Zẹkaraia 1:6 - Edo Bible (E Baibol Ẹdo) Version 1996

⁶ Avbe eguọmwadia mwẹ i ghẹ avbe akhasẹ ọ re I giee ne a tama avbe erha uwa odede, emwi ne I ho ne iran ru kevbe emwi ne ọ gha he sunu, sokpan, iran ma zẹye rhọkpa, ọre obọ na vba iran. Ẹghẹ nii, iran keghi fi uyinmwẹ werriẹ, iran keghi do miẹnkue wẹ, mẹ ne Nọyaẹnmwa ne Osanobua ọ re ọ rri iran oya vbene ọ ma iran zẹ vbene I ta ẹe wẹ I gha ru ẹe.”

Zẹkaraia 1:6 ပူးပေါင်းရင်းမြစ်များ

II Ọba 15:12

Erriọ ọ re eyan ne Nọyaẹnmwa yan ma e Jehu na do sẹ wẹẹ, “Ivbi uẹ gha rriọba vbe Izrẹl ya sẹ orre ne ogienẹ.”

Job 6:29

Ehe ne uwa he khian sẹ ni, sẹe. Wa do bọ a i ta ẹmwata yi. Wa ghẹ hu abe mẹ. Mẹ ọ re ọ rria asẹ.

Aizaia 21:17

Iran ni fi uhanbọ ọrọre emwa ni din sẹẹ vbe Keda sokpan ibozẹghẹ ọ ra kẹe vbọ. Mẹ ne Nọyaẹnmwa ne Osanobua Izrẹl ọ re ọ tae.”

Aizaia 44:26

Sokpan avbe eguọmwadia mwẹ ta emwi ne ọ gha he sunu yotọ Mẹ gha gie ọmwa uhunmwu ne ọ ya rhie emwamwa mwẹ maa, I ghi ru ẹe ne avbe emwamwa nii kevbe ẹmwẹ ne a ta yotọ nii gele gha sunu. I tama Jerusalẹm wẹ emwa gha dọlegbe gha rre evba, kevbe avbe okpẹvbo ni rre Juda ighe a gha dọlegbe bọ iran. Avbe ẹvbo nii gha kpaegbe hin itowa ree.

Aizaia 55:1

E Nọyaẹnmwa khare wẹẹ, “Wa larre, emwa hia ne ovbamẹ gbe, wa ghe amẹ wa ne ẹ i mwẹ igho, wa larre, wa do dẹ ọka ne uwa re. Wa larre, wa do dẹ ọka kevbe ewẹn ẹmila, vbene a i na ha igho yọ!

Aizaia 55:11

Erriọ ọ re ẹmwẹ ne I tae ra vbe gha ye ẹ i mwẹ ọ ma ru emwi ne I wẹ ne ọ ru. Ọ gha ru emwi hia ne I gie ẹe ne ọ ya ru.

Jerimaia 23:20

Ẹ i ra vbe dobọyi vbe ọ te do ru emwi ne ọ wẹ rẹn ra ru hia fo. Ọ gha sẹ ẹdẹ ne ọ dee, emwa rẹn gha wa rẹn emwi ne a ya ọna kha ẹsẹse.”

Jerimaia 26:15

Sokpan, wa gie ọna gha rre uwa ekhọe wẹ adeghẹ wa gbe mwẹ uan, wa gha rria abe, kevbe emwa ni rre ẹvbo na wẹ wa gbe ọmwa ne ọ ma rukhọ ua, rhunmwuda, e Nọyaẹnmwa ọ re ọ gie mwẹ ne I do ta ẹmwẹ na yotọ ma uwa.”

Jerimaia 28:17

E Hananaia keghi wu vbe uki ne ogihinrọn ọghe ukpo nii.

Jerimaia 32:24

“Avbe ivbi e Babilọn tọn uvun igbinna lẹga ore ẹvbo nii nẹ, ne iran khọn mu ẹẹn, iran suẹn igbinna nẹ. Okuo, ohanmwẹ kevbe emianmwẹ, gha gie ẹvbo ni de yi iran obọ, u gha miẹn wẹ emwi ne u tae hia sunu nẹ.

Jerimaia 36:28

Wẹ ne I rhie ebe ohian ọvbehe ne I gbẹnnẹ emwi hia ne ọ ka gha rre nọkpa yọ.

