbe oghẹn ohuan.

Hozia 10:12

Mẹ keghi kha wẹẹ, ‘Ya gua ehe ne ọ maa ọghe obọ ruẹ, kọ emwiokọ uhunmwu ẹmwẹ ne u vbe rhọ afiangbe ne ọ gha ladian vbe ekhọe esi ne u ya ga mwẹ. Ẹghẹ sẹe nẹ ne u ya bu mwẹ gha dee, mẹ ne Nọyaẹnmwa ruẹn, mẹ gha rre I ghi vbe do rhọ afiangbe yan ruẹn.’

Hozia 6:3

Wa gie ima ziga ne a rẹn e Nọyaẹnmwa. Vbe ne a i na gbe awẹawẹ, ọ gha bu ima rre zẹ vbe ne ẹ i mwẹ ẹdẹ ma gbe, zẹ vbene ẹ i mwẹ amẹ orhọ ma rhọ ye otọ.”

Emọs 4:7

Ẹghẹ ne ọ wa kei ne amẹ na rhọ ye emwiokọ uwa. I keghi dobọ amẹ yi ne ọ ghẹ rhọ. I gha gie amẹ rhọ vbe ẹvbo ọkpa, I i ghi vbe gie ẹe rhọ vbe nọkpa.

Maika 5:7

Ivbi Izrẹl ni miẹn uhunmwu vbọ, gha yevbe evbu ne ọ fu ọmwa egbe rre ne Nọyaẹnmwa gie gie uhunmwu ẹvbo nibun, zẹ vbe amẹ ne ọ rhọ yan emwiokọ ne ọ da zọ dee. Iran gha ye egbe yan Osanobua ighe ẹ i re ọmwa kẹkan.

Iyẹn ne ọ Maan Ọghe Jọn 16:23

“Ọ gha sẹ ẹdẹ nẹdẹrriọ, wa i ghi ra nọ mwẹ ọta rhọkpa: Ẹmwata I tama uwa, emwi ne uwa a rhirhi ya eni mwẹ nọ Evbavba re, ọ gha rhie ẹre ne uwa.

I Kọrinti 3:6

Me kọ emwiokọ, Apọlọs keghi gbe amẹ khakhae. Sokpan Osanobua ọre ọ ru ẹe ne ọ na zọọ.

Diuteronomi 28:23

Amẹ i ra rhọ, otọe uwa ghi do kaka vbe ematọn.

Jems 5:7

Rhunmwuda ọnii, wa ne etẹn mwẹ, wa ziengbe khẹ ẹghẹ ne Nọyaẹnmwa gha ya rre. Wa ma miẹn vbe ne ọwẹe ziengbe hẹ vbe ọ gha khẹ ne otọ ẹre mọ ọmọ esi ladian. Ọ ghi hẹko, ziengbe khẹ amẹ ne okaro kevbe ne okiekie ne ọ rhọ.