Zẹkaraia 1:21 - Edo Bible (E Baibol Ẹdo) Version 1996

²¹ Mẹ keghi nọ wẹẹ, “De emwi ne avbe emwa na do ru yi?” Rẹn keghi wanniẹn wẹẹ, “Te iran rre do runran kevbe ne iran vbe ya iran uhunmwu rhu ighe avbe ẹvbo nii ni wa dunmwu ẹn mu otọ fo fẹẹrẹ ighe otọe Juda, ne ọ na vbe zagha emwa ni rrọọ kua.”

Zẹkaraia 1:21 ပူးပေါင်းရင်းမြစ်များ

Psalm 75:10

Ọ gha guọghọ ẹtin emwa dan sokpan a gha rhie ba ẹtin ọghe emwa ẹmwata.

Psalm 83:2

Ghe avbe eghian ruẹn si otighi, iran ni khuiwu ruẹ vbe sọtẹ.

Eve Orriara 2:17

E Nọyaẹnmwa ye ru ẹe vbene ọ wẹ rẹn re ru ẹe: Ọ fuẹn ima an vbe ne a i na mwẹ itohan, zẹ vbene ọ taa ẹe yotọ ke ẹghẹ nii gha dee. Ọ gie obọ avbe eghian mwa ke ukhunmwu, ọ keghi ye ọyẹnmwẹ sẹ iran ye udemwẹ mwa.

Daniẹl 12:7

Odibosa nii keghi viọ obọ da iso, ọ keghi ye eni Osanobua etẹbitẹ yan. I keghi họn vbe ọ khare wẹẹ, “Ukpo eha vbe ukhiọnmwẹ khian gha nọ. Emwi na hia gha sunu fo nẹ a ke dobọ emwa Osanobua ne a zẹ kpokpo yi.”

Zẹkaraia 1:19

I keghi nọ odibosa ne ọ gunmwẹ guan usin wẹẹ, “De emwi ne a ya avbe igho na kha?” Rẹn keghi wanniẹn wẹẹ, “Iran mudia ye ihe ẹvbo ni mwẹ ẹtin ni zagha ivbi Juda, Izrẹl kevbe Jerusalẹm kua.”