Jerimaia 39:16

ne I tama Ẹbẹdmẹlẹk ne ovbi e Sudan wẹ e Nọyaẹnmwa ne Oghodua ne Osanobua Izrẹl khare wẹẹ, “Zẹ vbene I tae, ọkhọ ọ re I ra wẹ ne ọ rruan ẹvbo na ighe ẹ i re ọmaa, emwi na gha sunu, wẹ gha rre evba ne u bẹghe ẹre.

Jerimaia 4:4

Wa ya ile ne uwa gu imẹ ne Nọyaẹnmwa uwa ta gha ru emwi, ne uwa ye egbe uwa fiohan mẹ, wa ne ivbi e Juda kevbe ivbi e Jerusalẹm. Adeghẹ wa ma ru vberriọ, ohu mwẹ gha vẹn zẹ vbe erhẹn rhunmwuda emwi dan hia ne uwa he ru. Ọ gha vẹn, orhunmwu ọkpa ne ọ gha dọ ẹre yọ irrọọ.”

Jerimaia 44:2

E Nọyaẹnmwa ne Oghodua ne Osanobua Izrẹl wẹẹ, “Aro uwa tobọ uwa sẹ ọyanroua ne I ru e Jerusalẹm re, kevbe avbe okpẹvbo ọvbehe ni rre Juda. ye do sẹ wanwanna, itowa ọ re ehia ye khin, ọmwa rhọkpa i vbe rrọọ.

Jerimaia 44:28

“Sokpan, ibozẹghẹ vbe uwu uwa gha miẹn uhunmwu, wa ghi werriegbe ke Igipt gha die Juda. Iran ni miẹn uhunmwu nii ọ re ọ ghi ra rẹn ne ẹmwẹ ọnrẹn ghi sẹẹ vbọ, ọghomwẹ ra ọghe iran.

Jerimaia 44:29

Mẹ ne Nọyaẹnmwa gha rhie ama ne uwa ya rẹn wẹ I gha rri uwa oya vbe emwa na kevbe wẹ eyan ne I yan rẹn wẹ I gha gie ọkhọ mian uwa, te ọ ra sẹ.

Jerimaia 44:6

“Rhunmwuda ọnii, I ke hihiẹẹ ohu kevbe okuosu mwẹ yan avbe ẹvbo ni rre Juda, kevbe avbe idunmwu ni rre Jerusalẹm I na rhu erhẹn ye ehia. A keghi ya ehia khian itowa kevbe ne ọ ghi mianmwẹ ughe, zẹ vbene iran ye ẹdẹ nẹrẹ na.

Eve Orriara 1:18

“Sokpan, emwi ne ọ khẹke ọ re Nọyaẹnmwa ru, rhunmwuda mẹ ọ re ọ yan ẹẹn zẹ. Wa danmwehọ mwẹ, emwa ni rre ehe hia wa ghe mwẹ vbe uwu obalọ ne I ye. A viọ avbe igbama kevbe avbe uvbi mwẹ oghunmwu gha rrie.

Eve Orriara 2:17

E Nọyaẹnmwa ye ru ẹe vbene ọ wẹ rẹn re ru ẹe: Ọ fuẹn ima an vbe ne a i na mwẹ itohan, zẹ vbene ọ taa ẹe yotọ ke ẹghẹ nii gha dee. Ọ gie obọ avbe eghian mwa ke ukhunmwu, ọ keghi ye ọyẹnmwẹ sẹ iran ye udemwẹ mwa.

Eve Orriara 3:42

“Ma ru orukhọ nẹ, a keghi vbe sọtẹ wẹ ne Nọyaẹnmwa ma vbe yabọ mwa.

Ezikiẹl 20:43

“Ẹghẹ nii, wa gha na do ye avbe emwiekhue ne uwa ru hia rre, ke vbene uwa mu awua ye egbe uwa egbe hẹ. Egbe uwa gha sọnnọ uwa, rhunmwuda emwi dan hia ne uwa ru.

Ezikiẹl 37:11

Osanobua keghi tama mwẹ wẹẹ, “Ovbi ọmwa, te ivbi Izrẹl ye vbe avbe ugboloko na, iran khare wẹ iran kakaa nẹ vbene idaehọ ra a gha he kue maa ẹdẹ nakhuẹ i na ghi rrọọ.

