Zẹkaraia 1:2 - Edo Bible (E Baibol Ẹdo) Version 1996

² E Nọyaẹnmwa ne Oghodua keghi gie Zẹkaraia ne ọ tama emwa nii wẹẹ, “Ohu avbe erha uwa odede wa kakabọ mu imẹ ne Nọyaẹnmwa,

Zẹkaraia 1:2 ပူးပေါင်းရင်းမြစ်များ

II Ọba 22:19

U na roiro fi uyinmwẹ werriẹ, u na mu egbe rriotọ vbe odaro mwẹ, u keghi sọ ukpọn ruẹn uan, u na gha viọ vbe u họn vbene I wẹ I gha rri e Jerusalẹm kevbe emwa ni rrọ oya hẹ. I gha ru ọ yan aro ua ye evba, ehe ne eni ẹnrẹn gha na khian ne a ya tie ihẹn. Sokpan, I họn erhunmwu ruẹn nẹ.

II Ọba 23:26

Sokpan emwi ne Manasẹ ne ọba ru ya ohu e Juda mu e Nọyaẹnmwa ẹsẹse, uhin do sẹ banbanna, ọ ma he ye rriotọ.

Ẹzra 9:13

“Ma rhe miẹn emwi ne ọ rruan mwa zẹ vbe emwi ne a ya rri ima oya ye orukhọ mwa, ma rẹnrẹn wẹ, we ne Osanobua mwa ma rri ima oya sẹ zẹ vbene ọ te khẹ ke mwa, ne u na gie ima ye gha rre agbọn.

Psalm 60:1

Osanobua, wẹ he ima nẹ, obọ ruẹ keghi vbe gba ima. U wa mobọ mu ohu ghe mwa sokpan, eban nian werriegbe bu ima rre.

Jerimaia 32:23

Sokpan, ugbẹn vbe iran ghi sẹ otọe na, vbe iran ghi yan ẹnrẹn nẹ, iran ma ya uhi ruẹ ru emwi ra ne iran gha yin zẹ vbene u ma iran ẹre. Iran ma ru avbe emwi ne u wẹ ne iran ru rhọkpa. Ọre u na gie ọkhọ na hia rruan iran.

Jerimaia 44:6

“Rhunmwuda ọnii, I ke hihiẹẹ ohu kevbe okuosu mwẹ yan avbe ẹvbo ni rre Juda, kevbe avbe idunmwu ni rre Jerusalẹm I na rhu erhẹn ye ehia. A keghi ya ehia khian itowa kevbe ne ọ ghi mianmwẹ ughe, zẹ vbene iran ye ẹdẹ nẹrẹ na.

Eve Orriara 5:7

Avbe erha mwa odede ru orukhọ, sokpan iran i ghi rrọ nian, te ima ghi rri oya ye orukhọ iran.

Ezikiẹl 22:31

ghi vbe fuẹn iran an vbene erhẹn fuẹn emwi uan rhunmwuda emwi dan ne iran ru.” E Nọyaẹnmwa ne Udazi guaan nẹ.

Ezikiẹl 8:18

Obọ ohu mwẹ gha vba iran. I i ra sẹ iran rae, a ma wẹ ne I tohan iran. Iran gha go gboo gha na erhunmwu ghe mwẹ, sokpan I i zẹ ye iran ẹre.”

Zẹkaraia 1:15

Ohu avbe ẹvbo nii ne ọfurre kevbe ne ọfumwegbe ye wa mu mwẹ. Rhunmwuda, ẹghẹ ne imẹ na gha si egbe vbe ẹmwẹ ohu emwa mwẹ ne ọ mu mwẹ, avbe uhunmwu ẹvbo na kegha tua oya nẹ emwa mwẹ re sẹẹ ayọ.

Zẹkaraia 7:12

iran keghi ye ekhọe iran wegbe zẹ vbe okuta nọkhua. Rhunmwuda ne iran ma na zẹye emwi ne I la obọ avbe akhasẹ ni rrọ vbe ẹghẹ ne ọ kpẹre ma iran re, ohu keghi mu mwẹ ẹsẹse.

Zẹkaraia 8:14

E Nọyaẹnmwa ne Oghodua khare wẹẹ, “Ẹghẹ ne avbe erha uwa odede na rukhọ ghe mwẹ, I keghi mwamwa emwi ne I gha ru iran re, I ma kie werriegbe vbọ, te I wa ru ẹe vberriọ.

Iwinna 7:52

Ọkpa rrọ vbe uwu iran ne akhasẹ ne avbe erha uwa odede ma kpokpo ra? Emwa ne Osanobua gie gha dee ni do kha ẹghẹ ni, ighẹ Ọguọmwadia emwata ẹre dee, iran gbele ehia a, ne a ghi ye na nian, wa ghi rhie ẹre ma an nẹ, wa keghi gbe ẹe rua.