Zẹkaraia 1:18 - Edo Bible (E Baibol Ẹdo) Version 1996

¹⁸ Vbe umian ọvbehe, I keghi bẹghe igho enẹ ọghe ẹkhuia ẹmila.

Zẹkaraia 1:18 ပူးပေါင်းရင်းမြစ်များ

I Ọba 22:11

Ọkpa vbe uwu avbe akhasẹ nii, e Zedekaia ne ovbi e Kienaana keghi dunmwu igho ematọn, ọ tama Ehab wẹẹ, “Vbenian ọre Nọyaẹnmwa khare, ‘Ọ na ọre u ra ya khọn ivbi e Siria a te do wabọ iran an fẹẹrẹ.’ ”

II Ọba 15:29

Ẹghẹ ne Pẹka na gha re ọba, ọre Tiglat Pailesa ne ọgbaisi Asiria na khọn munọ avbe ẹvbo na, Ijọn, Ebel Bẹt, Maka, Janoa, Kedẹs kevbe Hazọ, kevbe otọ e Giliad, e Galili kevbe Naftali, ọ keghi viọ emwa ni rrọ oghunmwu gha rrie Asiria.

Zẹkaraia 1:17

Odibosa nii keghi vbe tama mwẹ wẹ ne I ya ta ẹe ladian ma emwa wẹẹ, “E Nọyaẹnmwa ne Oghodua khare wẹ agbọn gha ma emwa vbe avbe ẹvbo irẹn nekhua hia, kevbe wẹ rẹn gha dọlegbe ye gha dee do yi e Jerusalẹm obọ, ne ọ vbe ya ẹvbo nii khian ọghe obọ irẹn.”

Zẹkaraia 1:19

I keghi nọ odibosa ne ọ gunmwẹ guan usin wẹẹ, “De emwi ne a ya avbe igho na kha?” Rẹn keghi wanniẹn wẹẹ, “Iran mudia ye ihe ẹvbo ni mwẹ ẹtin ni zagha ivbi Juda, Izrẹl kevbe Jerusalẹm kua.”

Zẹkaraia 2:1

Vbe umian ọvbehe, I keghi bẹghe okpia ọkpa ne ọ rhie ọkpọ ne a ya mwa emwi mwẹ obọ.

Zẹkaraia 5:1

I keghi dọlegbe gbe aro ke otọ, I ghi ya ghe, ghe ebe ne a kiri, ọ wa tin la odukhunmwu khian.

Zẹkaraia 5:5

Odibosa nii keghi vbe dọlegbe rhie egbe maa, ọ wẹẹ, “Ghe, emwi ọvbehe vbe dee!”

Zẹkaraia 5:9

Mẹ ghi tọn aro mu, I ghi ya ghe ikhuo eva wa tin bu mwẹ dee, ifuẹn iran ni wegbe zẹ vbe ọghe avbe ahua, ọ re iran ya gha tin dee. Iran tọn okhuae nii mu, iran na mu ẹẹn tin kpao.

Zẹkaraia 6:1

I keghi vbe miẹn umian ọvbehe. Vbe ọnọna, I keghi ya bẹghe ikẹkẹ okuo enẹ iran la ẹkpo oke oze eva dee.

Jọsua 5:13

E Jọsua ghi rre ọkpẹn Jẹriko, vbe udomwurri, ọ keghi bẹghe okpia ọkpa ne ọ mu umozo mwẹ vbe ọ mudia ye odaro irẹn. E Jọsua keghi bu ẹre gha khian, ọ nọ rẹn wẹẹ, “Ọkpa vbe uwu ivbiyokuo ọghe ima ọ re uwẹ khin ra oghian?”