Zẹkaraia 1:15 - Edo Bible (E Baibol Ẹdo) Version 1996

¹⁵ Ohu avbe ẹvbo nii ne ọfurre kevbe ne ọfumwegbe ye wa mu mwẹ. Rhunmwuda, ẹghẹ ne imẹ na gha si egbe vbe ẹmwẹ ohu emwa mwẹ ne ọ mu mwẹ, avbe uhunmwu ẹvbo na kegha tua oya nẹ emwa mwẹ re sẹẹ ayọ.

Zẹkaraia 1:15 ပူးပေါင်းရင်းမြစ်များ

Job 30:13

Iran khui ehe ne I gha la lẹfua, iran na wẹ ne iran wa fuẹn mwẹ uan; a i miẹn ọmwa ne ọ wẹ iran dobọyi.

Psalm 123:4

Ọ kpee gbe ne iran ni fe kegha ya ima gbogiẹ, iran hia ni hio kevbe ni kpokpo mwa gha zan mwa.

Psalm 137:7

Nọyaẹnmwa, ye emwi ne ivbi Idọm ru rre, vbe ẹdẹ ne iran khọn Jerusalẹm. Yerre vbe iran gha go hẹ wẹẹ, “Wa wa dunmwu ẹn sẹ otọ.”

Psalm 69:26

Iran keghi gha zẹ emwa ne uwẹ rri ọre oya kpokpo iran kegha na iyẹn emwa ne uwẹ kuanrẹn.

Aizaia 54:8

Ohu mu mwẹ, I na fi iyeke gbe vbe ovbi ẹghẹ kherhe. Sokpan, I gha ho ẹmwẹ ruẹn ẹdẹdẹmwẹdẹ. Erriọ e Nọyaẹnmwa ne ọ miẹn ruẹn fan khare.

Jerimaia 30:16

Sokpan, ebannian, a gha gbele iran re ighẹ, iran ni te gbe uwa re, a gha vbe munọ avbe eghian uwa gha rrie zẹ vbe oghunmwu. A gha wọ iran uhunmwu ighe iran ni wọọ uwa uhunmwu, iran ni fu uwa emwi viọ, a gha fu iran emwi viọ.

Jerimaia 50:33

E Nọyaẹnmwa ne Oghodua khare wẹẹ, “A wọ ivbi Izrẹl kevbe Juda uhunmwu. Iran ni munọ iran oghunmwu gha baba iran, iran i ra gie iran kpao gha rrie.

Jerimaia 51:24

E Nọyaẹnmwa khare wẹẹ, “Wa gha miẹn ọẹn vbe I a gha ha e Babilọn osa emwi dan ne iran ru vbe Jerusalẹm.

Ezikiẹl 26:2

“Ovbi ọmwa, ghe emwi ne ivbi e Taia wee ba. Iran gha go kha wẹ a guọghọ e Jerusalẹm nẹ! Ẹtin ẹki ne ọ te do fo. Ẹ i ghi gu ima suan ọvbehe!

Emọs 6:1

U miẹn vbe ọ gha ba so uwa hẹ, wa ni wa zẹ ọwọbu vbe Zaiọn, kevbe uwa ni kha wẹ vbe nene ẹbe ke dee, ni rre Sameria, wa ne okpemwa ni rre Izrẹl ne okpẹvbo na, wa ne emwa do gha lẹ vba nọ iyobọ!

Habakọk 3:12

U khian la agbọn, u fian ẹn rra vbe ohu ruẹ, vbe ohu ruẹ nọkhua, u ya owẹ rrilo avbe uhunmwu ẹvbo mu otọ.

Zẹkaraia 1:11

Iran keghi do na iyẹn ma odibosa nii wẹẹ: “Ma la agbọn na hia khinkhian, ma keghi miẹn wẹ te agbọn na hia wa khian ne egbe wọre kevbe ne a siẹnrhu ginna otọ.”

Zẹkaraia 1:2

E Nọyaẹnmwa ne Oghodua keghi gie Zẹkaraia ne ọ tama emwa nii wẹẹ, “Ohu avbe erha uwa odede wa kakabọ mu imẹ ne Nọyaẹnmwa,

Zẹkaraia 14:12

E Nọyaẹnmwa gha mu emianmwẹ ne ọ wegbe ku avbe uhunmwu ẹvbo hia ni mu okuo ye Jerusalẹm. Ikpakpa egbe iran gha kẹkẹ ua vbe iran ma he wu, aro iran kevbe aranmwẹ iran gha kẹkẹ ua.

Zẹkaraia 6:8

Ẹre odibosa nii na ni urhu tama mwẹ wẹẹ, “Avbe ẹsin ni mu uhunmwu da odẹ okuọ gha rrie Babilọn, ya ohu e Nọyaẹnmwa dọyọ nẹ.”