Daniẹl 4:28

Avbe emwi na hia keghi gele sunu vbe egbe Nebukiadneza ne ọba.

Hozia 5:9

Ẹdẹ irria ikhi dee. Izrẹl gha la ọrhiae rrie. Ivbi Izrẹl, ẹ i mwẹ ọna ma sunu.

Hozia 9:15

E Nọyaẹnmwa khare wẹẹ, “E Gilgal ọre emwi dan hia ne iran ru na suẹn. Evba nii ọ re ohu iran keghi suẹn gha mu mwẹ. Rhunmwuda emwi dan ne iran ru, I gha khulo iran hin otọe mwẹ rre. Mẹ i ghi ra dọlegbe ho ẹmwẹ iran ọvbehe, avbe ọkaolotu iran hia wa sọtẹ mwẹ nẹ.

Emọs 9:10

A gha gbele avbe emwa orukhọ ni rre emwa mwẹ vbe okuo, iran hia ni kha wẹẹ, ‘Osanobua i gie ọkhọ sunu vbe egbe mwa.’ ”

Zẹkaraia 1:7

Vbe ukpo ne ogieva ne Dariọs ya gha re ọgbaisi, vbe ikpẹdẹ enẹyan-ugie ọghe uki ne ogiowọrọ (uki ne a tie ẹre siebat), e Nọyaẹnmwa keghi la ekpa umian ne I miẹn vbe asọn gie mwẹ uhunmwu.

Malakai 3:18

Ẹghẹ nii, emwa ni gha dọlegbe miẹn alughaẹn ne ọ rre emwi ne ọ sunu vbe egbe ọmwata kevbe ọmwa dan. Vbe egbe ọmwa ne ọ ga mwẹ kevbe ọmwa ne ẹ i ga mwẹ.”

Nọmbas 23:19

Osanobua i ye vbe emwa ne agbọn, ni ta ohoghe; rẹn i re ọmwa kẹkan ne ọ gbe yo gbe rre. Emwi ne ọ rhirhi ta, ọre ọ ru; ọ gha guan, a ghi ru ẹe.

Nọmbas 32:23

Sokpan deghẹ wa na mu eyan uwa sẹ, ne I gie uwa rẹn nian wẹ wa gha rukhọ ghe Nọyaẹnmwa, wa ghi vbe rẹn nian wẹẹ a gha vbe rri uwa oya ye orukhọ uwa.

Nọmbas 33:56

A deghẹ wa ma khulo iran ladian, vbene I khare I gha fuan iran an, erriọ I ra fuẹn uwa a.”

Matiu 24:35

Ẹrinmwi kevbe agbọn gha gberra, sokpan, ẹmwẹ mwẹ i ra gberra.

Diuteronomi 28:15

“Sokpan, a deghẹ uwa ma họn ẹmwẹ e Nọyaẹnmwa Osanobua uwa ne uwa vbe ya ẹkoata rhie uhi ẹre hia ne imẹ rhie ne uwa ẹrẹna mwẹ, avbe emwi dan na hia gha sunu vbe egbe uwa.

Diuteronomi 28:2

Wa gha họn ẹmwẹ ne Nọyaẹnmwa Osanobua rua, afiangbe na hia gha re ọwua:

Diuteronomi 28:20

“Wa gha ru emwi dan, wa na he e Nọyaẹnmwa ye otọ, rẹn gha gie ọkhọ rruan uwa kevbe otighi kevbe orueghe vbe emwi ne uwa ru hia, a te do miẹn wẹ te a ghi fuẹn uwa a fo fẹẹrẹ ẹgiẹgiẹ.

Diuteronomi 28:45

“Ọkhọ na hia ọ ra rruan uwa, iran ghi gha rre ehe ne uwa ye wa te do gbe ẹro, rhunmwuda wa ma họn ẹmwẹ e Nọyaẹnmwa Osanobua rua ne uwa gha ya uhi ne ọ viọ ne uwa hia ru emwi.

I Tẹsalonaika 5:4

Sokpan, wa ne etẹn mwẹ, wa i rre uwu ebiebi, rhunmwuda, ọnii, ọ ma kei ne Ẹdẹ nii do do uwa mu zẹ vbe oyi.